Sumqayıt şəhər sakini  Raciyyə Zeynalova üzləşdiyi problem ilə əlaqədar etdiyi müraciətə həssaslıqla yanaşılaraq qısa zaman kəsiyində həll olunmasında, eləcə də ona dəymiş maddi ziyanın ödətdirilməsində göstərdikləri köməkliyə görə Azərbaycan Polisinə minnətdarlığını bildirir.

Bir qrup vətəndaş məktublarında DİN-ə ünvanladıqları müraciətlərinə operativ baxıldığını, obyektiv araşdırma aparılaraq qısa müddətdə müsbət həll olunduğunu qeyd edirlər. Müraciətlərinə həssas yanaşılmasına və obyektivliyə görə Azərbaycan Polisinə təşəkkürlərini bildirirlər.

Bakı şəhər sakini, müharibə veteranı Nəbi Nəsirov DİN-in A.Heydərov adına Respublika  Hospitalında şəhid ailələrinə, müharibə iştirakçılarına və qazilərə göstərilən, yaradılan şəraitdən, diqqət və qayğıdan, səliqə-sahmandan, personalın səmimi və qayğıkeş münasibətindən DİN rəhbərliyinə razılığını bildirir.

Şirvan şəhər sakini Səadət Əliyeva DİN-in “Facebook” səhifəsinə təşəkkür mesajı yazıb. O, şəhər ərazisində narkotik vasitələrin və psixotrop maddələrin qanunsuz dövriyyəsinin qarşısının alınması istiqamətində aparılan qətiyyətli mübarizə tədbirlərinə görə başda DİN rəhbərliyi olmaqla, Şirvan ŞPŞ-nin rəhbərliyinə və əməkdaşlarına minnətdarlığını bildirir.

Bakı şəhər sakini Humay Quliyeva DİN-in “Instagram” səhifəsinə təşəkkür mesajı yazıb. O, səhifə vasitəsilə etdiyi müraciətinə dərhal reaksiya verildiyini və müvafiq araşdırmalara başlanıldığını qeyd edərək DİN rəhbərliyinə və Yasamal RPİ 29-cu PŞ-nin əməkdaşlarına təşəkkürünü bildirir.

Bakı şəhər sakini Kazim Əliyev məktubunda Binəqədi rayonu, o cümlədən Biləcəri qəsəbəsi ərazisində polis əməkdaşları tərəfindən sosial neqativ halların, o cümlədən narkotik vasitələrin və psixotrop maddələrin qanunsuz dövriyyəsinin qarşısının alınması istiqamətində aparılan qətiyyətli mübarizə tədbirlərinə görə DİN rəhbərliyinə və Baş Narkotiklərlə Mübarizə İdarəsinin əməkdaşlarına minnətdarlığını bildirir, xidməti vəzifələrini layiqincə yerinə yetirən Azərbaycan polisinə çətin və şərəfli xidmətlərində uğurlar arzulayır.  

Vətəndaş Ziya Abiyev DİN-in “Facebook” səhifəsinə təşəkkür mesajı yazıb. O, narkotik vasitələrin və psixotrop maddələrin qanunsuz dövriyyəsinin qarşısının alınması istiqamətində aparılan qətiyyətli mübarizə tədbirlərinə görə DİN rəhbərliyinə və Baş Narkotiklərlə Mübarizə İdarəsinin əməkdaşlarına minnətdarlığını bildirir, xidməti vəzifələrini layiqincə yerinə yetirən Azərbaycan polisinə çətin və şərəfli xidmətlərində uğurlar arzulayır.  

Beyləqan rayon sakini Gülşən Əhmədova müraciətinə operativ reaksiya verilməsinə və qısa zaman kəsiyində həllini tapmasına görə Beyləqan Rayon Polis Şöbəsinin əməkdaşlarına təşəkkür edir.

“Realmedia.az” saytının baş redaktoru Ramin Qurbanov (Məhəmmədoğlu) öz sosial şəbəkə hesabında xidməti fəaliyyətini layiqincə yerinə yetirən Beyləqan Rayon Polis Şöbəsinin əməkdaşlarına minnətdarlığını bildirir.