Bakı şəhər sakini Emin Rəcəbov məktubunda polisin vətəndaşların güvən yeri olduğunu qeyd edir, ictimai asayişin və ictimai təhlükəsizliyin etibarlı qorunmasına, eləcə də vətəndaş müraciətlərinə həssas yanaşılmasına və vətəndaş məmnunluğu üçün yaradılan şəraitə görə Daxili İşlər Nazirliyinin rəhbərliyinə təşəkkürlərini bildirir.   

Sumqayıt şəhər sakini Müşfiq Mahmudov məktubunda üzləşdiyi dələduzluqla bağlı Daxili İşlər Nazirliyinə etdiyi müraciətinə operativ baxıldığını, obyektiv araşdırıldığını və dəymiş maddi ziyanın tam ödətdirildiyini bildirir. O, vətəndaş müraciətlərinə həssas yanaşılmasına və göstərilmiş köməkliyə görə DİN rəhbərliyinə təşəkkür edir.

Vətəndaş Şəlalə Əliyeva məktubunda müraciəti üzrə Səbail Rayon Polis İdarəsində qəbul edilməsinə, göstərilmiş diqqət və köməkliyə görə Səbail RPİ-nin əməkdaşlarına təşəkkürünü bildirir, xidməti fəaliyyətlərində uğurlar arzulayır.

Vətəndaş Hüseyn Əhmədov Daxili İşlər Nazirliyinə təşəkkür məktubu ünvanlayıb. O, üzləşdiyi dələduzluqla bağlı müraciəti üzrə Xətai Rayon Polis İdarəsində aparılan obyektiv araşdırmanın nəticəsindən razı olduğunu bildirir. H.Əhmədov vətəndaş müraciətlərinə həssas yanaşılmasına və müraciətinin müsbət həll olunmasında göstərilən köməkliyə görə DİN rəhbərliyinə təşəkkür edir.

Vətəndaş Əjdər Kəlbiyev DİN-in “Instagram” səhifəsinə yazdığı mesajında mobil telefonunun oğurlanması ilə bağlı Nəsimi Rayon Polis İdarəsinin 22-ci Polis Şöbəsinə müraciət etdiyini, həyata keçirilmiş operativ tədbirlər nəticəsində telefonunun tapılaraq ona təhvil verildiyini bildirir. O, operativliyə və göstərilmiş köməkliyə görə Nəsimi RPİ-nin əməkdaşlarına təşəkkür edir.

Vətəndaş Cavad Abdullayev mesajında üzləşdiyi problemlə bağlı Nərimanov Rayon Polis İdarəsinin 17-ci Polis Şöbəsində obyektiv araşdırma aparıldığını və qısa müddətdə müsbət həll olunduğunu bildirir. O, vətəndaş müraciətlərinə həssas yanaşılmasına görə DİN rəhbərliyinə, göstərilmiş köməklik üçün Nərimanov RPİ-nin əməkdaşlarına təşəkkür edir.

“Şərq Qapısı” qəzetinin redaksiyasından Daxili İşlər Nazirliyinə təşəkkür məktubu daxil olub. Qəzetin baş redaktoru Sara Əzimova 22 iyul - Azərbaycan Milli Mətbuatının 150-ci ildönümü münasibətilə ünvanlanmış təbrikə görə DİN rəhbərliyinə minnətdarlığını bildirir, Azərbaycan polisinə çətin və şərəfli xidmətində uğurlar arzulayır. 

Ağcabədi rayon sakini Hüseyn Həsənov müraciətinin müsbət həll edilməsinə görə Şuşa Rayon Polis Şöbəsinin əməkdaşlarına və DİN rəhbərliyinə təşəkkürünü bildirir.

Vətəndaş Azər Qurbanov müraciətinin müsbət həll edilməsinə görə Nərimanov Rayon Polis İdarəsinin əməkdaşlarına və DİN rəhbərliyinə minnətdarlıq edir.