Vətəndaş Bəxtiyar Sadıqov ona qarşı dələduzluq edilməsi ilə bağlı müraciətinə tez bir zamanda baxılaraq həllini tapmasında göstərdikləri köməkliyə görə Nərimanov Rayon Polis İdarəsinin əməkdaşlarına təşəkkürünü bildirir. O, Azərbaycan Polisinin gərgin xidməti fəaliyyətini təqdir edir.

Vətəndaş Samirə Mustafayeva şikayətinə tez bir zamanda baxılaraq ona dəyən ziyanın ödətdirilməsində göstərdikləri köməkliyə görə Nərimanov Rayon Polis İdarəsinin əməkdaşlarına təşəkkürünü bildirir, uğurlar diləyir.

Vətəndaş Məryəm Ağayeva mobil telefonunun oğurlanması ilə bağlı müraciətinə tez bir zamanda baxılaraq tapılıb ona təhvil verilməsində göstərdikləri köməkliyə görə Suraxanı RPİ 32-ci Polis Bölməsinin əməkdaşlarına təşəkkürünü bildirir. O, vətəndaş müraciətlərinə həssaslıqla yanaşılmasını yüksək dəyərləndirir.

Bakı şəhər sakini Valeh Rüstəmov müraciətinə həssaslıqla yanaşılaraq qısa zaman kəsiyində həll olunmasında, eləcə də dəymiş ziyanın ödətdirilməsində göstərilən köməkliyə görə Nərimanov RPİ-nin İstintaq Şöbəsinin əməkdaşlarına minnətdarlığını bildirir.      

Bakı şəhər sakinləri Mehriban Həsənzadə və Könül İbrahimova ünvanladıqları təşəkkür məktublarında xidməti vəzifələrini layiqincə yerinə yetirən Xətai RPİ-nin 34-cü Polis Bölməsinin və Səbail RPİ-nin əməkdaşlarına minnətdarlıqlarını bildirirlər.  

Türkiyə Respublikasının vətəndaşı Vacid Gülser DİN-in  “Instagram” səhifəsinə ünvanladığı mesajında müraciətinə diqqətlə yanaşılmasına və operativliyə, həmçinin müraciətinin müsbət həll olunaraq narahatlığına son qoyulmasına görə DİN rəhbərliyinə və Nərimanov Rayon Polis İdarəsinin 16-cı Polis Bölməsinin əməkdaşlarına təşəkkürünü bildirir.

Bakı şəhər sakini Gültəkin Əlizadə DİN-in “Instagram” səhifəsinə təşəkkür mesajı yazıb. O, DİN-in “Instagram” səhifəsi vasitəsilə ünvanladığı müraciətinə operativ baxıldığını və müvafiq tədbirlərin görüldüyünü yazır, müraciətinin müsbət həll olunduğunu qeyd edərək DİN rəhbərliyinə və Binəqədi RPİ-nin 5-ci Polis Bölməsinin əməkdaşlarına minnətdarlığını bildirir.

Bakı şəhər sakini Günel Qədirli DİN-in “Instagram” səhifəsinə təşəkkür mesajı yazıb. O, müraciətinə həssas yanaşıldığına və göstərilən köməkliyə görə Bakı Şəhər Baş Polis İdarəsinin əməkdaşlarına minnətdarlığını bildirir. 

Sosial şəbəkə istifadəçisi Aydın Əsgərov pozulmuş hüquqlarının bərpa olunmasında göstərdikləri köməkliyə görə Nərimanov RPİ 16-cı Polis Bölməsinin əməkdaşlarına minnətdarlığını bildirir.