Vətəndaş Elvin Nəsirov öz məktubunda xidməti vəzifələrinin və peşə fəaliyyətinin öhdəsindən layiqincə gəldiklərinə və vətəndaşlara göstərilən diqqətə və qayğıya, humanistliyə görə Astara Rayon Polis Şöbəsinin əməkdaşlarına təşəkkürünü bildirir. 

Vətəndaş Etibar Nəsirov DİN-in “Facebook” səhifəsinə yazdığı mesajında Nəriman Rayon Polis İdarəsində vətəndaş müraciətlərinə həssaslıqla yanaşıldığını, obyektiv araşdırma aparıldığını yazır, xidməti vəzifələrini layiqincə yerinə yetirən Azərbaycan polisinə təşəkkürünü bildirir.

Astara rayon sakini Mübariz Əskərov rayon ərazisində ictimai qaydanın və asayişin etibarlı qorunmasına, narkotiklərin qanunsuz dövriyyəsinə qarşı aparılan qətiyyətli mübarizə tədbirlərinə görə Rayon Polis Şöbəsinin əməkdaşlarına təşəkkürünü bildirir.

Vətəndaş Eltun Məmmədov DİN-in “Instagram” səhifəsinə yazdığı mesajında müraciəti ilə əlaqədar ona lazımi köməkliyin göstərilməsinə görə DİN rəhbərliyinə təşəkkürünü bildirir.

Bakı şəhər sakini İlqar Həsənli məktubunda idarə etdiyi nəqliyyat vasitəsinin iştirakı ilə baş vermiş yol nəqliyyat hadisəsinin obyektiv araşdırılmasına görə Bakı Şəhər Baş Polis İdarəsinin Dövlət Yol Polisi İdarəsinin əməkdaşlarına təşəkkürünü bildirir.

Vətəndaş Namiq Abdullayev məktubunda üzləşdiyi problemlə bağlı müraciətinin Biləsuvar Rayon Polis Şöbəsinin əməkdaşları tərəfindən obyektiv araşdırılmasına və ona dəymiş maddi ziyanın ödənilməsinin təmin edilməsinə görə təşəkkürünü bildirir.

Vətəndaş Əyyub Şirvanov öz məktubunda yolda səhhəti pisləşərkən Lənkəran Şəhər Rayon Polis Şöbəsinin əməkdaşının ona yaxınlaşaraq köməklik göstərdiyini yazır. Humanistliyə, vətəndaşlara göstərilən diqqətə və qayğıya görə Azərbaycan Polisinə öz təşəkkürünü bildirir.

Vətəndaş Nuridə Novruzova və Cavid Ağbabalı Daxili İşlər Nazirliyinin “İnstagram” səhifəsinə ünvanladıqları təşəkkür mesajlarında xidməti vəzifələrini və peşə fəaliyyətlərini layiqincə yerinə yetirdiklərinə görə Nərimanov RPİ-nin rəhbərliyinə və əməkdaşlarına təşəkkür edirlər.

Abşeron rayon sakini Mahir Babaşov etdiyi müraciətinə operativ reaksiya verilməsinə və obyektiv araşdırılmasına görə DİN rəhbərliyinə təşəkkür edir.