Qusar rayon sakini İbrahim Zərbəliyev pulunun geri qaytarılmasının təmin edilməsinə görə  DİN rəhbərliyinə və Qusar RPŞ-nin əməkdaşlarına minnətdarlığını bildirir.

Quba rayon sakini Şükür Bağırov DİN rəhbərliyinə ünvanladığı təşəkkür məktubunda ictimai qaydanın və təhlükəsizliyin təmin olunmasında, hüquqazidd əməllərin qarşısının alınmasında, o cümlədən narkotiklərin qanunsuz dövriyyəsinə qarşı mübarizədə xidməti vəzifə borclarını layiqincə yerinə yetirdiklərinə, fədakarlıq nümayiş etdirdiklərinə görə Quba RPŞ-nin rəhbərliyinə və əməkdaşlarına minnətdarlığını bildirir.

Ağstafa rayon sakini, şəhid anası olan Firəngiz Abbasova məktubunda Daxili İşlər Nazirliyinə etdiyi müraciətinə dərhal reaksiya verildiyini, araşdırma aparılaraq müvafiq tədbirlərin həyata keçirildiyini və qısa müddətdə müraciətinin müsbət həll olunduğunu qeyd edir. O, müraciətinə həssas yanaşılmasına, şəhid ailələrinə, o cümlədən onun ailəsinə göstərilən diqqət və qayğıya görə DİN rəhbərliyinə təşəkkürünü bildirir.  

Bakı şəhər sakini Muxtar Əhmədov məktubunda müraciəti ilə əlaqədar Yasamal RPİ-nin 26-cı Polis Bölməsinin əməkdaşları tərəfindən araşdırma aparılaraq müvafiq tədbirlərin həyata keçirildiyini qeyd edir. O, operativliyə və müraciətinin qısa müddətdə müsbət həll olunmasına görə 26-cı Polis Bölməsinin əməkdaşlarına təşəkkürünü bildirir.  

Bakı şəhər sakini Əjdər Cəfərov məktubunda müraciətinə operativ reaksiya verildiyini, Bakı Şəhər Baş Polis İdarəsində obyektiv araşdırma aparılaraq qısa müddətdə müsbət həll olunduğunu qeyd edərək DİN rəhbərliyinə və Bakı Şəhər Baş Polis İdarəsinin əməkdaşlarına təşəkkürünü bildirir. 

Bakı şəhər sakini Sevinc Qulamova məktubunda müraciətinə dərhal reaksiya verildiyini və Bakı Şəhər Baş Polis İdarəsində müvafiq araşdırmalara başlanıldığını qeyd edərək DİN rəhbərliyinə təşəkkürünü bildirir. 

Bakı şəhər sakini Şakir Salehov “Aztimes.az” saytı vasitəsilə ictimailəşdirdiyi Azərbaycan polisinə təşəkküründə üzləşdiyi yol-nəqliyyat hadisəsi ilə bağlı Nərimanov Rayon Polis İdarəsində obyektiv araşdırma aparılaq məsələyə hüquqi qiymət verildiyi, ona dəymiş maddi ziyanın ödətdirildiyini bildirir. O, göstərilən diqqət və qayğıya, eyni zamanda müraciətinin müsbət həllinə görə DİN rəhbərliyinə və Nərimanov Rayon Polis İdarəsinin əməkdaşlarına minnətdarlığını bildirir.

Bakı şəhər sakini Səmayə Məmişova məktubunda üzləşdiyi dələduzluq faktı ilə bağlı müraciəti ilə əlaqədar Nərimanov Rayon Polis İdarəsinin 16-cı Polis Bölməsində obyektiv araşdırma aparılaraq məsələyə hüquqi qiymət verildiyini və dəymiş maddi ziyanın ona ödətdirilməsində köməklik göstərildiyini qeyd edir. O, müraciətinə diqqətlə yanaşıldığına, obyektiv araşdırmalara və operativliyə görə DİN rəhbərliyinə və Nərimanov Rayon Polis İdarəsinin əməkdaşlarına təşəkkür edir, çətin və şərəfli xidmətlərində onlara uğurlar arzulayır.

Şəmkir rayon sakini Atlas Dəmirova DİN-in “Instagram” səhifəsinə təşəkkür mesajı yazıb. O, müraciətinə operativ baxılaraq müsbət həll olunduğuna görə DİN rəhbərliyinə və Gəncə Şəhər Baş Polis İdarəsinin əməkdaşlarına minnətdarlığını bildirir.