Vətəndaş Təranə Əliyeva DİN-in “Instagram” səhifəsinə təşəkkür mesajı yazıb. Ona dəymiş maddi ziyanın ödənilməsində polis əməkdaşları tərəfindən köməklik göstərildiyini bildirir. 

Vətəndaş Yura Zaxarçenko üzləşdiyi problemlə bağlı müraciətinə həssas yanaşıldığına, özünün və ailəsinin məmnunluğunun təmin olunmasına Pirallahı Rayon Polis İdarəsinin əməkdaşlarına minnətdarlığını bildirir, Azərbaycan polisi ilə fəxr etdiyini qeyd edərək onlara çətin və şərəfli işlərində uğurlar arzulayır.

Vətəndaş Səfalı Kərimov müraciətinə dərhal reaksiya verildiyinə və həyata keçirilən operativ tədbirlərə görə Xətai RPİ-nin əməkdaşlarına təşəkkürünü bildirir.

Bakı şəhər sakini Ağalar Cavadov ünvanladığı müraciətinə operativ baxıldığını, Nəsimi Rayon Polis İdarəsinin 20-ci Polis Şöbəsinin əməkdaşları tərəfindən obyektiv araşdırılaraq qısa müddətdə müsbət həll olunduğunu qeyd edir.

Bakı şəhər sakini Şəlalə Hudulova DİN-in “Instagram” səhifəsinə təşəkkür mesajı yazıb. O, Nəsimi Rayon Polis İdarəsində aparılan araşdırma nəticəsində müraciətinin müsbət həll olunduğunu və dəymiş maddi ziyanın da ödətdirilməsində köməklik göstərildiyini qeyd edir. Ş.Hudulova vətəndaş müraciətlərinə həssas yanaşılmasına görə DİN rəhbərliyinə, obyektiv araşdırmalara və göstərilən köməkliyə görə Nəsimi Rayon Polis İdarəsinin əməkdaşlarına təşəkkürünü bildirir.

Bakı şəhər sakini Lyudmila Səlimova ünvanladığı məktubunda nəvəsinin polisin sıralarına  qəbul olunması ilə əlaqədar etdiyi müraciətə həssas yanaşılmasına və müraciətinin müsbət həllinə görə DİN rəhbərliyinə təşəkkürünü bildirir.

Sosial şəbəkə istifadəçisi Türkan Əkbərova içərisində sənədləri olan itirdiyi çantasının tez bir zamanda tapılaraq ona təhvil verilməsinə görə Bakı Metropoliteninin Mühafizəsi Üzrə Polis Şöbəsinin kollektivinə və CAB-nin rəhbərliyinə minnətdarlıq edir.

Sosial şəbəkə istifadəçisi Gilə Nəcəfova ona qarşı törədilən dələduzluq faktı ilə bağlı şikayətinə obyektiv baxılaraq dəyən maddi ziyanın ödətdirilməsində göstərilən köməkliyə görə Nərimanov Rayon Polis İdarəsinin əməkdaşlarına təşəkkür edir.

Sosial şəbəkə istifadəçisi İlkin İsrafilov baş vermiş yol-nəqliyyat hadisəsilə bağlı obyektiv araşdırma aparılmasına və ona dəymiş ziyanın ödətdirilməsində göstərilən köməkliyə görə Xətai Rayon Polis İdarəsinin Təhqiqat Şöbəsinin əməkdaşlarına minnətdarlığını bildirir.