DİN-in struktur qurumlarının saytları
Görmə çətinliyi olanlar üçün:

Vətəndaş və Polis

Azərbaycan polisi gecə-gündüz vicdanla çalışır ki, vətəndaşlarımız əmin-amanlıqda yaşasın. Şübhəsiz ki, polis sıraları da vətəndaşlarımızdan formalaşır və hamımız birlikdə Vətənimizin təhlükəsizliyini təmin etməliyik.

Təşəkkür məktubları

Abşeron rayon Mehdiabad qəsəbə sakini Seyfəddin Hüseynov DİN-ə ünvanladığı məktubunda daxili işlər orqanlarında gənc əməkdaşlara göstərilən diqqət və qayğıya görə təşəkkürünü bildirir.

Bakı şəhər sakini Kənan Taciroğlu DIN rəhbərliyinə ünvanladığı təşəkkür məktubunda şikayətinə tez bir zamanda baxılaraq probleminin həllini tapmasında göstərdikləri köməyə görə Baş Mütəşəkkil Cinayətkarlıqla Mübarizə İdarəsinin əməkdaşlarına təşəkkürünü bildirir.

Bakı şəhər sakini Validə Səlimova ailə üzvlərinə göstərdiyi köməkliyə görə Xəzər RPİ DYPŞ-nin inspektoru Orxan Abdullazadəyə minnətdarlığını bildirir. Vətəndaşlara göstərilən diqqət və qayğının polis-vətəndaş münasibətlərinin günü-gündən daha da yaxşılaşmasına zəmin yaratdığını qeyd edir.

Bakı şəhər sakini Lətifə Əliyeva müraciətinə operativ və obyektiv şəkildə baxılaraq həllini tapmasında ona göstərilən köməyə görə DİN rəhbərliyinə minnətdarlığını bildirir. Polis-vətəndaş münasibətlərindən məmnunluğunu ifadə edərək, daxili işlər orqanları əməkdaşlarına gərgin xidməti fəaliyyətlərində uğurlar diləyir.

Samux rayonunun Bağbanlar kənd sakini Nicat Paşayev Daxili İşlər Nazirliyinə ünvanladığı təşəkkür məktubunda körpə oğlunun xəstəxanaya çatdırılmasında göstərdikləri köməyə görə Rayon Polis Şöbəsinin əməkdaşlarına minnətdarlıq edir.

Ağstafa rayon sakini Turanə Abbasova DİN rəhbərliyinə ünvanladığı təşəkkür məktubunda etdiyi müraciətə tez bir zamanda baxılmasına görə minnətdarlıq edir.

Göygöl rayon sakini Qəşəm Hacıyev DİN-ə ünvanladığı təşəkkür məktubunda 23 dekabrda keçirilən bələdiyyə seçkisi ərəfəsində rayon ərazisində təmin edilən təhlükəsizliyə görə DİN rəhəbərliyinə və Göygöl RPŞ-in rəisi Müqalib Abdıyevə minnətdarlığını bildirir.

Gəncə şəhər sakini Niyazi Həsənov DİN-ə ünvanladığı məktubunda müraciətinə tez bir zamanda baxılaraq müsbət həll olunmasında ona göstərilən köməyə görə DİN rəhbərliyinə və Kəpəz rayon Polis İdarəsinin əməkdaşlarına minətdarlığını bildirir.

Bakı şəhər sakini Svetlana Hüseynova bir nəfər tərəfindən təhqir olunması, özü və ailəsinin hədələnməsi barədə etdiyi müraciətə obyektiv baxılaraq müsbət həll olunmasına göstərilən köməkliyə görə DİN və Baş Mühafizə İdarəsinin rəhbərliklərinə minnətdarlığını bildirir.