DİN-in struktur qurumlarının saytları
Görmə çətinliyi olanlar üçün:

Vətəndaş və Polis

Azərbaycan polisi gecə-gündüz vicdanla çalışır ki, vətəndaşlarımız əmin-amanlıqda yaşasın. Şübhəsiz ki, polis sıraları da vətəndaşlarımızdan formalaşır və hamımız birlikdə Vətənimizin təhlükəsizliyini təmin etməliyik.

Təşəkkür məktubları

Lənkəran rayon Separadi kənd sakini Fərqanə Cavadova DİN-ə ünvanladığı təşəkkür məktubunda polis andına sədaqətlə xidmət edən, polisin şərəf və ləyaqətini uca tutan, vəzifə borclarının öhdəsindən layiqincə gələn Şəhər-Rayon Polis Şöbəsinin əməkdaşlarına minnətdarlıq bildirir.

Balakən rayonunun Nizami adına 1 saylı tam orta məktəbin direktoru Ş.Tütünçiyeva Daxili İşlər Nazirliyinə təşəkkür məktubu ünvanlayıb.

Müəllif bildirir ki, dekabrın 17-də dərsdən çıxıb evə gedən bir şagirdin zorla avtomobilə mindirilərək qaçırılması xəbərini alıb və bu barədə tez Balakən Rayon Polis Şöbəsinə məlumat verib: “Məlumatla əlaqədar dərhal polis əməkdaşları tərəfindən müvafiq tədbirlərə başlanıldı. Cəmi bir neçə dəqiqə ərzində həmin avtomobilin Bakı istiqamətində hərəkət etməsi müəyyənləşdirildi. Təxirəsalınmaz tədbirlərlə qeyd olunan avtomobil Oğuz rayonu ərazisində saxlanıldı. Həmin şagird isə valideyninə təhvil verildi”.

Ş.Tütünçiyeva belə operativliyə və ictimai asayişin etibarlı qorunmasına görə DİN rəhbərliyinə və Balakən Rayon Polis Şöbəsinin şəxsi heyətinə təşəkkürünü bildirir, çətin və şərəfli işlərində uğurlar arzulayır.

Bakı şəhər sakini Şahin Diniyev DİN rəhbərliyinə ünvanladığı təşəkkür məktubunda evində baş vermiş oğurluq hadisəsinin üstünün açılmasında göstərdikləri köməyə görə Sabunçu Rayon Polis İdarəsinin əməkdaşlarına təşəkkürünü bildirir. O, Azərbaycan Polisinin fəaliyyətini yüksək dəyərləndirərək müvəffəqiyyətlər diləyir.

Sumqayıt şəhər sakini Marifə Quliyeva ona qarşı törədilən soyğunçuluq faktının üstünün açılmasında göstərdikləri köməyə görə Şəhər Polis İdarəsinin 2-ci PB-nin əməkdaşlarına minnətdarlığını bildirir. Polis-vətəndaş münasibətlərindən məmnunluğunu ifadə edərək, daxili işlər orqanları əməkdaşlarına gərgin xidməti fəaliyyətlərində uğurlar diləyir.

Xaçmaz rayon sakini Cəvahir Fərzəliyeva DİN rəhbərliyinə ünvanladığı təşəkkür məktubunda müraciəti ilə bağlı ona göstərilən köməkliyə və nümunəvi xidmətə görə Rayon Polis Şöbəsinin rəhbərliyinə minnətdarlığını ifadə edir.

Şəki şəhər sakini Maral Xəlilova DİN rəhbərliyinə ünvanladığı təşəkkür məktubunda Şəki ŞRPŞ-nin Dövlət Yol Polisi Bölməsi əməkdaşlarının xidməti fəaliyyətindən razılıq edir.

Zaqatala Rayon Təhsil Şöbəsinin müdiri Habil Qurbanov DİN rəhbərliyinə ünvanladığı təşəkkür məktubunda itkin düşmüş məktəblinin tapılaraq ailəsinə təhvil verilməsinə görə, Təhsil Şöbəsinin kollektivi adından Zaqatala RPŞ-nin əməkdaşlarına öz minnətdarlığını bildirir.

Sumqayıt şəhər sakini Zemfira Abbasova DİN rəhbərliyinə ünvanladığı təşəkkür məktubunda ona məxsus mağazada baş vermiş oğurluq hadisəsilə əlaqədar etdiyi şikayət ərizəsinə tez bir zamanda operativ baxılmasına və dəymiş ziyanın ödətdirilməsində göstərilən köməkliyə görə Sumqayıt ŞPİ-nin İstintaq şöbəsinin rəisi, polis polkovnik-leytenantı Bəhruz Musayevə minnətdarlıq edir.

Bakı şəhər sakini Nəsibə Mustafayeva məktubunda Daxili İşlər Nazirliyinə etdiyi müraciətinə operativ baxıldığını qeyd edir. O, vətəndaşların müraciətlərinə belə həssaslıqla yanaşılmasına və operativliyə, həmçinin öz müraciətinin qısa müddətdə baxılaraq həllini tapdığına görə DİN rəhbərliyinə və polis əməkdaşlarına təşəkkürünü bildirir, çətin və şərəfli işlərində uğurlar arzulayır.