Şahbuz rayon sakini Murad Zeynalov DİN-ə ünvanladığı təşəkkür məktubunda etdiyi müraciətinin müsbət həll olunmasına görə Azərbaycan Respublikası və Naxçıvan MR DİN-in rəhbərliyinə təşəkkür edir.

Şahbuz rayon sakini Ülviyyə Səfiyeva Daxili İşlər Nazirliyinə təşəkkür məktubu ünvanlayıb: “Üzləşdiyim problemlə əlaqədar Şahbuz Rayon Polis Şöbəsinin əməkdaşları tərəfindən mənə göstərilən köməkliyə görə DİN-in rəhbərliyinə və rayon polis şöbəsinin əməkdaşlarına minnətdarlığımı bildirirəm”.

Bakı şəhər sakini Türkel Abdıyeva DİN-in “Instagram” səhifəsinə təşəkkür mesajı ünvanlayıb: “Hərəkətdə olduğum zaman avtomobilimlə bağlı çətinliklə üzləşdim. Yaşadığım Pirallahı qəsəbəsində Pirallahı Rayon Polis İdarəsinin əməkdaşları dərhal köməyə gələrək vəziyyətin həll olunmasına yardım etdilər. Onların diqqətini, peşəkarlığını və vətəndaşlara göstərdiyi qayğını dərin minnətdarlıqla qeyd edirəm. Bu münasibətlə Pirallahı Rayon Polis İdarəsinin rəhbərliyinə və kollektivinə səmimi təşəkkürümü bildirirəm. Belə əməkdaşların fəaliyyəti vətəndaşlarda güvən və məmnuniyyət yaradır”. 

Vətəndaş Nuranə Zeynalova DİN-in “Instagram” səhifəsinə təşəkkür mesajı ünvanlayıb: “Pul vəsaitimin ələ keçirilməsi barədə müraciətimə Nəsimi Rayon Polis İdarəsinin İstintaq Şöbəsində baxıldı və mənə dəymiş ziyan tam şəkildə ödənildi. Odur ki başda DİN-in rəhbərliyi olmaqla bütün polis əməkdaşlarına öz minnətdarlığımı bildirir, Allahdan sağlam can arzulayıram. Biz sizinlə fəxr edirik!”.

Vətəndaş Leyla Camalova DİN-in “Instagram” səhifəsinə təşəkkür mesajı ünvanlayıb: “Mənə qarşı olunmuş dələduzluq hadisəsi ilə bağlı Nərimanov Rayon Polis İdarəsinin Təhqiqat Şöbəsində aparılan araşdırmada iştirak etdim. Araşdırmadan çox razı qaldım. Buna görə DİN-in rəhbərliyinə və Azərbaycan polisinə dərin minnətdarlığımı bildirirəm”.

Bakı şəhər sakini Zibeydə Sadıqova Daxili İşlər Nazirliyinə etdiyi müraciətə operativ baxıldığını, araşdırma aparılaraq müvafiq tədbirlərin görüldüyünü yazır. O, müraciətinin müsbət həll olunduğunu qeyd edərək DİN-in rəhbərliyinə minnətdarlığını bildirir.

Vətəndaş Cəmilə Nurullayeva DİN-in “Instagram” səhifəsinə ünvanladığı mesajında narahat edilməsi ilə bağlı müraciətinə operativ baxıldığını, Nərimanov Rayon Polis İdarəsi tərəfindən obyektiv araşdırılaraq qısa müddətdə müsbət həll olunduğunu qeyd edərək DİN-in rəhbərliyinə və Nərimanov Rayon Polis İdarəsinin əməkdaşlarına minnətdarlığını bildirir.

Vətəndaş Amil Abdullayev DİN-in “Instagram” səhifəsinə təşəkkür mesajı ünvanlayıb: “Pulkisəm itmişdi. Səbail Rayon Polis İdarəsinin 9-cu Polis Bölməsinin əməkdaşları 1 saat ərzində tapıb mənə təhvil verdilər. Təşəkkür edirəm”.

Vətəndaş Səddam İsazadə DİN-in “Instagram” səhifəsinə mesajında polisin vətəndaşların güvən yeri olduğunu qeyd edir, göstərilən diqqət və qayğıya, humanizmə, obyektivliyə, vətəndaş məmnunluğu üçün yaradılan şəraitə görə Pirallahı Rayon Polis İdarəsinin əməkdaşlarına minnətdarlığını bildirir.