Gəncə şəhər sakini Elnurə Əliyeva Daxili İşlər Nazirliyinə ünvanladığı teleqramda müraciəti ilə əlaqədar Nəqliyyatda Baş Polis İdarəsində qəbul edildiyinə və ətraflı izah verildiyinə görə DİN rəhbərliyinə minnətdarlığını bildirir.

Bakı şəhər sakini Zakir Əliyev DİN-in “Instagram” səhifəsinə təşəkkür mesajı yazıb. O, baş vermiş yol-nəqliyyat hadisəsi zamanı polis əməkdaşları tərəfindən ona göstərilən köməkliyə, diqqət və qayğıya görə DİN rəhbərliyinə və Nərimanov RPİ-nin Təhqiqat şöbəsinin əməkdaşlarına təşəkkürünü bildirir.

Bakı şəhər sakini Asif Abdullayev Daxili İşlər Nazirliyinə ünvanladığı məktubunda övladına məxsus mobil telefonunun oğurlanması ilə bağlı müraciətinə çevik reaksiya verildiyinə, polis əməkdaşlarının operativliyi sayəsində qısa müddətdə telefonunun tapılaraq onlara qaytarıldığına görə DİN rəhbərliyinə və Bakı şəhər Baş Polis İdarəsinin Cinayət Axtarışı İdarəsinin əməkdaşlarına minnətdarlığını bildirir.

Şəhid atası, Ağstafa rayon sakini Elşən Tanırverdiyev Daxili İşlər Nazirliyinə ünvanladığı məktubunda müraciətinə Ağstafa Rayon Polis Şöbəsində operativ baxıldığına və müvafiq araşdırmalara başlanıldığına, habelə şəhid ailəsi kimi onlara göstərilən yüksək diqqət və qayğıya görə DİN rəhbərliyinə təşəkkürünü bildirir.

Bakı şəhər sakini Ruhiyyə Qasımova Daxili İşlər Nazirliyinə ünvanladığı məktubunda ictimai asayişi ayıq-sayıq qoruyan, xidməti vəzifələrini layiqincə yerinə yetirən, şəhid ailələrinə, qazilərə, Vətən müharibəsi iştirakçılarına diqqət və qayğı göstərən Abşeron Rayon Polis İdarəsinin rəhbərliyinə və əməkdaşlarına minnətdarlığını bildirir.

Ağdam rayon sakini Xaliq Mamedov Daxili İşlər Nazirliyinə ünvanladığı məktubunda daxili işlər naziri tərəfindən Ağcabədi Rayon Polis Şöbəsində keçirilən vətəndaş qəbulunda iştirak etdiyini, müraciətinin dinlənilərək aidiyyəti üzrə tapşırıq verildiyini, müvafiq araşdırma aparılaraq müraciətinin qısa müddətdə müsbət həll edildiyini qeyd edir.
X.Mamedov vətəndaş müraciətlərinə, o cümlədən onun müraciətinə həssas yanaşılmasına, göstərilən diqqətə və obyektiv araşdırmalara görə DİN rəhbərliyinə və Daxili Təhqiqatlar İdarəsinin əməkdaşlarına təşəkkürünü bildirir. 

Vətəndaş Ağaməli Seyidov DİN-in “Instagram” səhifəsinə təşəkkür mesajı yazıb. O, baş vermiş yol-nəqliyyat hadisəsi zamanı polis əməkdaşları tərəfindən ona göstərilən köməkliyə, diqqət və qayğıya görə DİN rəhbərliyinə və Nərimanov RPİ-nin Təhqiqat şöbəsinin əməkdaşlarına minnətdarlığını bildirir.

Bakı şəhər sakini Ceyhun Orucov Daxili İşlər Nazirliyinə ünvanladığı məktubunda barəsində tərtib olunmuş protokolla bağlı etdiyi müraciəti ilə əlaqədar müvafiq idarəyə dəvət olunduğunu, qanuni izah verilərək məsələyə aydınlıq gətirildiyini qeyd edir.
C.Orucov müraciətinə dərhal reaksiya verildiyinə və xoş rəftara görə DİN rəhbərliyinə və Xətai RPİ-nin əməkdaşlarına təşəkkürünü bildirir.

Vətəndaş Elvin Məmmədov polis əməkdaşlarının vətəndaşlarla nəzakətli ünsiyyətinə və humanist davranışına görə DİN rəhbərliyinə minnətdarlığını bildirir.