Vətəndaş Turan Bayramov DİN-in “Instagram” səhifəsinə təşəkkür mesajı yazıb. O, üzləşdiyi problemlə bağlı müraciətinə operativ baxıldığını, araşdırma aparılaraq müvafiq tədbirlərin görüldüyünü yazır. 
T.Bayramov müraciətinin müsbət həll olunduğunu qeyd edərək Azərbaycan Respublikası Daxili İşlər Nazirliyinin və Naxçıvan Muxtar Respublikası Daxili İşlər Nazirliyinin rəhbərliklərinə, habelə Naxçıvan Şəhər Polis İdarəsinin əməkdaşlarına minnətdarlığını bildirir.

Bakı şəhər sakini Elçin Kazımov Daxili İşlər Nazirliyinə ünvanladığı məktubunda baş vermiş oğurluq hadisəsi ilə bağlı müraciətinə dərhal reaksiya verildiyini, polis əməkdaşları tərəfindən keçirilən operativ tədbirlərlə qısa müddətdə bu cinayətin üstünün açıldığını, cinayət əməlini törədən şəxslərin saxlanıldığını və dəymiş maddi ziyanın ödətdirildiyini qeyd edir.
E.Kazımov müraciətinə diqqətlə yanaşıldığına və həyata keçirilən operativ tədbirlərə görə DİN rəhbərliyinə və Azərbaycan polisinə təşəkkürünü bildirir.

Bakı şəhər sakini Aysel Əliyeva DİN-in “Instagram” səhifəsinə təşəkkür mesajı yazıb. O, xidməti vəzifələrini və peşə fəaliyyətini layiqincə yerinə yetirən Sabunçu RPİ 12-ci Polis Şöbəsinin əməkdaşlarına minnətdarlığını bildirir.

Bakı şəhər sakini Yeganə Əkbərova Daxili İşlər Nazirliyinə ünvanladığı məktubunda paytaxtın Suraxanı rayonu ərazisində polis əməkdaşları tərəfindən sosial neqativ halların, o cümlədən narkotik vasitələrin və psixotrop maddələrin qanunsuz dövriyyəsinin qarşısının alınması istiqamətində aparılan qətiyyətli mübarizə tədbirlərinə görə DİN rəhbərliyinə və Suraxanı RPİ 31-ci Polis Bölməsinin əməkdaşlarına minnətdarlığını bildirir, xidməti vəzifələrini layiqincə yerinə yetirən Azərbaycan polisinə çətin və şərəfli xidmətlərində uğurlar arzulayır.

Sumqayıt şəhər sakini Anar İslamzadə məktubunda üzləşdiyi dələduzluq faktı ilə bağlı Daxili İşlər Nazirliyinə etdiyi müraciətinə operativ baxıldığını, araşdırma aparılaraq məsələyə hüquqi qiymət verildiyini və qanun çərçivəsində həll olunduğunu qeyd edir. O, müraciətinə diqqətlə yanaşıldığına, operativliyə və obyektiv araşdırmalara görə DİN rəhbərliyinə təşəkkürünü bildirir.

Bakı şəhər sakini Tərlan Rəsulov DİN-in “Instagram” səhifəsinə təşəkkür mesajı yazıb. O, baş vermiş yol-nəqliyyat hadisəsi ilə bağlı müraciəti ilə əlaqədar Nərimanov Rayon Polis İdarəsinə dəvət olunduğunu, yüksək hörmətlə qarşılandığını və müvafiq araşdırmalara başlanıldığını qeyd edərək DİN rəhbərliyinə və Nərimanov RPİ-nin əməkdaşlarına minnətdarlığını bildirir.

Bir qrup vətəndaş Ruslan Baydamli, İlkin Hasilov və İftixar Məhərrəmov üzləşdikləri dələduzluq hadisəsi ilə əlaqədar etdikləri müraciətə operativ reaksiya verilərək qısa zaman kəsiyində həll olunmasında, eləcə də itirilmiş telefonların tapılaraq qaytarılmasında göstərdikləri köməkliyə görə Azərbaycan Polisinə təşəkkürlərini bildirirlər.

Bir qrup vətəndaş Sevil Cəfərova, Mehparə İsabalayeva və Bəhram Orucov müraciətlərinə operativ reaksiya verilməsinə, səmimi qəbula və göstərilən diqqətə görə DİN rəhbərliyinə təşəkkürlərini bildirirlər.

Bakı şəhər sakini Ağarza Cəfərovun baş vermiş yanğın hadisəsinin söndürülməsində göstərilən çevikliyə görə Suraxanı Rayon Polis İdarəsinin əməkdaşlarına təşəkkürünü bildirir.