Bakı şəhər sakini Ehtiram Qurbanlı müraciətinə operativ baxıldığına və probleminin müsbət həll olunmasında göstərdikləri köməkliyə görə Nəsimi Rayon Polis İdarəsinin rəhbərliyinə təşəkkürünü bildirir.

Lənkəran rayon sakinləri Orxan Əfəndiyev və Səbuhi Daşdəmirli DİN-ə ünvanladıqları məktublarında müraciətləri ilə əlaqədar olaraq Lənkəran Şəhər Rayon Polis Şöbəsinin rəhbərliyi tərəfindən qəbul edilərək diqqətlə dinlənildiklərinə, operativ qaydada kömək göstərilməsinə və vətəndaş müraciətlərinə həssaslıqla yanaşılmasına görə öz minnətdarlıqlarını bildirirlər.

Lənkəran rayon sakinləri Əli Şükürov və Əsmər Şükürzadə müraciətləri ilə əlaqədar Baş İstintaq və Təhqiqat İdarəsində qəbul edilərək lazımi hüquqi izahların verilməsinə və müraciətlərinə baxılması ilə bağlı görülən tədbirlərə görə öz təşəkkürlərini bildirirlər.

Vətəndaş Flora Cabbarova məktubunda müraciətlərin obyektiv şəkildə araşdırılmasına və vətəndaş məmnunluğunun təmin edilməsinə görə Gəncə Şəhər Baş Polis İdarəsinin rəhbərliyinə və təhqiqat şöbəsinin əməkdaşlarına təşəkkürünü bildirir.

Masallı rayon sakini İsmət Əmirova məktubunda müraciəti ilə əlaqədar Masallı Rayon Polis Şöbəsinin rəhbərliyi tərəfindən qəbul edildiyini, aparılan araşdırmanın gedişindən razılığını bildirir və məmnunluğunu ifadə edir.

Biləsuvar rayon sakini İlahə Əliyeva müraciəti ilə əlaqədar ona çevik qaydada köməklik göstərilməsinə rayon polis şöbəsinin əməkdaşlarına təşəkkkürünü bildirir.

Vətəndaş Cəlil Zabidov DİN-in “Facebook” səhifəsinə mesajında üzləşdiyi problemlə bağlı polisə müraciət etdiyini, müraciətinin qısa müddətdə müsbət həll olunmasına görə Azərbaycan Polisinə minnətdarlığını bildirir.

Vətəndaş Sevinc Zeynalova DİN-in “Instagram” səhifəsinə mesajında üzləşdiyi problemlə bağlı polisə müraciət etdiyini, obyektivliyə, müraciətinin qısa müddətdə müsbət həll olunmasına görə Xətai RPİ-nin 35-ci Polis Bölməsinin əməkdaşlarına minnətdarlığını ifadə edir.

Vətəndaş İlkin Ağasizadə DİN-in “Instagram” səhifəsinə mesajında iştirak etdiyi yol-nəqliyyat hadisəsinin obyektiv araşdırılaraq probleminin müsbət həll olunduğuna görə DİN rəhbərliyinə və  Nərimanov Rayon Polis İdarəsinə minnətdarlığını ifadə edir.