Bakı şəhər sakini Fərəh Cəlil məktubunda üzləşdiyi yol-nəqliyyat hadisəsi ilə bağlı Mingəçevir Şəhər Polis Şöbəsinin Dövlət Yol Polisi Bölməsində yüksək hörmətlə qarşılandığını və obyektiv araşdırma aparılaraq müraciətinin qısa müddətdə müsbət həll olunduğunu qeyd edir. F.Cəlil ona göstərilən yüksək diqqət və qayğıya görə DİN-in rəhbərliyinə və Mingəçevir ŞPŞ-nin Dövlət Yol Polisi Bölməsinin əməkdaşlarına təşəkkürünü bildirir, çətin və şərəfli xidmətlərində onlara uğurlar arzulayır. 

Bakı şəhər sakini Teymur Səfərov Daxili İşlər Nazirliyinə təşəkkür məktubu göndərib. O, müraciəti ilə əlaqədar Nəsimi Rayon Polis İdarəsində qəbul edildiyini, obyektiv araşdırma aparılaraq qısa müddətdə müraciətinin müsbət həll olunduğunu bildirir. T.Səfərov vətəndaşların nəzakətlə qarşılanaraq dinlənildiyini, müraciətlərinə həssaslıqla yanaşıldığını və polisin vətəndaşların güvən yeri olduğunu qeyd edir, göstərilən diqqət və qayğıya, humanizmə, obyektivliyə, vətəndaş məmnunluğu üçün yaradılan şəraitə görə Daxili İşlər Nazirliyinin rəhbərliyinə təşəkkürlərini bildirir.  

Vətəndaş Fidan Əmirova DİN-in “Instagram” səhifəsinə yazdığı təşəkkür mesajında üzləşdiyi problem ilə bağlı “102” Xidməti-Zəng Mərkəzinə müraciət etdiyini bildirir. Müraciətinin obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN-in və Naxçıvan MR DİN-in rəhbərliyinə təşəkkürünü bildirir.  

Vətəndaş Turan Etibaroğlu “Facebook” sosial şəbəkə hesabında təşəkkür postu paylaşıb. O, səhhətində yaranmış problemlə bağlı Sabunçu Rayon Polis İdarəsinin 5-ci Polis Bölməsinin əməkdaşlarının dərhal kömək etdiyini bildirib. Vəziyyətini nəzərə alaraq ona həssaslıqla yanaşılmasına, göstərilən diqqət və qayğıya görə Sabunçu Rayon Polis İdarəsinin əməkdaşlarına minnətdarlığını bildirir. 

Vətəndaş Mehriban Verdiyeva DİN-in “Instagram” səhifəsinə yazdığı mesajında Xətai Rayon Polis İdarəsinin 34-cü Polis Bölməsinə müraciət etdiyini qeyd edir. M.Verdiyeva vətəndaş müraciətlərinə həssas yanaşılmasına və operativliyə görə DİN-in rəhbərliyinə, o cümlədən Xətai Rayon Polis İdarəsinin əməkdaşlarına təşəkkürünü bildirir.

Vətəndaş Kamran Bayramov DİN-in “Instagram” səhifəsinə mesajında Xətai rayonu ərazisində üzləşdikləri yol-nəqliyyat hadisəsi ilə bağlı Xətai Rayon Polis İdarəsinin Təhqiqat Şöbəsində aparılan araşdırmadan razı qaldığını, əməkdaşların ona müvafiq köməklik göstərdiklərini qeyd edərək minnətdarlığını bildirir. Aparılan obyektiv araşdırmaya görə DİN-in rəhbərliyinə və Xətai RPİ-nin əməkdaşlarına təşəkkürünü bildirir.

Sosial şəbəkə istifadəçisi Sabir Məmmədov DİN-in “Instagram” səhifəsinə yazdığı mesajında üzləşdiyi dələduzluq hadisəsi ilə əlaqədar polisə etdiyi müraciətin həll olunmasında göstərdikləri köməkliyə görə DİN rəhbərliyinə minnətdarlığını bildirir.  

Vətəndaş Ələddin Məmmədov DİN-ə ünvanladığı məktubunda müraciətinə operativ baxılaraq onun müsbət həll edilməsində göstərilən köməkliyə görə Şahbuz Rayon Polis İdarəsinin əməkdaşlarına minnətdarlığını bildirir.

Vətəndaş Sübhi Əsədov DİN-ə ünvanladığı məktubunda müraciətinə baxılaraq müsbət həll olunmasında göstərilən köməkliyə görə DİN rəhbərliyinə minnəttarlığını bildirir.