Sosial şəbəkə istifadəçisi Aydan Əliyeva DİN-in “İnstagram” səhifəsinə minnətdarlıq məktubu yazaraq qarşılaşdığı problemin həllində göstərilən köməyə görə Pirallahı Rayon Polis İdarəsinin əməkdaşlarına təşəkkürünü bildirir.

Respublikanın əməkdar artisti Elza Qasımova (Seyidcahan) DİN rəhbərliyinə təşəkkür məktubu yazaraq müraciətinə operativ baxıldığına, ona göstərilən diqqət və qayğıya görə Azərbaycan Polisinə minnətdarlığını bildirir. 

Müğənni Niyam Salami DİN-in “İnstagram” səhifəsinə təşəkkür məktubu yazaraq, müraciətinin müsbət həll olunduğuna görə DİN rəhbərliyinə və Azərbaycan Polisinə minnətdarlığını bildirir.

Xaçmaz rayon sakini Səkinə Aslanova DİN rəhbərliyinə minnətdarlıq məktubu yazaraq müraciətindən sonra Siyəzən Rayon Polis Şöbəsində aparılan tədbirlər nəticəsində mənzilindən edilən oğurluqda şübhəli bilinən şəxsin saxlanıldığını, ona dəymiş maddi ziyanın ödənildiyini qeyd edərək Azərbaycan Polisinə təşəkkürünü bildirir.

Milli Məclisin deputatı Razi Nurullayev “Facebook” səhifəsinə təşəkkür məktubu yazaraq nümunəvi və fədakar xidmətlərinə görə Azərbaycan Polisinə minnətdarlığını bildirir.

Vətəndaş Mirağa İskəndərov administrator kimi çalışdığı oteldə müştəri tərəfindən televizorun sındırılması ilə bağlı müraciətinə operativ baxılaraq dəyən ziyanın ödətdirilməsində göstərdikləri köməkliyə görə Nərimanov RPİ-nin 16-cı Polis Şöbəsinin əməkdaşlarına təşəkkürünü bildirir. 

Vətəndaş Xəyal Nəsirov baş vermiş yol-nəqliyyat hadisəsi ilə bağlı operativ araşdırma aparılmasına və hüquqlarının ona izah olunmasında göstərilən köməkliyə görə DİN rəhbərliyi başda olmaqla Nərimanov Rayon Polis İdarəsinin əməkdaşlarına təşəkkürünü bildirir. 

Vətəndaş Elşad Cəfərov baş vermiş yol-nəqliyyat hadisəsi ilə bağlı müraciətinə operativ baxılmasına, obyektiv araşdırma aparılmasına görə DİN rəhbərliyi başda olmaqla Nərimanov Rayon Polis İdarəsinin əməkdaşlarına təşəkkürünü bildirir. 

Xaçmaz rayon Çarxı kənd sakini Natiq Əsgərov yazır: “Qusar rayonunda keçirilən vətəndaş qəbulunda oldum. Müraciətimə dərhal baxıldı. Xaçmaz Rayon Polis Şöbəsinin əməkdaşlarının köməkliyi sayəsində problemim müsbət həllini tapdı. DİN rəhbərliyi başda olmaqla Azərbaycan Polisinə təşəkkürümü bildirirəm”.