Yardımlı rayon sakini Zakir İmanov öz təşəkkür məktubunda ictimai asayişin təmin olunmasına, cinayətkarlığa qarşı aparılan qətiyyətli mübarizə tədbirlərinə görə DİN və Yardımlı RPŞ-nin rəhbərliyinə minnətdarlığını ifadə edir.

Astara rayon sakini İlhamə Məmmədova DİN rəhbərliyinə ünvanladığı təşəkkür məktubunda xidməti vəzifələrinin öhdəsindən layiqincə gəldiyinə, rayon ərazisində ictimai qayda və ictimai təhükəsizliyin etibarlı şəkildə qorunmasına görə Astara RPŞ-nin rəhbərliyinə minnətdarlığını bildirir.

Siyəzən rayon sakini Şahin İsgəndərov rayon ərazisində ictimai asayişin və ictimai təhlükəsizliyin təmin olunmasına görə DİN rəhbərliyinə və xidməti vəzifələrini layiqincə yerinə yetirən Siyəzən Rayon Polis Şöbəsinin əməkdaşlarına təşəkkürünü bildirir, çətin və şərəfli xidmətlərində uğurlar arzulayır.

Qusar rayon sakini İbrahim Zərbəliyev pulunun geri qaytarılmasının təmin edilməsinə görə  DİN rəhbərliyinə və Qusar RPŞ-nin əməkdaşlarına minnətdarlığını bildirir.

Quba rayon sakini Şükür Bağırov DİN rəhbərliyinə ünvanladığı təşəkkür məktubunda ictimai qaydanın və təhlükəsizliyin təmin olunmasında, hüquqazidd əməllərin qarşısının alınmasında, o cümlədən narkotiklərin qanunsuz dövriyyəsinə qarşı mübarizədə xidməti vəzifə borclarını layiqincə yerinə yetirdiklərinə, fədakarlıq nümayiş etdirdiklərinə görə Quba RPŞ-nin rəhbərliyinə və əməkdaşlarına minnətdarlığını bildirir.

Ağstafa rayon sakini, şəhid anası olan Firəngiz Abbasova məktubunda Daxili İşlər Nazirliyinə etdiyi müraciətinə dərhal reaksiya verildiyini, araşdırma aparılaraq müvafiq tədbirlərin həyata keçirildiyini və qısa müddətdə müraciətinin müsbət həll olunduğunu qeyd edir. O, müraciətinə həssas yanaşılmasına, şəhid ailələrinə, o cümlədən onun ailəsinə göstərilən diqqət və qayğıya görə DİN rəhbərliyinə təşəkkürünü bildirir.  

Bakı şəhər sakini Muxtar Əhmədov məktubunda müraciəti ilə əlaqədar Yasamal RPİ-nin 26-cı Polis Bölməsinin əməkdaşları tərəfindən araşdırma aparılaraq müvafiq tədbirlərin həyata keçirildiyini qeyd edir. O, operativliyə və müraciətinin qısa müddətdə müsbət həll olunmasına görə 26-cı Polis Bölməsinin əməkdaşlarına təşəkkürünü bildirir.  

Bakı şəhər sakini Əjdər Cəfərov məktubunda müraciətinə operativ reaksiya verildiyini, Bakı Şəhər Baş Polis İdarəsində obyektiv araşdırma aparılaraq qısa müddətdə müsbət həll olunduğunu qeyd edərək DİN rəhbərliyinə və Bakı Şəhər Baş Polis İdarəsinin əməkdaşlarına təşəkkürünü bildirir. 

Bakı şəhər sakini Sevinc Qulamova məktubunda müraciətinə dərhal reaksiya verildiyini və Bakı Şəhər Baş Polis İdarəsində müvafiq araşdırmalara başlanıldığını qeyd edərək DİN rəhbərliyinə təşəkkürünü bildirir.