Vətəndaş Orxan Hüseynov baş vermiş yol-nəqliyyat hadisəsi ilə bağlı operativ araşdırma aparılmasına və qanunvericiliyin tələbinə uyğun olaraq tədbir görülməsinə görə DİN rəhbərliyi başda olmaqla Nərimanov Rayon Polis İdarəsinin əməkdaşlarına təşəkkürünü bildirir. O, Azərbaycan Polisinin peşəkar xidməti fəaliyyətindən məmnunluğunu yazır.

Vətəndaş Mehdi Xələfov yol hərəkətinin təşkili ilə əlaqədar müraciətinə operativ baxılmasına görə daxili işlər orqanları əməkdaşlarına  təşəkkürünü bildirir. 

Vətəndaş Siruz Manafov yollarda təhlükəsizliyin təmin olunmasında fədakarlıq göstərən Baş Dövlət Yol Polisi əməkdaşlarının xidməti fəaliyyətini təqdir edir. O, idarə etdiyi avtomobildə qəfildən yaranan nasazlıq zamanı onlara göstərilən köməkliyə görə Xəzər RPİ Dövlət Yol Polisi Şöbəsinin əməkdaşlarına təşəkkürünü bildirir. 

Vətəndaş Solmaz Muradova onu narahat edən məsələlərlə bağlı müraciətinə operativ baxılaraq problemlərinin həlli istiqamətində göstərdikləri köməkliyə görə Mingəçevir Şəhər Polis Şöbəsinin əməkdaşlarına təşəkkürünü bildirir. O, vətəndaş müraciətlərinə həssaslıqla yanaşılmasını yüksək dəyərləndirir.

Qusar rayon sakini Əliməhəmməd Şahbazov yazır: “Qusar rayonunda keçirilən vətəndaş qəbulunda oldum. Müraciətimə dərhal və obyektiv baxıldı. DİN rəhbərliyi başda olmaqla Azərbaycan Polisinə təşəkkürümü bildirirəm”. 

Türk vətəndaşı Sürəyya Ufak DİN-in “Instagram” səhifəsinə təşəkkür mesajı yazıb. O, üzləşdiyi dələduzluq faktı ilə bağlı müraciətinə dərhal reaksiya verildiyinə görə DİN rəhbərliyinə və Yasamal RPİ 26-cı Polis Bölməsinin əməkdaşlarına minnətdarlığını bildirir. 

Zərdab rayon sakini Radim Məmmədov etdiyi müraciətinin müsbət həll olunmasına görə başda DİN rəhbərliyi olmaqla, Zərdab RPŞ-nin rəhbərliyinə və əməkdaşlarına təşəkkürünü bildirir.

Bakı şəhər sakini Əhliman Daşdəmirov yaşadığı binanın, eləcə də binanın həyətinin işıqlandırılmasında, eyni zamanda təhlükəsizlik kameralarının quraşdırılmasında göstərdikləri köməkliyə, verdikləri dəstəyə görə Nərimanov RPİ-nin rəhbərliyinə və əməkdaşlarına minnətdarlığını bildirir. 

Vətəndaş Natiqə Abdullayeva üzləşdiyi problemlə əlaqədar etdiyi müraciətə həssaslıqla yanaşılaraq həll olunmasında, eləcə də hüquqlarının bərpasında göstərdikləri köməkliyə görə Naxçıvan MR Daxili İşlər Nazirliyinin əməkdaşlarına təşəkkürünü ifadə edir.