Vətəndaş Akif Ağayev ictimai sabitliyin qorunmasında, cinayətkarlıqla mübarizədə, narkotiklərin qanunsuz dövriyyəsi və narkomaniyaya qarşı qətiyyətli mübarizə tədbirlərinə görə Azərbaycan Polisinin gərgin xidməti fəaliyyətini təqdir edir. O, gərgin və fədakar xidməti fəaliyyətlərinə görə Masallı Rayon Polis Şöbəsinin əməkdaşlarına təşəkkürünü bildirir.

Bakı şəhər sakini Elxan Hümbətov məktubunda üzləşdiyi dələduzluq hadisəsi barədə Abşeron RPİ-yə etdiyi müraciətə dərhal baxıldığını, ona dəymiş maddi ziyanın tez bir zamanda ödənildiyini qeyd edərək DİN rəhbərliyinə və Abşeron Rayon Polis İdarəsinin əməkdaşlarına təşəkkürünü bildirir.

Bakı şəhər sakini Saidə Vəliyeva müraciətində Sabunçu RPİ 12-ci Polis Şöbəsinin əməkdaşlarına təşəkkürünü bildirir. 

Bakı şəhər sakini Əlfəddin Kərimov məktubunda müraciəti ilə əlaqədar Yasamal Rayon Polis İdarəsində obyektiv araşdırma aparılaraq məsələyə hüquqi qiymət verildiyini və dəymiş maddi ziyanın ona qaytarılmasında köməklik göstərildiyini qeyd edir. O, müraciətinə diqqətlə yanaşıldığına, obyektiv araşdırmalara və operativliyə görə DİN rəhbərliyinə və Yasamal Rayon Polis İdarəsinin əməkdaşlarına təşəkkür edir, çətin və şərəfli xidmətlərində onlara uğurlar arzulayır. 

“Sarvan” qəzetinin baş redaktoru, şair Ələmdar Əmiraslanov məktubunda işğaldan azad olunmuş Kəlbəcər rayonuna səfərinə göstərilən köməkliyə görə DİN rəhbərliyinə minnətdarlığını bildirir.

Ağsu rayon sakini Güləsəf Fərəcov üzləşdiyi problemlə əlaqədar etdiyi müraciətə operativ reaksiya verilərək qısa zaman kəsiyində həll olunmasında göstərdikləri köməkliyə görə Ağsu RPŞ-nin rəhbərliyinə və əməkdaşlarına minnətdarlığını bildirir. 

Sosial şəbəkə istifadəçisi Nikolay Vorobyev yol-nəqliyyat hadisəsi ilə üzləşdiyini, polisin obyektiv və operativ araşdırma apardığını, ona dəymiş ziyanın ödətdirilməsində yaxından köməklik göstərdiyini yazır. Buna görə Pirallahı RPİ-nin əməkdaşlarına təşəkkürünü ifadə edib. 

Sosial şəbəkə istifadəçisi Günel Tağıyeva üzləşdiyi problemlə əlaqədar etdiyi müraciətə operativ reaksiya verilərək qısa zaman kəsiyində həll olunmasında göstərdikləri köməkliyə görə Azərbaycan Polisinə minnətdarlığını yazır. 

Naxçıvan Muxtar Respublikası sakini Aygün Abbasova üzləşdiyi dələduzluqla bağlı etdiyi müraciətə operativ reaksiya verilərək qısa zaman kəsiyində həll olunmasında, eləcə də ona dəymiş maddi ziyanın ödətdirilməsində göstərdikləri köməkliyə görə Naxçıvan MR DİN-nin rəhbərliyinə və əməkdaşlarına təşəkkürünü bildirir.