Lerik rayon sakini Üzeyir Məmmədov öz təşəkkür məktubunda şəhid ailələri və qazilərə göstərilən yüksək diqqət və qayğıya görə Rayon Polis Şöbəsinin rəhbərliyinə minnətdarlığını ifadə edir. İctimai asayişin etibarlı şəkildə qorunmasına, çevik və peşəkar xidmətlərinə görə polis əməkdaşlarına təşəkkürünü bildirir.

Masallı sakini Allahşükür Zahidov öz təşəkkür məktubunda vətəndaşların güvənini, etibarını öz peşəkarlığı, çevikliyi, vətəndaş müraciətlərinə həssaslığı ilə doğruldan Azərbaycan Polisinə minnətdarlığını bildirir. Sabitlik adasına çevrilən ölkəmizdə ictimai asayişi və ictimai təhlükəsizliyi etibarlı şəkildə təmin edən, işğaldan azad olunmuş torpaqlarımızdakı peşəkar xidməti ilə düşmənə göz dağı olan Daxili işlər orqanlarının əməkdaşları ilə qürur duyduğunu, fəxr hissi keçirdiyini ifadə edir. 

Cəlilabad rayon sakini Məhluqə Hümbətova DİN rəhbərliyinə ünvanladığı təşəkkür məktubunda müraciətinin Cəlilabad RPŞ-də hərtərəfli araşdırılmasına və obyektiv qərar qəbul edilməsinə görə öz minnətdarlığını ifadə edir.

Astara rayon sakini Mahir Fərziyev öz təşəkkür məktubunda xidməti vəzifələrinin öhdəsindən layiqincə gəldiyinə görə Astara RPŞ-nin rəhbərliyi və bütün kollektivinə minnətdarlığını ifadə edir.

Astara rayon sakini Ağası Xankişiyev 9 baş iribuynuzlu heyvanının itməsi ilə bağlı polisə müraciət etdiyini və polis əməkdaşlarının çevik reaksiyası və köməkliyi sayəsində ona məxsus heyvanların tapıldığını bildirir. Buna görə də Astara RPŞ-nin əməkdaşlarına öz təşəkkürünü bildirir.

Biləsuvar rayon sakini Emil Məmmədov ona məxsus mağazadan oğurluq edən şəxslərin müəyyən olunaraq məsuliyyətə cəlb olunmasına, ona dəyən maddi ziyanın istintaq dövründə tam şəkildə ödənilməsinin təmin olunmasına görə Rayon Polis Şöbəsinin əməkdaşlarına öz təşəkkürünü bildirir.

Vətəndaş Mösi Əmirov övladının daxili işlər orqanlarında xidmətə qəbulu ilə bağlı müraciətinə tez bir zamanda baxılaraq müsbət həllini tapmasında ona göstərilən köməkliyə görə DİN rəhbərliyi başda olmaqla Cəlilabad Rayon Polis Şöbəsinin əməkdaşlarına təşəkkürünü bildirir. O, Azərbaycan Polisinin peşəkar xidməti fəaliyyətini təqdir edir və oğlunun polis sıralarında xidmət etməsi ilə qürur duyduğunu yazır.

İmişli rayon sakini Cavid Zaidov məktubunda Azərbaycan Respublikasının daxili işlər naziri tərəfindən Mingəçevir şəhərində  keçirilən vətəndaş qəbulunda iştirak etdiyini, müraciəti ilə əlaqədar aidiyyəti üzrə göstəriş verildiyini yazır. O, müvafiq araşdırma aparılaraq qısa müddətdə müraciətinin müsbət həll olunduğunu qeyd edir. 
C.Zaidov vətəndaş müraciətlərinə, o cümlədən onun müraciətinə həssas yanaşılmasına, göstərilən yüksək diqqət və qayğıya görə DİN rəhbərliyinə minnətdarlığını bildirir.

Vətəndaş Seyfəddin Məmmədov DİN-in “Instagram” səhifəsinə Azərbaycan polisinə təşəkkür mesajı yazıb. Pirallahı rayonunda yaşadığını bildirən S.Məmmədov rayon ərazisində yol hərəkətinin yüksək səviyyədə təşkilinə, hərəkət iştirakçılarının təhlükəsizliyinin etibarlı təmin olunmasına, aparılan profiklaktik və maarifləndirici tədbirlərə görə ilin hər bir fəslində avtomobil yollarında əzmlə xidmət aparan yol polisi əməkdaşlarına təşəkkürünü bildirir, çətin və şərəfli xidmətlərində uğurlar arzulayır.