Vətəndaş Yamin Cəfərov məktubunda üzləşdiyi dələduzluq faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN-in rəhbərliyinə və Qaradağ Rayon Polis İdarəsinin əməkdaşlarına minnətdarlığını bildirir.

Bakı şəhər sakini Vəfa İsazadə DİN-in “Instagram” səhifəsinə təşəkkür mesajı yazıb. O, sosial şəbəkə hesablarında ictimailəşdirdiyi məsələyə Nəsimi Rayon Polis İdarəsinin əməkdaşları tərəfindən operativ reaksiya verildiyini və qısa müddət ərzində qanunamüvafiq tədbirlərin görüldüyünü qeyd edərək müraciətinin qısa müddət ərzində müsbət həllinə görə DİN-in rəhbərliyinə və Azərbaycan polisinə təşəkkürünü bildirir.

Vətəndaş Vəfa İsmayılova DİN-in “Instagram” səhifəsinə təşəkkür mesajı ünvanlayıb: “Mənə qarşı dələduzluq olması ilə bağlı Daxili İşlər Nazirliyinə onlayn qaydada və Yasamal Rayon Polis İdarəsinə ərizə ilə rəsmi müraciət etmişdim. Müraciətim ilə bağlı Yasamal Rayon Polis İdarəsində qəbul edildim, dinlənildim, müraciətim nəzarətə götürüldüyü bildirildi. Polis əməkdaşları tərəfindən araşdırılma aparılıb mənə dəyən ziyanın tam ödənilməsi təmin edildi. Müraciətimə operativ şəkildə baxıldığı və bizə göstərilən diqqətə görə DİN-in və Yasamal RPİ-nin rəhbərliyinə öz təşəkkürümüzü bildiririk. Yaşasın, Azərbaycan polisi!”.

Bakı şəhər sakini Xədicə Əzizova DİN-in “Instagram” səhifəsinə təşəkkür mesajı ünvanlayıb: “5 sentyabr 2025-ci il tarixində Pirallahı rayonunda iş yerimə gedərkən səhhətim pisləşdi. Bu zaman yaxınlıqda olan Post-Patrul Xidməti Bölüyünün əməkdaşları mənə yaxınlaşıb öz köməklərini göstərdilər. Bunun üçün həmin polis əməkdaşlarına öz təşəkkürümü bildirirəm”.

Vətəndaş İsmət Qədirov DİN-in “Instagram” səhifəsinə təşəkkür mesajı ünvanlayıb: “30 avqust 2025-ci il tarixində mənim üçün çox əhəmiyyətli olan pulqabımı itirmişdim və ya oğurlanmışdı. Səbail Rayon Polis İdarəsinin 8-ci Polis Bölməsinin əməliyyatçılarının müdaxiləsi ilə tapılaraq mənə təhvil verildi. Bu bölmənin rəhbərliyinə və bütün əməkdaşlarına xüsusi minnətdarlığımı bildirirəm”.

Vətəndaş Mais Məmmədov DİN-in “Instagram” səhifəsinə yazdığı mesajında iştirak etdiyi yol-nəqliyyat hadisəsinin obyektiv araşdırılaraq probleminin müsbət həll olunduğuna görə Nərimanov Rayon Polis İdarəsinə və Azərbaycan Polisinə təşəkkürünü bildirir. 

Vətəndaş Səriyyə Həsənova DİN-in “Instagram” səhifəsinə yazdığı mesajında iştirak etdiyi yol-nəqliyyat hadisəsinin obyektiv araşdırılaraq probleminin müsbət həll olunduğuna, vətəndaş müraciətlərinə həssaslıqla yanaşan və xidməti vəzifələrini layiqincə yerinə yetirən Nərimanov Rayon Polis İdarəsinə təşəkkürünü bildirir. 

Vətəndaş Zəhra Hacıyeva DİN-in “Instagram” səhifəsinə təşəkkür mesajı yazıb. O, əşyalarının itirməsi ilə bağlı Nərimanov RPİ-nin 16-cı Polis Şöbəsinə müraciət etdiyini, polis əməkdaşlarının onun müraciətinə həssaslıqla yanaşdığını və görülmüş tədbirlərlə qısa müddətdə əşyalarının tapılaraq ona təhvil verildiyini bildirir. 
Z.Hacıyeva müraciətinə həssas yanaşılmasına və operativliyə görə Nərimanov RPİ-nin 16-cı Polis Şöbəsinin əməkdaşlarına minnətdarlığını bildirir.  

Vətəndaş Failə Həsənova DİN-in “Instagram” səhifəsinə yazdığı mesajında cinayətkarlıqla qətiyyətli mübarizə aparan, ictimai asayişi ayıq-sayıq qoruyan, obyektiv və operativ olan, vətəndaş müraciətlərinə həssaslıqla yanaşan və xidməti vəzifələrini layiqincə yerinə yetirən Pirallahı Rayon Polis İdarəsinin əməkdaşlarına minnətdarlığını bildirir, çətin və şərəfli xidmətlərində uğurlar arzulayır.