İsmayıllı rayon sakini Tamam Qarayeva xidməti vəzifələrini layiqincə yerinə yetirdiklərinə görə, İsmayıllı RPŞ-nin əməkdaşlarına minnətdarlığını bildirir.

Şəki rayon sakini Tariyel Əfəndiyev xidməti vəzifələrini layiqincə yerinə yetirdiklərinə görəŞəki ŞRPŞ-nin DYPB-nin əməkdaşlarına minnətdarlığını bildirir.

Bakı şəhər sakini Rafael İbrahimli DİN-in “Instagram” səhifəsinə təşəkkür məktubu ünvanlayıb: “Velosipedimin oğurlanması ilə bağlı etdiyim müraciətə Nəsimi Rayon Polis İdarəsinin əməkdaşları tərəfindən operativ baxıldığı üçün təşəkkür edirəm. Velosipedim tapılaraq mənə təhvil verildi. Əziz polislər, siz bizim təhlükəsizliyimizi qoruyursunuz. Biz sizinlə fəxr edirik. Sizə təşəkkürümü və minnətdarlığımı bildirirəm”.

Abşeron rayon sakini Ceyhun Qurbanov DİN-in “Facebook” səhifəsinə təşəkkür mesajı yazıb. O, DİN-in “Facebook” səhifəsi vasitəsilə ünvanladığı müraciətinə operativ baxıldığına, Abşeron Rayon Polis İdarəsinə dəvət olunaraq hüquq və vəzifələrinin izah olunmaqla obyektiv araşdırmalara başlanıldığına görə DİN rəhbərliyinə və Azərbaycan polisinə təşəkkürünü bildirir. 

Abşeron rayon sakini Sənan Qənbərli müraciətinə operativ baxıldığını, Abşeron Rayon Polis İdarəsi tərəfindən qısa müddətdə araşdırma aparılaraq müvafiq tədbirlərin görüldüyünü və müraciətinin müsbət həll olunduğunu qeyd edir. S.Qənbərli müraciətinə həssas yanaşıldığına və həyata keçirilən operativ tədbirlərə görə DİN rəhbərliyinə və  Abşeron Rayon Polis İdarəsinin əməkdaşlarına təşəkkürünü bildirir.

Bakı şəhər sakini Arzu Məmmədova DİN-in “Instagram” səhifəsinə təşəkkür məktubu ünvanlayıb: “Məni narahat edən məsələ ilə bağlı etdiyim müraciətə operativ reaksiya verildiyinə və qısa müddət ərzində tədbir görüldüyünə görə DİN rəhbərliyinə və Baş Narkotiklərlə Mübarizə İdarəsinin əməkdaşlarına minnətdarlığımı bildirirəm. Yaşasın, Azərbaycan polisi!”.

Bakı şəhər sakini Xəyalə Abbasova DİN-in “Facebook” səhifəsinə təşəkkür məktubu ünvanlayıb: “Övladımın itkin düşməsi ilə bağlı Binəqədi Rayon Polis İdarəsinin 43-cü Polis Bölməsinə müraciət etmişdim. Bölmə əməkdaşlarının çevikliyi nəticəsində övladım qısa müddət ərzində tapılaraq mənə təhvil verildi. 43-cü Polis Bölməsinin əməkdaşlarına minnətdaram”.

Salyan rayon sakini Ağarza Səmədov teleqramında daxili işlər orqanlarında gənc əməkdaşlara göstərilən diqqət və qayğının, etimadın təqdirəlayiq olduğunu qeyd edərək DİN rəhbərliyinə minnətdarlığını bildirir.   

Gəncə şəhər sakini İftixar Quliyev daxili işlər nazirinin bu il Şəmkir rayonunda keçirdiyi vətəndaş qəbulunda iştirak etdiyini qeyd edərək müraciətinə operativ baxıldığını, araşdırma aparılaraq müvafiq tədbirlərin görüldüyünü yazır. O, müraciətinin müsbət həll olunduğunu qeyd edərək DİN rəhbərliyinə minnətdarlığını bildirir.