Vətəndaş İlhamə Yusubova DİN-in “Instagram” səhifəsinə ünvanladığı təşəkkür mesajında etdiyi müraciətinə operativ baxıldığını, Nərimanov Rayon Polis İdarəsinin 18-ci Polis Şöbəsi tərəfindən obyektiv araşdırılaraq qısa müddətdə müsbət həll olunduğunu qeyd edərək 18-ci PŞ-nin əməkdaşlarına minnətdarlığını bildirir.

Bakı şəhər sakini Zülfiyyə Məmmədovanın DİN-in “Instagram” səhifəsinə ünvanladığı təşəkkür mesajında telefonunun itməsi ilə bağlı müraciətinin Bakı Şəhər Baş Polis İdarəsində araşdırılaraq polis əməkdaşlarının peşəkarlığı nəticəsində müsbət həll olunduğunu və telefonunun tapılaraq özünə qaytarıldığını qeyd edir. O, müraciətinə həssaslıqla yanaşılmasına və operativliyə görə DİN-in rəhbərliyinə, o cümlədən Azərbaycan polisinə minnətdarlığını bildirir.

Əcnəbi vətəndaş Om Rudray Rajesh DİN-in “Instagram” səhifəsinə təşəkkür mesajı yazıb. O, Bakıda qonaq olarkən dronunu itirməsi ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və dronunun tapılaraq özünə qaytarılmasına görə DİN-in rəhbərliyinə, o cümlədən Suraxanı RPİ-nin 31-ci Polis Bölməsinin əməkdaşlarına minnətdarlığını bildirir, Azərbaycan polisinə çətin və şərəfli peşəsində uğurlar arzulayır.

Vətəndaş Nazim Nəzərov DİN-in “Instagram” səhifəsinə təşəkkür mesajı ünvanlayıb: “Mən Nəsimi Rayon Polis İdarəsinə dələduzluqla bağlı müraciət etmişdim. Müraciətimə dərhal və diqqətlə baxıldığına, dəymiş maddi ziyanın tam şəkildə ödətdirildiyinə görə DİN-in rəhbərliyinə və Nəsimi Rayon Polis İdarəsinin 20-ci Polis Şöbəsinin əməkdaşlarına səmimi təşəkkürümü bildirirəm. Peşəkar və operativ xidmətlərinə görə Azərbaycan polisinə uğurlar arzulayıram. Yaşasın, Azərbaycan polisi!”.

Vətəndaş Xəyal Hüseynov DİN-in “Instagram” səhifəsinə təşəkkür mesajı ünvanlayıb: “09.04.2026-cı il tarixində yol-nəqliyyat hadisəsi baş vermişdi. Hadisə ilə bağlı Nərimanov Rayon Polis İdarəsinin Təhqiqat Şöbəsində aparılan araşdırmada iştirak etdim. Həmin müddətdə RPİ rəhbərliyi tərəfindən qəbul olundum, mənimlə ciddi şəkildə maraqlandılar və hüquqlarımı ətraflı şəkildə izah etdilər. Polis əməkdaşlarının vətəndaşla bu qədər səmimi və diqqətli davranmasının şahidi olmaq mənim üçün çox xoş oldu. Göstərilən qayğı və peşəkarlığa görə razılığımı bildirirəm. Bu münasibətlə Daxili İşlər Nazirliyinin əməkdaşlarına təşəkkür edirəm”.

Vətəndaşlar – Orxan Nəbiyev və Rəvan Eyvazov Daxili İşlər Nazirliyinə ünvanladıqları məktublarında gecə-gündüz yorulmadan xidmət edən, cinayətkarlıqla qətiyyətli mübarizə aparan, ictimai asayişi ayıq-sayıq qoruyan və xidməti vəzifələrini layiqincə yerinə yetirən Azərbaycan polisinə minnətdarlıqlarını bildirir, çətin və şərəfli xidmətlərində uğurlar arzulayırlar.

Vətəndaş Ramil Eyvazlı DİN-in “Instagram” səhifəsinə təşəkkür mesajı ünvanlayıb: “Bir nəfər məni aldadaraq pul vəsaitimi ələ keçirmişdi. Abşeron Rayon Polis İdarəsinin əməkdaşları müraciətimi araşdıraraq mənə dəymiş ziyanın tam şəkildə ödənilməsinə köməklik göstərdilər. Bununla bağlı DİN-in və Abşeron RPİ-nin rəhbərliyinə təşəkkürümü bildirirəm”.

Vətəndaş Veneta Kurkina DİN-in “Instagram” səhifəsinə təşəkkür mesajı ünvanlayıb: “03.04.2026-cı il tarixində Bakı şəhəri Nərimanov rayonu G.Qədirbəyova küçəsində baş vermiş yol-nəqliyyat hadisəsi ilə bağlı Nərimanov RPİ-nin Təhqiqat Şöbəsində aparılan araşdırmada iştirak etdim. Araşdırmadan çox razı qaldım. Buna görə dərin minnətdarlığımı bildirirəm”. 

Sosial şəbəkə istifadəçisi Məmmədbağır Bağırov baş vermiş oğurluq hadisəsi ilə bağlı müraciətinə operativ baxılaraq ona dəymiş ziyanın tam şəkildə ödənilməsində göstərdikləri köməkliyə görə Nərimanov Rayon Polis İdarəsinin rəhbərliyinə təşəkkürünü bildirir.