Vətəndaş Elşad Cəfərov avtomobil yollarında təhlükəsizliyin etibarlı təmin olunmasına, polis əməkdaşlarının humanistliyinə, xoş rəftarlarına və nəzakətli davranışlarına görə DİN rəhbərliyinə minnətdarlığını bildirir, polis əməkdaşlarına çətin və şərəfli işlərində uğurlar arzulayır.

Vətəndaş Rəşadət Yusifov DİN-in “Instagram” səhifəsinə yazdığı təşəkkür mesajında Pirallahı rayonu ərazisində yerləşən avtomobil yollarında təhlükəsizliyin etibarlı təmin olunmasına diqqət çəkir, yol polisi əməkdaşlarının humanistliyini, xoş rəftarlarını xüsusi vurğulayır və  onların təhsil müəssisələrinin qarşısında məktəblilərin təhlükəsizliyi üçün gördükləri tədbirlərin təqdirəlayiq olduğunu qeyd edir.

Vətəndaş Zaur Cəfərov iştirakçısı olduğu yol-nəqliyyat hadisəsi zamanı yol polisi əməkdaşları tərəfindən ona köməklik göstərildiyini bildirir. O, obyektiv araşdırma aparılmasına görə DİN rəhbərliyinə və Naxçıvan MR-in Daxili İşlər Nazirliyinin əməkdaşlarına təşəkkür edir.

Vətəndaş Zibeydə Sadıqova üzləşdiyi dələduzluq faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və dəymiş maddi ziyanın ödətdirilməsində göstərilən köməkliyə görə DİN rəhbərliyinə, eləcə də Binəqədi Rayon Polis İdarəsinin 5-ci Polis Şöbəsinin əməkdaşlarına minnətdarlığını bildirir.

Bakı şəhər sakini Pərvanə Ağazadə məktubunda üzləşdiyi dələduzluq faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə və Abşeron Rayon Polis İdarəsinin əməkdaşlarına minnətdarlığını bildirir.

Bakı şəhər sakini Samir Babayev məktubunda üzləşdiyi kiberdələduzluq faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə və Nərimanov Rayon Polis İdarəsinin əməkdaşlarına minnətdarlığını bildirir.

Bakı şəhər sakini İlhamə Paşayeva Daxili İşlər Nazirliyinə ünvanladığı məktubunda üzləşdiyi hüquqpozma ilə bağlı Nəsimi Rayon Polis İdarəsinə müraciət etdiyini qeyd edir. O, müraciətinə operativ baxıldığına, qısa müddətdə araşdırılaraq müvafiq tədbirlərin keçiridiyinə görə Azərbaycan polisinə minnətdarlığını bildirir.     

Vətəndaş Elmar Bağırov DİN-in “İnstagram” səhifəsinə təşəkkür mesajı ünvanlayıb: Bildirirəm ki, avtomobil idarə edərkən təhlükəsizlik kəmərindən istifadə etməyimə baxmayaraq barəmdə tətbiq edilmiş cərimənin ləğv edilməsi ilə bağlı müraciət etmişdim. Şikayətimə baxılaraq məsələ öz həllini tapdı və mövcud nöqsan aradan qaldırıldı. Göstərilən diqqət və köməyə görə Azərbaycan Respublikasının Daxili İşlər Nazirliyinin əməkdaşlarına təşəkkür edirəm. Uca Allah Azərbaycan polisini və cənab Nazirimizi qorusun.

Vətəndaş Elçin Bağırov DİN-in “İnstagram” səhifəsinə təşəkkür mesajı ünvanlayıb: Bu gün Səbail RPİ-nin 39-cu Polis Şöbəsinə etdiyimiz müraciət dərhal nəzarətə alınaraq operativ şəkildə öz müsbət həllini tapdı. Vətəndaş müraciətinə göstərdikləri yüksək peşəkarlığa, diqqət və həssaslığa görə başda Daxili İşlər naziri cənab Vilayət Eyvazov olmaqla, 39-cu PŞ-nin rəhbərliyinə, əməkdaşlarına və bütün Azərbaycan Polisinə dərin minnətdarlığımızı bildiririk!