Sumqayıt şəhər sakini Arzu Abdullayeva üzləşdiyi problemlə bağlı Daxili İşlər Nazirliyinə etdiyi müraciətə Sumqayıt Şəhər Polis İdarəsinin 4-cü Polis Bölməsi tərəfindən operativ baxıldığını, araşdırma aparılaraq müvafiq tədbirlərin görüldüyünü yazır. O, müraciətinin müsbət həll olunduğunu qeyd edərək DİN rəhbərliyinə və Sumqayıt Şəhər Polis İdarəsinin əməkdaşlarına minnətdarlığını bildirir.

Bir qrup Yasamal rayon sakini üzləşdikləri problemlə bağlı Yasamal Rayon Polis İdarəsinə etdikləri müraciətlərinin qısa müddətdə müsbət həll olunduğuna görə DİN rəhbərliyinə və Azərbaycan polisinə təşəkkürlərini bildirirlər.

Sumqayıt şəhər sakini Yusif Həsən Daxili İşlər Nazirliyinə təşəkkür məktubu ünvanlayıb: “Sumqayıt şəhərində motokuryer fəaliyyəti ilə məşğul oluram. Gecə saatlarında mopedimin yanacağı bitdiyi üçün piyada səkisi ilə hərəkət edirdim. Bunu görən polis əməkdaşı mənim problemimlə maraqlandı və təmannasız olaraq yanacaqla təmin etdi. Humanist münasibətə görə polis əməkdaşına təşəkkürümü bildirirəm”.

Sumqayıt şəhər sakini Cəbrayıl Abbasov məktubunda müraciətinin müsbət həll olunduğunu qeyd edir və ona göstərilən diqqət və qayğıya görə DİN rəhbərliyinə təşəkkürünü bildirir. 

Bakı şəhər sakini Eldar Hacızadə məktubunda cinayətkarlığa qarşı aparılan qətiyyətli mübarizə tədbirlərinə və ictimai asayişin etibarlı qorunmasına görə Azərbaycan polisinə minnətdarlığını bildirir, çətin və şərəfli xidmətlərində uğurlar arzulayır.  

Tərtər rayon sakini Akif Hacıyev itkin düşmüş kimi axtarışda olan nəvəsinin  polis əməkdaşları tərəfindən tapılaraq ailəsinə təhvil verildiyini yazır. O, müraciətinə həssaslıqla yanaşılmasına və həyata keçirilən operativ tədbirlərə görə DİN rəhbərliyinə və Azərbaycan polisinə minnətdarlığını bildirir. 

Şuşa rayon sakini Elnarə Musayeva məktubunda üzləşdiyi dələduzluq faktı ilə bağlı müraciəti ilə əlaqədar Binəqədi Rayon Polis İdarəsində obyektiv araşdırma aparılaraq məsələyə hüquqi qiymət verildiyini və dəymiş maddi ziyanın ona ödətdirilməsində köməklik göstərildiyini qeyd edir. O, müraciətinə diqqətlə yanaşıldığına, obyektiv araşdırmalara və operativliyə görə DİN rəhbərliyinə və Binəqədi Rayon Polis İdarəsinin əməkdaşlarına təşəkkür edir, çətin və şərəfli xidmətlərində onlara uğurlar arzulayır.

Sumqayıt şəhər sakini İsmayıl Əliyev məktubunda şikayətinin təmin olunduğunu qeyd edərək göstərilən köməkliyə görə Sumqayıt Şəhər Polis İdarəsinin 1-ci Polis Bölməsinin əməkdaşlarına təşəkkürünü bildirir.

Abşeron rayon sakini Esmira Hacıyeva məktubunda pulunun mənimsənilməsi ilə bağlı müraciətinə Abşeron Rayon Polis İdarəsində operativ baxıldığını, araşdırma aparılaraq məsələyə hüquqi qiymət verildiyini və dəymiş maddi ziyanın ona ödətdirildiyini qeyd edir. O, operativliyə, obyektiv araşdırmalara və maddi ziyanın ödətdirilməsində göstərilən köməkliyə görə DİN rəhbərliyinə və Azərbaycan polisinə təşəkkürünü bildirir, çətin və şərəfli xidmətlərində uğurlar arzulayır.