Vətəndaş Ağasadıq Xalıqov müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə Nəsimi Rayon Polis İdarəsinin və İdarənin 22-ci Polis Şöbəsinin əməkdaşlarına minnətdarlığını bildirir.

Vətəndaş Fərid Həsənsoy Daxili İşlər Nazirliyinin sosial şəbəkə səhifəsinə yazdığı mesajında müraciəti ilə əlaqədar Xətai RPİ-nin Dövlət Yol Polisi Şöbəsinin əməkdaşları tərəfindən qısa zaman ərzində onunla əlaqə saxlanıldığını, məsələnin bütün təfərrüatı ilə izah edilərək yerindəcə köməklik göstərildiyini bildirir. 

Vətəndaş Yasin Əliyev üzləşdiyi dələduzluq faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə və Nərimanov Rayon Polis İdarəsinin əməkdaşlarına minnətdarlığını bildirir.

Vətəndaş Urfan Sultanlı DİN-in sosial şəbəkə səhifəsinə təşəkkür mesajı yazıb. O, müraciəti üzrə Nərimanov RPİ-nin 18-ci Polis Şöbəsinin əməkdaşları tərəfindən qısa zaman ərzində araşdırma aparıldığını və məmnunluğunun təmin olunduğunu yazır.

Vətəndaş Əşrəf Fərəcov Daxili İşlər Nazirliyinin “Instagram” sosial şəbəkə səhifəsinə təşəkkür mesajı yazıb. O, əmlakına qəsdən zərər vurulması ilə bağlı müraciətinə operativ qaydada baxıldığına, əməli törədən şəxsin müəyyən olunaraq məsuliyyətə cəlb edilməsinə və göstərilən köməkliyə görə Nəsimi RPİ-nin 22-ci Polis Şöbəsinin əməkdaşlarına minnətdarlığını bildirir. 

Vətəndaş Səadət Səmədova DİN-in “Instagram” səhifəsinə təşəkkür mesajı yazıb. O, itən əşyasının oğurlanması ilə bağlı polisə etdiyi müraciətə qısa zamanda çevik reaksiya verilərək tapılmasında göstərilən köməkliyə görə Nəsimi RPİ 20-ci Polis Şöbəsinin əməkdaşlarına təşəkkürünü bildirir.

Vətəndaş Hüseynağa Cəfərov DİN-in “Instagram” səhifəsinə təşəkkür mesajı yazıb. O, müraciəti ilə əlaqədar aparılan obyektiv araşdırmalara, həmçinin göstərilən diqqət və köməkliyə görə Xətai RPİ-nin 36-cı Polis Şöbəsinin əməkdaşlarına təşəkkürünü bildirir.

Vətəndaş Cümşüd Nəcəfov DİN-in “Instagram” səhifəsinə təşəkkür mesajı yazıb. O, velosiped və skuterinin oğurlanması ilə bağlı polisə etdiyi müraciətə qısa zamanda çevik reaksiya verilərək tapılmasında göstərilən köməkliyə görə Nəsimi RPİ 19-cu Polis Şöbəsinin əməkdaşlarına təşəkkürünü bildirir.

Sosial şəbəkə istifadəçisi Novruz Qafarov DİN-in “Instagram” səhifəsinə təşəkkür mesajı yazıb. O, üzləşdiyi problemlə bağlı müraciətinin müsbət həll olunmasının təmin edilməsinə görə Xətai RPİ 37-ci Polis Şöbəsinin əməkdaşlarına təşəkkürünü bildirir.