Bakı şəhər sakini Ayaz Zülfüqarbəyli müraciəti müsbət həll edildiyinə görə Qaradağ Rayon Polis İdarəsinin əməkdaşlarına təşəkkürünü bildirir.

Kürdəmir rayon sakini Emin Eminov xidməti fəaliyyətini layiqincə yerinə yetirən Kürdəmir Rayon Polis Şöbəsinin əməkdaşlarına minnətdarlıq edir.

Yardımlı rayon sakinləri Məmmədağa Hüseynov, Gülağa Adışov, Əhliman Bədirov, Telman Mirzəyev  və Saleh Babayev öz təşəkkür məktublarında DİN rəhbərliyinin bölgələrdə vətəndaşlarla görüşünün keçirilməsinə və müraciətlərin müsbət həllini tapmasına görə minnətdarlıqlarını bildirirlər.

Səbail rayon sakini Tariyev Əhmədzadə öz təşəkkür məktubunda mülki öhdəlikdən yayındığı üçün axtarışda olan şəxsin Cəlilabad Rayon Polis Şöbəsinin əməkdaşları tərəfindən saxlanılaraq aidiyyəti üzrə təhvil verilməsinə görə minnətdarlığını bildirir.

Cəlilabad rayon sakini Kənan Nağdıyev öz təşəkkür məktubunda bölgələrdə vətəndaşlarla görüşlərin təşkil olunmasına, vətəndaşların diqqətlə dinlənilərək, müraciətlərinin həlli ilə bağlı göstərişlərin verilməsinə görə DİN rəhbərliyinə minnətdarlığını bildirir.

Astara rayon sakini Kamil Rzazadə DİN rəhbərliyinə ünvanladığı təşəkkür məktubunda şəhid ailələri, qazilər və müharibə iştirakçılarına göstərilən diqqət və qayğıya görə Astara Rayon Polis Şöbəsinin rəhbərliyinə minnətdarlığını bildirir.

Astara rayon sakini Mədinə Mikayılova bank kartından edilən oğurluqla bağlı müraciətinin Astara RPŞ-də obyektiv şəkildə araşdırılmasına və dəymiş maddi ziyanın tam şəkildə ödənilməsinin təmin edilməsinə görə məmnunluğunu ifadə edir.

Şəki rayon sakini Rəhman Yusifov xidməti vəzifələrini layiqincə yerinə yetirdiklərinə görə Şəki ŞRPŞ-nin əməkdaşlarına minnətdarlığını bildirir.

Qəbələ rayon sakini Ramil Soltanzadə müraciətinin müsbət həll olunmasına görə DİN rəhbərliyinə minnətdarlığını bildirir.