Vətəndaşlar Nurlan Həsənov, Ceyhun Əhmədov, Natiq Mədətov, Xurşud Zeynalov, Təranə Əliyeva, Hacımurad Dadaşov, Elvin Məlikov və İlahə Səfərova DİN rəhbərliyinə ünvanladıqları təşəkkür məktublarında ictimai qaydanın və təhlükəsizliyin təmin olunmasında, hüquqazidd əməllərin qarşısının alınmasında, o cümlədən narkotiklərin qanunsuz dövriyyəsinə qarşı mübarizədə xidməti vəzifə borclarını layiqincə yerinə yetirdiklərinə, fədakarlıq nümayiş etdirdiklərinə görə Azərbaycan polisinə minnətdarlıqlarını bildirirlər.

Vətəndaşlar Şəbnəm Kərimova, Samirə Babayeva, Mirbaba Babayev, Ağaseyid Məmmədov, Laçın Nəcəfov, Mais Aleskerov, Mətləb Heydərov və Ruslan Məlikməmmədovun etdikləri müraciətlər üzrə onlara müvafiq köməklik göstərildiyini bildirirlər. Onlar, vətəndaş müraciətinə həssas yanaşılmasına görə Azərbaycan polisinə və Quba RPŞ-nin əməkdaşlarına minnətdarlıqlarını bildirirlər.

Vətəndaşlar Elvira Ağarzayeva, Hikmət Manafov və Kamran Hüseynov xidməti vəzifələrini və peşə fəaliyyətlərini layiqincə yerinə yetirdiklərinə görə başda DİN rəhbərliyi olmaqla Quba RPŞ-nin əməkdaşlarına minnətdarlıqlarını bildirirlər.

Sumqayıt şəhər sakini Pərviz Məmişov xidməti vəzifələrini layiqincə yerinə yetirmələrinə, vətəndaş və media müraciətlərinə həssaslıqla yanaşmalarına, eləcə də obyektiv və operativ fəaliyyətlərinə görə Sumqayıt Şəhər Polis İdarəsinin əməkdaşlarına təşəkkürünü bildirir.

Şəhid atası Əli Adıgözəlov tanıdığı şəxslə aralarında yaranan narazılığın obyektiv araşdırılaraq həll olunmasına, şəhid ailəsinə göstərilən diqqət və qayğıya görə Bakı Şəhər Baş Polis idarəsinin rəhbərliyinə minnətdarlıq edir.

Sosial şəbəkə istifadəçisi Gülnarə Əhmədova işlədiyi müəssisədən əməkhaqqını ala bilməməsi ilə bağlı müraciətinə dərhal baxılaraq müsbət həllini tapmasına görə Nərimanov RPİ-nin 18-ci Polis Şöbəsinin kollektivinə təşəkkürünü bildirir.

Vətəndaş Afər Allahverdiyev bir şəxslə bağlı etdiyi şikayətinə obyektiv baxılaraq dəymiş maddi ziyanın ödənilməsi təmin edildiyinə görə Nizami RPİ-nin 25-ci PB-nin əməkdaşlarına minnətdarlığını bildirir.

Vətəndaş Namil Əliyev nəqliyyat vasitəsilə bağlı müraciətinə baxılaraq ona lazımi köməklik göstərildiyinə görə Naxçıvan Şəhər Polis İdarəsinin rəhbərliyinə təşəkkür edir.

Sosial şəbəkə istifadəçisi Türkan Məmmədova müraciətinə dərhal baxılaraq ona müvafiq köməklik göstərildiyinə görə Xətai Rayon Polis İdarəsinin 37-ci Polis Şöbəsinin kollektivinə təşəkkürünü bildirir.