Vətəndaş Hüseyn Süleymanlı DİN-ə  yazdığı təşəkkür məktubunda müraciəti üzrə göstərdikləri köməkliyə görə Nəsimi Rayon Polis İdarəsinin əməkdaşlarına minnəttarlığını bildirir.

Vətəndaş Murad Məmmədov DİN-in “Facebook” səhifəsinə mesajında üzləşdiyi problemlə bağlı müraciət etdiyini, polis əməkdaşlarının müraciətinə operativ şəkildə baxdığını yazır. O, müraciətinə həssas yanaşılmasına, göstərilən diqqətə və görülmüş tədbirlərlə probleminin qısa müddətdə aradan qaldırılmasına görə Binəqədi RPİ 4-cü Polis Şöbəsinin əməkdaşlarına minnətdarlığını bildirir, çətin və şərəfli xidmətlərində uğurlar arzulayır. 

Vətəndaş Günel Abdullayeva DİN-in “Instagram” səhifəsinə təşəkkür mesajı yazıb. O, müraciətinə operativ baxılaraq qısa müddətdə müsbət həll olunmasına görə Xətai Rayon Polis İdarəsinin 37-ci Polis Şöbəsinin əməkdaşlarına minnəttarlığını bildirir.

Vətəndaş Elçin Əliyev DİN-in “Facebook” səhifəsinə təşəkkür mesajı yazıb. O, müraciətinə operativ baxılaraq qısa müddətdə müsbət həll olunmasına görə Səbail Rayon Polis İdarəsinin 41-ci Polis Şöbəsinin əməkdaşlarına minnəttarlığını bildirir.

Vətəndaş Balaəmi Abdulov DİN-ə məktubunda xidməti vəzifələrini layiqincə yerinə yetirən Azərbaycan polisinə təşəkkürünü bildirir, çətin və şərəfli xidmətlərində onlara uğurlar arzulayır. 

Vətəndaş M.Mirbabayev DİN-ə yazdığı məktubda baş vermiş yol-nəqliyyat hadisəsi ilə bağlı aparılan operativ araşdırmaya görə Azərbaycan polisinə əməkdaşlarına minnətdarlığını ifadə edir.

Astara rayonunun Ərçivan kənd sakini, Vətən müharibəsi iştirakçısı olan Elvin Nəsirov məktubunda Azərbaycan Respublikasının daxili işlər naziri tərəfindən keçirilən vətəndaş qəbullarında vətəndaş müraciətlərinə, o cümlədən şəhid, qazi ailələri, veteranların müraciətlərinə xüsusi həssaslıqla yanaşılmasına, göstərilən diqqət və qayğıya görə DİN rəhbərliyinə minnətdarlığını bildirir. 
O, həmçinin Astara rayonu ərazisində ictimai asayişin etibarlı qorunmasına, cinayətkarlığa qarşı aparılan qətiyyətli mübarizə tədbirlərinə, polis əməkdaşlarının humanistliyinə və vətəndaş müraciətlərinə həssas yanaşılmasına görə Astara Rayon Polis Şöbəsinin əməkdaşlarına təşəkkürünü bildirir, çətin və şərəfli xidmətlərində uğurlar arzulayır.

Vətəndaş Nəbi Məmmədov müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödənilməsində göstərilən köməkliyə görə DİN rəhbərliyinə və Nərimanov RPİ-nin 18-ci Polis Şöbəsinin əməkdaşlarına minnətdarlığını bildirir.

Vətəndaş Şəfəq Zeynalova müraciətinə həssas yanaşıldığına və göstərilən köməkliyə görə DİN rəhbərliyinə və Naxçıvan Şəhər Polis İdarəsinin əməkdaşlarına minnətdarlığını bildirir.