Babək rayon sakini Səlim Əliyev müraciətinin müsbət həllinə görə Azərbaycan polisinə təşəkkürünü bildirir.

Bakı şəhər sakini Fatimə Cəbrayılova DİN-in “Instagram” səhifəsinə təşəkkür mesajı ünvanlayıb: “08.11.2024-cü il tarixdə Səbail Rayon Polis İdarəsinin 39-cu Polis Bölməsinə müraciət edərək mənə məxsus pul vəsaitinin taksi tərəfindən ünvana çatdırılmaması barədə məlumat vermişəm. Polis əməkdaşlarının operativ və cəld reaksiyası nəticəsində mənə dəymiş ziyan tam həcmdə ödənildi. Səbail RPİ-nin əməkdaşlarına təşəkkürümü bildirirəm, gələcək fəaliyyətində uğurlar arzu edirəm”.

Vətəndaşlar - Elnur Ələkbərov və Müjgan Bayramova DİN-in “Instagram” səhifəsinə ünvanladıqları təşəkkür  mesajlarında paytaxtın Nərimanov rayonu ərazisində baş vermiş yol-nəqliyyat hadisəsi zamanı polis əməkdaşları tərəfindən onlara hüquqi izahın verildiyini və köməklik göstərildiyini qeyd edərək diqqət və qayğıya görə DİN rəhbərliyinə və Nərimanov Rayon Polis İdarəsinin əməkdaşlarına təşəkkürlərini bildirirlər.

Bakı şəhər sakini Samirə Nurullayeva DİN-in “Instagram” səhifəsinə təşəkkür mesajı ünvanlayıb: “21.11.2024-cü il tarixində şəxsiyyət vəsiqəmi və tələbə biletimi itirmişdim. 23.11.24-cü il tarixində Nərimanov Rayon Polis İdarəsinin 16-cı Polis Şöbəsinin əməkdaşları itirdiyim şəxsiyyət vəsiqəsi və tələbə biletini mənə təhvil verdilər. Buna görə də DİN rəhbərliyinə və Nərimanov Rayon Polis İdarəsinin əməkdaşlarına təşəkkürümü bildirirəm”.

Bakı şəhər sakini Vüqar İsmayılov DİN-in “Instagram” səhifəsinə ünvanladığı təşəkkür  mesajında üzləşdiyi dələduzluq faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə və Nərimanov Rayon Polis İdarəsinin əməkdaşlarına minnətdarlığını bildirir.

Vətəndaş Orxan Əsgərli öz təşəkkür məktubunda xidməti vəzifələrini layiqincə yerinə yetirdiklərinə və ictimai asayişin etibarlı şəkildə qorunmasına görə Cəlilabad Rayon Polis Şöbəsinin əməkdaşlarına minnətdarlığını bildirir.

Cəlilabad rayon sakini Əliqənbər Əliyev öz təşəkkür məktubunda xidməti vəzifələrini layiqincə yerinə yetirdiyinə, şəhid ailələri və qazilərə göstərilən diqqətə görə DİN rəhbərliyinə minnətdarlığını bildirir.

Vətəndaş Məmmədhüseyn Ağayev DİN-in rəsmi “facebook” səhifəsinə yazdığı məktubunda peşə fəaliyyətinin öhdəsindən peşəkarlıqla gəldiyinə, rayon ərazisində asayişin etibarlı şəkildə təmin olunmasına və cinayətkarlıqla mübarizə sahəsində atılan qətiyyətli addımlara görə Biləsuvar Rayon Polis Şöbəsinin rəisinə minnətdarlığını ifadə edir.

Vətəndaş Səidə Salayeva müraciətinə çevik reaksiya verilməsinə, məsələnin müsbət həllini tapmasına və vətəndaş məmnunluğunun təmin olunmasına görə Binəqədi RPİ-nin 43-cü polis bölməsinin əməkdaşlarına öz təşəkkürünü bildirir.