Vətəndaş Almaz Məlikova DİN-in “Instagram” səhifəsinə təşəkkür mesajı yazıb. O, müraciətinin müsbət həll olunmasına görə Pirallahı Rayon Polis İdarəsinin əməkdaşlarına təşəkkürünü bildirir.

Vətəndaş Nigar Əskərzadə DİN-in “Instagram” səhifəsinə təşəkkür mesajı yazıb. O, baş vermiş yol-nəqliyyat hadisəsi ilə əlaqədar aparılan obyektiv araşdırmalara görə Nərimanov Rayon Polis İdarəsinin əməkdaşlarına təşəkkürünü bildirir.

Vətəndaş Rüfət Bəkirov DİN-in “Instagram” səhifəsinə təşəkkür mesajı yazıb. O, müraciəti üzrə həyata keçirilən tədbirlərə görə Azərbaycan polisinə minnətdarlığını bildirir.

Astara rayon sakini Aslan Məmmədov öz məktubunda xidməti vəzifələrinin və peşə fəaliyyətinin öhdəsindən layiqincə gəldiklərinə, vətəndaşlara göstərilən diqqətə və qayğıya, humanistliyə görə Astara Rayon Polis Şöbəsinin rəhbərliyinə və şöbənin təhqiqat bölməsinin əməkdaşlarına təşəkkürünü bildirir.

Bakı şəhər sakini Rövşən Novruzov DİN-in “Instagram” səhifəsinə yazdığı mesajında lazımi köməkliyin göstərilməsinə və onu narahat edən problemin müsbət həllini tapmasına görə Biləsuvar Rayon Polis Şöbəsinin əməkdaşlarına təşəkkürünü bildirir.

Vətəndaş Elvin Nəsirov DİN-in “Facebook” səhifəsinə yazdığı mesajında Lerik rayonuna yağan güclü qar və əlverişsiz hava şəraitində polis əməkdaşlarının fasiləsiz və fədakar xidmət apardıqlarını, istər şəhər mərkəzində, istərsə də ucqar dağlıq yaşayış məntəqələrində çətinliklə üzləşən vətəndaşların müraciətlərinə çevik reaksiya verildiyini, lazımi köməkliyin göstərildiyini yazır. Aparılan nümunəvi xidmətə görə Lerik Rayon Polis Şöbəsinin əməkdaşlarına təşəkkürünü bildirir.

Cəlilabad rayon sakini Faba Nuriyev müraciəti ilə əlaqədar Rayon Polis Şöbəsinin rəhbərliyi tərəfindən qəbul edilməsinə və ona lazımi köməyin göstərilməsinə görə təşəkkürünü bildirir.

Bakı şəhər sakini Fatimə Səfərova Daxili İşlər Nazirliyinə ünvanladığı məktubunda üzləşdiyi onlayn dələduzluq faktı ilə bağlı müraciəti əsasında aparılan araşdırmalarla ona dəymiş maddi ziyanın ödətdirilməsində göstərilən köməkliyə görə DİN-in rəhbərliyinə və Suraxanı Rayon Polis İdarəsinin əməkdaşlarına təşəkkürünü bildirir.

Bakı şəhər sakini Mehriban Zeynalova Daxili İşlər Nazirliyinə ünvanladığı məktubunda övladının səhhəti ilə bağlı müraciət etdiyi DİN-in Tibb İdarəsinin Arif Heydərov adına Respublika Hospitalında göstərilən peşəkar tibbi xidmətə görə DİN-in rəhbərliyinə və hospitalın əməkdaşlarına təşəkkürünü bildirir.