Naxçıvan Muxtar Respublikası Şərur rayon sakini Zakir Bayramov Azərbaycan Respublikasının Daxili İşlər Nazirliyinə ünvanladığı teleqramda müharibə veteranı vəsiqəsi ilə təmin olunması ilə bağlı müraciətinə obyektiv baxılaraq müsbət həll olunduğuna görə Azərbaycan Respublikası Daxili İşlər Nazirliyinin və Naxçıvan Muxtar Respublikası Daxili İşlər Nazirliyinin rəhbərliklərinə minnətdarlığını bildirir.

Zərdab rayon sakinləri Murad Nüsrətli və Laçın Əsədov DİN-ə ünvanladıqları təşəkkür məktublarında xidməti vəzifələrini və peşə fəaliyyətini layiqincə yerinə yetirdiyinə görə DİN rəhbərliyinə minnətdarlıqlarını bildirirlər.

Vətəndaş Əzizə Ağayeva DİN-in “Instagram” səhifəsinə təşəkkür mesajı yazıb. O, səhifə vasitəsilə etdiyi müraciətinə çevik reaksiya verildiyini və görülmüş tədbirlərlə müraciətinin qısa müddətdə müsbət həll olunduğunu qeyd edir, göstərilən diqqətə və operativliyə görə DİN rəhbərliyinə minnətdarlığını bildirir, çətin və şərəfli xidmətində Azərbaycan polisinə uğurlar arzulayır. 

Vətəndaş Günel Zahidova DİN-in “Instagram” səhifəsinə təşəkkür mesajı yazıb. O, səhifə vasitəsilə etdiyi müraciətinə çevik reaksiya verilməsinə və Səbail RPİ-nin 41-ci Polis Bölməsinin əməkdaşları tərəfindən görülmüş tədbirlərlə müraciətinin qısa müddətdə müsbət həll olunmasına görə DİN rəhbərliyinə, Səbail Rayon Polis İdarəsinin və 41-ci Polis Bölməsinin əməkdaşlarına təşəkkürünü bildirir.

Vətəndaş Vüqar Həsənov DİN-in “Instagram” səhifəsinə təşəkkür mesajı yazıb. O, Xətai Rayon Polis İdarəsinə etdiyi müraciətinə diqqətlə yanaşıldığını, aparılan obyektiv araşdırma nəticəsində qısa müddətdə müsbət həll olunduğunu qeyd edərək həmin polis idarəsinin əməkdaşlarına təşəkkürünü bildirir. 

Yevlax rayon sakini Mustafa Mustafayev müraciətində xidməti fəaliyyətini peşəkarlıqla yerinə yetirən Baş Narkotiklərlə Mübarizə  İdarəsinin əməkdaşlarına minnətdarlığını bildirir.

Bakı şəhər sakini Elman Mehdiyev göstərilən diqqət və qayğıya görə DİN rəhbərliyinə və  Ağdam RPŞ-nin əməkdaşlarına təşəkkür edir.

Zərdab rayon sakini Səyavuş Muradov Daxili İşlər Nazirliyinə bir neçə həmkəndlisi adından ünvanladığı təşəkkür məktubunda xidməti vəzifələrini və peşə fəaliyyətini layiqincə yerinə yetirdiklərinə, eləcə də şəhid ailələrinə göstərilən diqqət və qayğıya görə başda DİN rəhbərliyini olmaqla, Zərdab RPŞ-nin rəhbərliyinə və əməkdaşlarına minnətdarlığını bildirir.

Bakı şəhər sakini Telli Geidarov məktubunda Bakı Şəhər Baş Polis İdarəsində aparılan obyektiv araşdırma nəticəsində müraciətinin qısa müddətdə müsbət həll olunduğunu qeyd edir, göstərilən diqqətə, operativliyə və obyektivliyə görə DİN rəhbərliyinə və Bakı Şəhər Baş Polis İdarəsinin əməkdaşlarına təşəkkürünü bildirir.