Vətəndaş Orxan Məmmədov onu narahat edən məsələyə hüquqi qiymət verilərək müsbət həll olunmasında əməyi olan Azərbaycan Polisinə təşəkkürünü ifadə edir.

Vətəndaş Asif Əliyev ictimai asayişin və təhlükəsizliyin təmin olunmasında Xəzər RPİ Post-Patrul Xidməti Bölüyünün şəxsi heyətinin fəaliyyətindən razılığını bildirir. 

Bakı şəhər sakini Elfirida Cəlilova üzləşdiyi dələduzluqla bağlı etdiyi müraciətə operativ reaksiya verilərək qısa zaman kəsiyində həll olunmasında, eləcə də dəymiş maddi ziyanın ödətdirilməsində ona göstərdikləri köməkliyə görə Nərimanov RPİ-nin rəhbərliyinə minnətdarlığını yazır. 

Sosial şəbəkə istifadəçisi Turan Məmmədli etibarından sui-istifadə edilərək pulunun mənimsənilməsi barədə müraciətinə operativ baxılaraq ona göstərilən köməkliyə görə Nəsimi RPİ-nin əməkdaşlarına təşəkkürünü bildirir.

Sosial şəbəkə istifadəçisi Hicran Abbasova müraciətinə operativ baxılaraq hüquqlarının qorunmasında ona göstərdikləri köməkliyə görə Xətai RPİ-nin əməkdaşlarına təşəkkürünü  bildirir. 

Vətəndaş Ruslan Məmmədəliyev ictimai asayişin və təhlükəsizliyin təmin olunmasında, hüquqazidd əməllərin qarşısının alınmasında, vətəndaşların qanuni mənafelərinin, eləcə də hüquq və azadlıqlarının etibarlı qorunmasında xidməti vəzifə borclarını layiqincə yerinə yetirdiklərinə görə Azərbaycan Polisindən razılığını ifadə edir.

Sosial şəbəkə istifadəçisi Vüqar Əyyubzadə yol-nəqliyyat hadisəsi ilə bağlı üzləşdiyi problemin həllində ona göstərilən köməkliyə görə Nərimanov RPİ-nin əməkdaşlarına təşəkkürünü yazır. 

Sosial şəbəkə istifadəçisi Nərgiz Nəsirova ona dəyən maddi ziyanın ödətdirilməsində göstərilən köməkliyə görə Səbail RPİ-nin əməkdaşlarına minnətdarlığını bildirir. 

Bakı şəhər sakini Aysən Rzayeva mobil telefonunun oğurlanması ilə əlaqədar müraciətinə operativ reaksiya verildiyini, qısa zamanda cinayəti törədən şəxsin saxlanılaraq məsuliyyətə cəlb olunduğunu, eləcə də işlək vəziyyətdə ona qaytarıldığını yazır və buna görə Nəsimi RPİ 20-ci Polis Bölməsinin əməkdaşlarına təşəkkürünü ifadə edir.