Vətəndaş Emin Mehdizadə övladına məxsus elektrikli velosipedin oğurlanması ilə bağlı Nəsimi RPİ-nin 19-cu Polis Şöbəsinə müraciət etdiyini bildirir. O, polis əməkdaşları tərəfindən keçirilən operativ tədbirlərlə qısa müddətdə bu cinayətin üstünün açıldığını və ona dəymiş maddi ziyanın tam ödətdirildiyini qeyd edir.

Vətəndaş Nahid Qədirov itirdiyi pul kisəsi ilə bağlı Xətai Rayon Polis İdarəsinin 37-ci Polis Şöbəsinə etdiyi müraciətə operativ baxıldığını, araşdırma aparılmaqla qısa zamanda tapılaraq ona təhvil verildiyini yazır. O, müraciətinin müsbət həll olunduğunu qeyd edərək DİN rəhbərliyinə minnətdarlığını bildirir.

Əcnəbi vətəndaş Nəzrin Asgharpoursalamat müraciətinə həssaslıqla yanaşılmasına, göstərilən diqqət və qayğıya, eyni zamanda operativliyə görə DİN rəhbərliyinə minnətdarlığını bildirir.

Şərur rayon sakini Tural Əhmədov Daxili İşlər Nazirliyinə ünvanladığı məktubunda gecə-gündüz yorulmadan xidmət edən, cinayətkarlıqla qətiyyətli mübarizə aparan, ictimai asayişi ayıq-sayıq qoruyan və xidməti vəzifələrini layiqincə yerinə yetirən Azərbaycan polisinə minnətdarlığını bildirir, çətin və şərəfli xidmətlərində uğurlar arzulayır.  

Vətəndaş Lalə Sultanova “Instagram” sosial şəbəkəsindəki hesabından Azərbaycan polisinə təşəkkür mesajı yazıb. O, Baş Dövlət Yol Polisi İdarəsinin İmişli rayonunda yerləşən qeydiyyat-imtahan və texniki baxış şöbəsinə getdiyini, qısa müddətdə probleminin aradan qaldırıldığını qeyd edir. L.Sultanova vətəndaşların rahatlığı üçün yaradılan şəraitə və göstərilən xidmətə görə polis əməkdaşlarına təşəkkürünü bildirir. 

Şəhid ailəsi üzvü olan Natavan Cəfərova ictimai asayişin və ictimai təhlükəsizliyin təmin olunmasına görə DİN rəhbərliyinə və xidməti vəzifələrini layiqincə yerinə yetirən Nəsimi Rayon Polis İdarəsinin əməkdaşlarına təşəkkürünü bildirir, çətin və şərəfli xidmətlərində uğurlar arzulayır.

Hindistan Respublikasının vətəndaşı Mücəvər Hüseyn Daxili İşlər Nazirliyinin “İnstagram” səhifəsinə təşəkkür mesajı yazaraq mobil telefonunun itməsi ilə bağlı etdiyi müraciətinə operativ reaksiya verilməsinə və müsbət həll olunmasına görə başda DİN rəhbərliyi olmaqla, Səbail RPİ-nin rəhbərliyinə və əməkdaşlarına təşəkkür edir.

Vətəndaş Fərid Həsənəliyev və İlmar Məmmədov Daxili İşlər Nazirliyinin “İnstagram” səhifəsinə təşəkkür mesajları yazaraq xidməti vəzifələrini və peşə fəaliyyətlərini layiqincə yerinə yetirdiklərinə görə başda DİN rəhbərliyi olmaqla, Nərimanov RPİ-nin rəhbərliyinə və əməkdaşlarına təşəkkür edirlər.

Zərdab rayon sakini Şəfəq Səfərəliyeva DİN-ə ünvanladığı təşəkkür məktubunda xidməti vəzifələrini və peşə fəaliyyətlərini layiqincə yerinə yetirdiklərinə görə DİN rəhbərliyinə təşəkkür edir.