Bakı şəhər sakini Zərifə Dadaşova teleqramında nəqliyyat vasitəsinin qaçırılması ilə bağlı müraciətinə çevik reaksiya verilməsinə və keçirilən operativ tədbirlərlə avtomobilinin qısa müddətdə tapılmasına görə DİN rəhbərliyinə və 8-ci Polis Bölməsinin əməkdaşlarına minnətdarlığını bildirir. 

Ağcabədi rayon sakini Elçin Cəfərov məktubunda Nəsimi Rayon Polis İdarəsində aparılan obyektiv araşdırma nəticəsində müraciətinin müsbət həll edilməsini qeyd edir, göstərilən diqqətə və obyektivliyə görə Nəsimi Rayon Polis İdarəsinin əməkdaşlarına təşəkkürünü bildirir. 

Yardımlı rayon sakini Nazim Sultanov teleqramında Masallı Rayon Polis Şöbəsində aparılan obyektiv araşdırma nəticəsində müraciətinin qısa müddətdə müsbət həll olunduğunu və ona dəymiş maddi ziyanın tam ödətdirildiyini qeyd edir. O, müraciətinə diqqətlə yanaşılmasına, göstərilən diqqətə və operativliyə görə DİN rəhbərliyinə və Masallı Rayon Polis Şöbəsinin əməkdaşlarına təşəkkürünü bildirir.

Gəncə şəhər sakini Bayram Bayramov müraciəti ilə əlaqədar Yasamal Rayon Polis İdarəsində aparılan araşdırmanın nəticəsindən razılığını bildirir, obyektivliyə və operativliyə görə DİN rəhbərliyinə və Yasamal Rayon Polis İdarəsinin əməkdaşlarına təşəkkürünü bildirir. 

Bakı şəhər sakini Mehdi Həmidov Bakı Şəhər Baş Polis İdarəsində aparılan araşdırma nəticəsində müraciətinin müsbət həll edildiyini qeyd edir. O, müraciətinə diqqətlə yanaşılmasına, obyektiv araşdırmaya və həyata keçirilən operativ tədbirlərə görə Bakı Şəhər Baş Polis İdarəsinin əməkdaşlarına təşəkkürünü bildirir. 

Vətəndaş Rəşad Məmmədov DİN-in “Instagram” səhifəsinə mesajında Nərimanov Rayon Polis İdarəsində aparılam araşdırma nəticəsində müraciətinin müsbət həll olunduğunu yazır. O, müraciətinə diqqətlə yanaşılmasına, obyektiv araşdırmaya və dəymiş maddi ziyanın ödətdirilməsində göstərilən köməkliyə görə Nərimanov Rayon Polis İdarəsinin əməkdaşlarına təşəkkürünü bildirir. 

Vətəndaş Anand Shreedhar DİN-in “Instagram” səhifəsinə mesajında mobil telefonunu itirməsi ilə bağlı Nizami RPİ-nin 23-cü Polis Bölməsinə müraciət etdiyini, polis əməkdaşlarının operativliyi sayəsində telefonunun tapılaraq ona təhvil verildiyini yazır. O, müraciətinə çevik reaksiya verilməsinə və operativliyə görə 23-cü Polis Bölməsinin əməkdaşlarına minnətdarlığını bildirir.  

Sosial şəbəkə istifadəçisi Samirə Məmmədova ona dəymiş maddi ziyanın ödətdirilməsində göstərilən köməkliyə görə Nəsimi RPİ-nin əməkdaşlarına minnətdarlığını bildirir.

Sosial şəbəkə istifadəçisi Ləman Əliyeva üzləşdiyi problemin müsbət həll olunmasında göstərdikləri köməkliyə görə Yasamal RPİ 26-cı Polis Bölməsinin əməkdaşlarına təşəkkürünü ifadə edir.