Vətəndaş Xəyalə Alyarova qonşusu ilə bağlı müraciətinə operativ reaksiya verilməsinə və göstərilən peşəkar xidmətə görə DİN rəhbərliyinə və Pirallahı Rayon Polis İdarəsinin əməkdaşlarına təşəkkürünü bildirir, onlara xidmətlərində uğurlar arzulayır.

Bakı şəhər sakini Murad Yusifli Daxili İşlər Nazirliyinə ünvanladığı elektron müraciətində bildirir ki, üzləşdiyi problem aidiyyəti üzrə qısa müddətdə araşdırılıb. Müraciətinə obyektiv, operativ və peşəkar yanaşılmasından razı qaldığını bildirən vətəndaş DİN rəhbərliyinə və Baş Dövlət Yol Polisi İdarəsinin əməkdaşlarına təşəkkürünü bildirir.

Vətəndaş Elnurə Əhmədova DİN-in “Instagram” sosial şəbəkəsi hesabına yazdığı mesajında müraciəti ilə bağlı polis əməkdaşları tərəfindən operativ araşdırma aparıldığını və qanunvericiliyə uyğun tədbirlər görüldüyünü qeyd edir. O, göstərilən diqqətə görə DİN rəhbərliyinə və polis əməkdaşlarına təşəkkür edir. 

Vətəndaş Emil Əliyev müraciəti üzrə göstərilən diqqətə və operativ araşdırmaya görə DİN rəhbərliyinə və  Naxçıvan Muxtar Respublikasının Daxili İşlər Nazirliyinə minnətdarlığını bildirir, polis əməkdaşlarına xidmətlərində uğurlar arzulayır.

Vətəndaş Elçin Əlimərdanov “DİN-in “Instagram” sosial şəbəkəsi hesabına yazdığı mesajında Naxçıvan Şəhər Polis İdarəsinə etdiyi müraciətinə qısa müddətdə baxıldığını, məsələyə operativ və diqqətli yanaşıldığını qeyd edir. Vətəndaş müraciətinə göstərilən həssas münasibətə və operativliyə görə DİN rəhbərliyinə və Naxçıvan Şəhər Polis İdarəsinin rəhbərliyinə təşəkkürünü bildirir.

Vətəndaş Gülnar Həsənova DİN-in “Instagram” səhifəsinə ünvanladığı mesajında Nərimanov rayonu ərazisində üzləşdikləri yol-nəqliyyat hadisəsi ilə bağlı Nərimanov RPİ-nin Təhqiqat Şöbəsində aparılan araşdırmadan razı qaldığını, əməkdaşların ona müvafiq köməklik göstərdiklərini qeyd edərək minnətdarlığını bildirir. Aparılan obyektiv araşdırmaya görə DİN rəhbərliyinə və Nərimanov Rayon Polis İdarəsinə təşəkkürünü bildirir.

Vətəndaş Kənan Əsədov DİN-in “Instagram” səhifəsinə ünvanladığı mesajında Nərimanov rayonu ərazisində üzləşdikləri yol-nəqliyyat hadisəsi ilə bağlı Nərimanov RPİ-nin Təhqiqat Şöbəsində aparılan araşdırmadan razı qaldığını, əməkdaşların ona müvafiq köməklik göstərdiklərini qeyd edərək minnətdarlığını bildirir. Aparılan obyektiv araşdırmaya görə DİN rəhbərliyinə və Nərimanov Rayon Polis İdarəsinə təşəkkürünü bildirir.

Vətəndaş Əfsanə İmanova “Facebook” sosial şəbəkəsi vasitəsilə etdiyi müraciətində baş vermiş yol-nəqliyyat hadisəsi ilə bağlı Nərimanov Rayon Polis İdarəsində aparılan araşdırmanın iştirakçısı olduğunu bildirir. O qeyd edir ki, araşdırma obyektiv və peşəkar şəkildə aparılıb. Göstərilən diqqətə və peşəkar fəaliyyətə görə DİN rəhbərliyinə və Nərimanov Rayon Polis İdarəsinin rəhbərliyinə təşəkkürünü bildirir.

Vətəndaş Mədinə Məmmədova DİN-in “Instagram” səhifəsinə təşəkkür mesajı ünvanlayıb: “Mənə qarşı törədilmiş oğurluq əməlinə görə Nəsimi Rayon Polis İdarəsinin 22-ci Polis Şöbəsinə ərizə ilə müraciət etmişdim. Bildirirəm ki, Nəsimi RPİ-nin 22-ci PŞ-də aparılan təhqiqat araşdırması nəticəsində mənə dəymiş ziyan ödətdirilmişdir. Buna görə DİN rəhbərliyinə və Nəsimi Rayon Polis İdarəsinə təşəkkürümü bildirirəm. Var olsun, Azərbaycan polisi!”.