Vətəndaş Ülkər Niftullayeva DİN-in “Instagram” səhifəsinə yazdığı təşəkkür mesajında üzləşdiyi dələduzluq faktı ilə bağlı Nəsimi Rayon Polis İdarəsinə müraciət etdiyini bildirir. Müraciətinin obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə və Nəsimi Rayon Polis İdarəsinin əməkdaşlarına minnətdarlığını bildirir.

Vətəndaş Mətanət Mərifət-Xeyran DİN-in “Instagram” səhifəsinə təşəkkür mesajı ünvanlayıb: “Üzləşdiyim problemlə bağlı polisə müraciət etmişdim. Nəsimi Rayon Polis İdarəsinin 21-ci Polis Bölməsinin əməkdaşları işimə tez, operativ və obyektiv şəkildə baxdılar. Şikayətim tezliklə təmin olundu. Göstərilən köməkliyə görə DİN-in və Nəsimi RPİ-nin rəhbərliyinə, həmçinin zəhmət çəkən bütün polis əməkdaşlarına dərin minnətdarlığımı və təşəkkürümü bildirirəm. Yaşasın, Azərbaycan polisi!”.

Bakı şəhər sakini Jalə Atayeva etdiyi müraciətinə operativ reaksiya verilməsinə və müsbət həll olunmasına görə DİN rəhbərliyinə təşəkkür edir.

Sabirabad rayon sakini Mahir Abdullayev etdiyi müraciətinin müsbət həll olunmasına görə DİN rəhbərliyinə təşəkkür edir.

Ağcabədi rayon sakini Rəşad Cəfərov DİN-in “Instagram” səhifəsinə yazdığı mesajında müraciətinə həssas yanaşılmasına, Bərdə Rayon Polis Şöbəsinin rəhbərliyi tərəfindən qəbul edilərək ona lazımi köməyin göstərilməsinə görə təşəkkürünü bildirir.

Biləsuvar rayon sakini Mirzakir Ağalarov Daxili İşlər Nazirliyinə təşəkkür məktubu yazıb. O, DİN rəhbərliyi tərəfindən keçirilən vətəndaş qəbulu zamanı müraciətinin diqqətlə dinlənilməsinə və onu narahat edən məsələnin öz həllini tapmasına görə minnətdarlığını bildirir.

Ağcabədi rayon sakini Rüstəm Əsədov Daxili İşlər Nazirliyinə təşəkkür məktubu yazıb. O, dələduzluq yolu ilə maddi vəsaitinin ələ keçirilməsi barədə müraciətinə Ağcabədi Rayon Polis Şöbəsində operativ baxılmasına, əməli törədən şəxsin müəyyən olunaraq məsuliyyətə cəlb olunmasına və ona dəymiş maddi ziyanın tam şəkildə ödənilməsinin təmin olunmasına görə Azərbaycan polisinə təşəkkürünü bildirir.

Astara rayon sakini Rəvanə Məmmədova Daxili İşlər Nazirliyinə təşəkkür məktubu yazıb. O, xidməti vəzifələrinin öhdəsindən layiqincə gəldiyinə, vətəndaşlara diqqət və qayğı ilə yanaşılmasına, humanistliyə və yüksək peşəkarlığa görə Astara Rayon Polis Şöbəsinin rəhbərliyinə təşəkkürünü bildirir.

Mingəçevir şəhər sakinləri Hicran Qədirova və Gülnar Hüseynova müraciətlərinin obyektiv araşdırılmasına görə, Mingəçevir ŞPŞ-nin əməkdaşlarına minnətdarlıqlarını bildirirlər.