Sosial şəbəkə istifadəçisi Günel Həsənova üzləşdiyi dələduzluqla bağlı müraciətinə operativ baxılmasına və ona dəymiş maddi ziyanın tam ödətdirilməsinin təmin olunmasına görə Nərimanov RPİ-nin  18-ci PŞ-nin rəhbərliyinə təşəkkür edir.

Sosial şəbəkə istifadəçisi Aysel Haqverdiyeva çantasının və tabletinin oğurlanması ilə bağlı müraciətinə çevik reaksiya verilərək əməli törədən şəxsin müəyyən edilib saxlanılmasına və oğurlanan əşyalarının geri qaytarılmasına görə Nəsimi Rayon Polis İdarəsinin 20-ci Polis Şöbəsinin əməkdaşlarına minnətdarlığını bildirir.

Sosial şəbəkə istifadəçisi Şəmsi Nurullayev baş vermiş yol-nəqliyyat hadisəsi zamanı aparılan araşdırmadan razılıq edir  və göstərilən köməkliyə görə Nərimanov RPİ DYPŞ-nin kollektivinə təşəkkürünü bildirir.

Sosial şəbəkə istifadəçisi Sevinc Leleko xidməti vəzifələrini və peşə fəaliyyətlərini layiqincə yerinə yetirdiklərinə görə Pirallahı Rayon Polis İdarəsinin əməkdaşlarına minnətdarlıq edir.

Vətəndaş İlkanə Manafova DİN-in “Instagram” səhifəsinə ünvanladığı təşəkkür mesajında üzləşdiyi dələduzluq faktı ilə bağlı Nərimanov Rayon Polis İdarəsinin 16-cı Polis Şöbəsinə müraciət etdiyini bildirir. Müraciətinin obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN-in rəhbərliyinə və Nərimanov RPİ-nin 16-cı Polis Şöbəsinin əməkdaşlarına minnətdarlığını bildirir.

Şahbuz rayon sakini Səddam Qəhrəmanov Daxili İşlər Nazirliyinə təşəkkür məktubu ünvanlayıb: “Üzləşdiyim problemlə əlaqədar Şahbuz Rayon Polis Şöbəsinin əməkdaşları tərəfindən mənə göstərilən köməkliyə görə DİN-in rəhbərliyinə və rayon polis şöbəsinin əməkdaşlarına minnətdarlığımı bildirirəm”.

Vətəndaş Azər Mədətov DİN-in “Instagram” səhifəsinə təşəkkür mesajı ünvanlayıb: “10.02.2026-cı il tarixində yol-nəqliyyat hadisəsi baş vermişdi. Hadisə ilə bağlı Nərimanov Rayon Polis İdarəsinin Təhqiqat Şöbəsində aparılan araşdırmada iştirak etdim. Həmin müddətdə RPİ rəhbərliyi tərəfindən qəbul olundum, mənimlə ciddi şəkildə maraqlandılar və hüquqlarımı ətraflı şəkildə izah etdilər. Polis əməkdaşlarının vətəndaşla bu qədər səmimi və diqqətli davranmasının şahidi olmaq mənim üçün çox xoş oldu. Göstərilən qayğı və peşəkarlığa görə razılığımı bildirirəm. Bu münasibətlə Daxili İşlər Nazirliyinin əməkdaşlarına təşəkkür edirəm”.

Vətəndaş Kamil Aslanov DİN-in “Instagram” səhifəsinə təşəkkür mesajı ünvanlayıb: “Pul vəsaitimin ələ keçirilməsi barədə müraciətimə Nəsimi Rayon Polis İdarəsinin İstintaq Şöbəsində baxıldı və mənə dəymiş ziyan tam şəkildə ödənildi. Odur ki başda DİN-in rəhbərliyi olmaqla bütün polis əməkdaşlarına öz minnətdarlığımı bildirirəm”.

Bakı şəhər sakini Günel Ələkbərova Daxili İşlər Nazirliyinə ünvanladığı məktubunda üzləşdiyi hüquqazidd əməllərlə bağlı müraciətinə operativ reaksiya verildiyini qeyd edir. O, Bakı Şəhər Baş Polis İdarəsinə dəvət edildiyini, nəzakətlə qarşılanaraq dinlənildiyini və müraciətinə obyektiv baxılaraq müsbət həll edildiyini qeyd edir. 
G.Ələkbərova vətəndaş müraciətlərinə həssas yanaşılmasına, göstərilən diqqətə və operativliyə görə DİN-in rəhbərliyinə və Bakı Şəhər Baş Polis İdarəsinin əməkdaşlarına təşəkkürünü bildirir.