Bakı şəhər sakini Ramal Hətəmli Daxili İşlər Nazirliyinə ünvanladığı məktubunda üzləşdiyi dələduzluq faktı ilə bağlı müraciətinə operativ baxıldığına və ona dəymiş maddi ziyanın bir qisminin ödətdirilməsində göstərilən köməkliyə görə DİN-in rəhbərliyinə və Yasamal Rayon Polis İdarəsinin əməkdaşlarına minnətdarlığını bildirir. 

Abşeron rayon sakini Sima Zeynalova Daxili İşlər Nazirliyinə təşəkkür məktubu ünvanlayıb: “DİN-ə ünvanladığım müraciətlə bağlı Abşeron Rayon Polis İdarəsinin İstintaq Şöbəsində cinayət işi başlanıldı və zərərçəkmiş şəxs qismində tanındım. Bununla əlaqədar DİN-in və Abşeron RPİ-nin rəhbərliyinə minnətdarlığımı bildirirəm”.

Nigeriya Federativ Respublikasının vətəndaşı Muhammed Abdu DİN-in “Instagram” səhifəsinə təşəkkür mesajı ünvanlayıb: “Yolda olarkən çox stresli idim, çünki Ümumdünya Şəhərsalma Forumunun 13-cü sessiyasına (WUF13) gecikirdim. Lakin polis əməkdaşlarının köməyi sayəsində tədbirə vaxtında çatdım. Azərbaycan polisinə göstərdikləri köməyə görə təşəkkür edirəm”.

Vətəndaş Əli Sadiqov DİN-in “Instagram” səhifəsinə təşəkkür mesajı ünvanlayıb: “Nəqliyyat vasitəsi ilə bağlı köməklik göstərilməsi üçün Şahbuz Rayon Polis Şöbəsinə müraciət etmişdim. Müraciətimə dərhal reaksiya verildi, məsələ qısa müddətdə həllini tapdı. Göstərilən köməyə görə Azərbaycan polisinə minnətdarlığımı bildirirəm”. 

Vətəndaş Nail Nuriyev DİN-in “Instagram” səhifəsinə təşəkkür mesajı ünvanlayıb: “Övladımın səhhətində qəfil yaranmış ciddi problem səbəbindən onu təcili şəkildə xəstəxanaya çatdırmalı olduğum anda kömək üçün yol polisi əməkdaşlarına müraciət etdim. Vəziyyətin ciddiliyini anlayan polis əməkdaşları operativ reaksiya göstərərək hərəkətimizin təhlükəsiz və maneəsiz şəkildə təmin olunmasına köməklik etdilər. Məhz onların vaxtında göstərdiyi dəstək sayəsində övladım həkimlərə vaxtında çatdırıldı və sağlamlığı qorundu. Vətəndaşına ən çətin anda dayaq olan belə polis əməkdaşlarına və DİN-in rəhbərliyinə dərin minnətdarlığımı bildirirəm”.

Ayda Sevin Beyazpınar DİN-in “Instagram” səhifəsinə yazdığı mesajında onu narahat edən hallarla bağlı müraciəti ilə əlaqədar Səbail Rayon Polis İdarəsinin əməkdaşları tərəfindən müvafiq tədbirlərin görüldüyünü və həmin neqativ halların aradan qaldırıldığını qeyd edərək həyata keçirilən tədbirlərə görə Səbail RPİ-nin əməkdaşlarına təşəkkürünü bildirir.

Daşkəsən rayon sakini Ramin İbrahimov məktubunda müraciəti ilə əlaqədar həyata keçirilən tədbirlərə görə Azərbaycan polisinə təşəkkürünü bildirir.

Abşeron rayon sakini Fazil İsmayılov müraciətinin müsbət həll edilməsinə görə Abşeron Rayon Polis İdarəsinin əməkdaşlarına və DİN rəhbərliyinə təşəkkür edir.

Tərtər rayon sakini Elza Allahverdiyeva müraciətində peşə fəaliyyətini və xidməti vəzifələrini layiqincə yerinə yetirdiklərinə görə Tərtər Rayon Polis Şöbəsinin əməkdaşlarına və DİN rəhbərliyinə təşəkkür edir.