Vətəndaş Valeh Məmmədzadə ona məxsus əmlakın qanunsuz zəbt olunması ilə bağlı müraciətinin Lənkəran ŞRPŞ-də araşdırıldığını və onu narahat edən məsələnin müsbət həllini tapdığını bildirir. DİN rəhbərliyinə və Lənkəran Şəhər Rayon Polis Şöbəsinin əməkdaşlarına təşəkkürünü bildirir.

Masallı rayon sakini Əliməmməd Hüseynov öz məktubunda DİN-in Polis Akademiyasına qəbul olunmaq istəyən məktəblilər və onların valideynləri ilə səmimi, maarifləndirici görüşlərin keçirilməsinə, onları maraqlandıran suallarla bağlı ətraflı izahların verilməsinə və lazımi köməkliyin göstərilməsinə görə təşəkkürünü bildirir.

Masallı rayon sakini Ruslan İsmayılov öz məktubunda ona lazımi köməyin göstərilməsinə görə DİN rəhbərliyinə təşəkkürünü bildirir.

Vətəndaş Asəf Cabbarov DİN-in “Facebook” səhifəsinə yazdığı mesajında müraciətinin araşdırılmasına və onu narahat edən problemin öz həllini tapmasına görə təşəkkürünü bildirir.

Biləsuvar rayon sakini Elxan Yəhyazadə müraciətinin Baş Dövlət Yol Polisi İdarəsində araşdırıldığını, məsələnin müsbət həllini tapdığını yazır və öz təşəkkürünü bildirir.

Astara rayon sakini Mahir Muradov öz məktubunda göstərilən diqqətə və qayğıya, humanistliyə görə Rayon Polis Şöbəsinin rəhbərliyinə təşəkkürünü bildirir.

Vətəndaş Elvin Nəsirov öz məktubunda Lerik rayonuna yağan güclü qar və əlverişsiz hava şəraitində polis əməkdaşlarının fasiləsiz  xidmət apardıqlarını, yollarda çətinliklə üzləşən vətəndaşların müraciətlərinə çevik reaksiya verildiyini, lazımi köməyin göstərildiyini yazır. Nümunəvi xidmətə görə Lerik Rayon Polis Şöbəsinin əməkdaşlarına təşəkkürünü bildirir.

Astara rayon sakini Elvin Nəsirov xidməti vəzifələrinin və peşə fəaliyyətinin öhdəsindən layiqincə gəldiklərinə, vətəndaş müraciətlərinə yüksək diqqət və həssaslıqla yanaşdıqlarına görə Rayon Polis Şöbəsinin rəhbərliyinə və şöbənin qeydiyyat və şəxsiyyət vəsiqəsi qrupunun əməkdaşlarına təşəkkürünü bildirir.

Cəlilabad rayon sakini Ruslan İsayev öz məktubunda cinayətkarlıqla mübarizə, o cümlədən narkotiklərin qanunsuz dövriyyəsinə qarşı aparılan qətiyyətli mübarizə tədbirlərinə və ictimai asayişin etibarlı qorunmasına görə Azərbaycan polisinə təşəkkürünü ifadə edir.