Bakı şəhər sakini Orxan Eyvazov DİN-in “Instagram” səhifəsinə təşəkkür mesajı yazıb: “Pirallahı rayonu ərazisində üzləşdiyimiz yol-nəqliyyat hadisəsi zamanı göstərdikləri köməkliyə görə Pirallahı Rayon Polis İdarəsinin Dövlət Yol Polisi Şöbəsinin əməkdaşlarına minnətdarlığımı bildirirəm”. 

Mingəçevir şəhər sakini Natiq Yunusov məktubunda üzləşdiyi dələduzluq faktı ilə bağlı Daxili İşlər Nazirliyinə etdiyi müraciətinə operativ baxıldığını, araşdırma aparılaraq məsələyə hüquqi qiymət verildiyini və dəymiş maddi ziyanın ona ödətdirildiyini qeyd edir. O, operativliyə, obyektiv araşdırmalara və maddi ziyanın ödətdirilməsində göstərilən köməkliyə görə DİN rəhbərliyinə təşəkkürünü bildirir, çətin və şərəfli xidmətlərində uğurlar arzulayır.

Bakı şəhər sakini Elşən Zairov DİN-in “Instagram” səhifəsinə təşəkkür mesajı yazıb: “Nərimanov Rayon Polis İdarəsinin 18-ci Polis Şöbəsinə müraciət etdim. Problemim həll olundu. Dəymiş zərər ödənildi. Çox təşəkkür edirəm. Azərbaycan polisi ilə qürur duyuram”.

Bakı şəhər sakini Elşad Çobanlı DİN-in “Facebook” səhifəsinə təşəkkür mesajı yazıb: “Yazdığım şikayət ərizəsi əsasında Yasamal Rayon Polis İdarəsinin 27-ci Polis Bölməsində məsələ obyektiv şəkildə araşdırıldı, qanunvericiliyə uyğun olaraq tədbir görüldü. Şikayətim tam təmin edildi. DİN rəhbərliyinə və Azərbaycan Polisinə təşəkkürümü bildirirəm”.

Biləsuvar rayon idman məşqçiləri, idmançıları və idman cəmiyyəti tərəfindən Daxili İşlər Nazirliyinə ünvanlanan təşəkkür məktubunda polis əməkdaşlarının gecəli gündüzlü xidməti, ayıq-sayıqlığı sayəsində rayonda asayişin etibarlı qorunması və təhlükəsizliyin yüksək səviyyədə təmin edilməsi, həmçinin gənc nəslin təlim-tərbiyəsi, onların sağlam ruhda böyüməsi istiqamətində mühüm işlərin görüldüyü qeyd olunaraq DİN rəhbərliyinə və Biləsuvar Rayon Polis Şöbəsinin şəxsi heyətinə təşəkkürünü bildirir.

Bakı şəhər sakini Təhminə Həsənova  müraciətinə həssas yanaşıldığına, operativ tədbirlərlə məsələnin qısa müddət ərzində müsbət həll olunmasına görə DİN rəhbərliyinə və Səbail Rayon Polis İdarəsinin əməkdaşlarına minnətdarlığını bildirir, onlara çətin və şərəfli işlərində uğurlar arzulayır.

Bakı şəhər sakini Valeh Mirzəyev DİN-in “Facebook” səhifəsinə ünvanladığı təşəkkür mesajında paytaxtın Səbail rayonu ərazisində ictimai asayişin və ictimai təhlükəsizliyin etibarlı təmin olunması üçün gecə-gündüz yorulmadan ayıq-sayıq xidmət aparan  Səbail Rayon Polis İdarəsinin əməkdaşlarına minnətdarlığını bildirərək onlara çətin və şərəfli xidmətlərində uğurlar arzulayır.

Bakı şəhər sakini İbadulla Quliyev polis orqanlarında işləmək arzusunda olan gənclərin xidmətə qəbulu zamanı bütün proseslərin şəffaflıq və aşkarlıq prinsipləri əsasında reallaşdığının şahid olduğunu qeyd edərək DİN rəhbərliyinə  təşəkkürünü bildirir. 

Bakı şəhər sakini Nuranə Əmirəliyeva teleqramında müraciəti ilə əlaqədar aparılan obyektiv araşdırmalara, həyata keçirilən tədbirlərə və ona dəymiş maddi ziyanın ödətdirilməsində göstərilən köməkliyə görə Nərimanov Rayon Polis İdarəsinin əməkdaşlarına təşəkkürünü bildirir.