Bakı şəhər sakini Südabə Tamazanzadə Daxili İşlər Nazirliyinə təşəkkür məktubu göndərib. O, müraciəti ilə əlaqədar Nəsimi Rayon Polis İdarəsində qəbul edildiyini, obyektiv araşdırma aparılaraq qısa müddətdə müraciətinin müsbət həll olunduğunu bildirir. 
S.Tamazanzadə vətəndaşların nəzakətlə qarşılanaraq dinlənildiyini, müraciətlərinə həssaslıqla yanaşıldığını və polisin vətəndaşların güvən yeri olduğunu qeyd edir, göstərilən diqqət və qayğıya, humanizmə, obyektivliyə, vətəndaş məmnunluğu üçün yaradılan şəraitə görə Daxili İşlər Nazirliyinin rəhbərliyinə təşəkkürlərini bildirir.   

Vətəndaş Zeba Ağamaliyeva DİN-in “Instagram” səhifəsinə mesajında valideyninə məxsus mobil telefonun naməlum şəraitdə itməsi ilə bağlı Sabail RPİ-nin 41-ci Polis Bölməsinə müraciət etdiyini, polis əməkdaşlarının operativliyi sayəsində telefonun tapılaraq onlara təhvil verildiyini yazır. O, müraciətinə çevik reaksiya verilməsinə və operativliyə görə 41-ci Polis Bölməsinin əməkdaşlarına minnətdarlığını bildirir.  

Vətəndaş Nərmin Kazımova üzləşdiyi problemlə bağlı Daxili İşlər Nazirliyinə etdiyi müraciətə operativ baxıldığını, araşdırma aparılaraq müvafiq tədbirlərin görüldüyünü yazır. O, müraciətinin müsbət həll olunduğunu qeyd edərək DİN rəhbərliyinə minnətdarlığını bildirir. 

Bakı şəhər sakini Zaur Əhmədov DİN-in “Facebook” səhifəsinə təşəkkür mesajı yazıb. O, mesajında müraciəti ilə bağlı Bakı Şəhər Baş Polis İdarəsində yüksək hörmətlə qarşılandığını və müraciətinin müsbət həll olunduğunu qeyd edir. Z.Əhmədov ona göstərilən diqqət və qayğıya görə DİN rəhbərliyinə və Bakı Şəhər Baş Polis İdarəsinin əməkdaşlarına təşəkkürünü bildirir. 

Vətəndaş Günel Heydanova DİN-in “Instagram” səhifəsinə təşəkkür mesajı yazıb. O, mesajında vətəndaşların müraciətlərinə diqqətlə yanaşılmasına və operativliyə, həmçinin müraciətinin müsbət həll olunaraq narahatlığına son qoyulmasına görə DİN rəhbərliyinə təşəkkürünü bildirir, Azərbaycan polisi ilə fəxr etdiyini qeyd edərək onlara çətin və şərəfli işlərində uğurlar arzulayır.

Bakı şəhər sakini Alıkişi Məmmədov DİN-in “Instagram” səhifəsinə təşəkkür mesajı yazıb. O, Nərimanov rayonu ərazisində baş verən yol-nəqliyyat hadisəsi zamanı polis əməkdaşlarının həmin ünvana gələrək dərhal müvafiq tədbirlər həyata keçirdiklərini və nümunəvi davranış sərgilədiklərini qeyd edib.

Sumqayıt şəhər sakini Fərid Həsənov DİN-in “Instagram” səhifəsinə təşəkkür mesajı yazıb. O, barəsində tərtib olunmuş protokolla bağlı etdiyi müraciətinin obyektiv araşdırma aparılaraq qısa müddətdə müsbət həll olunduğunu qeyd edir.

Vətəndaş Jalə Babayeva DİN-in “Instagram” səhifəsinə yazdığı mesajında üzləşdiyi dələduzluq faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə və Səbail Rayon Polis İdarəsinin əməkdaşlarına minnətdarlığını bildirir. 

Vətəndaş Leyla İbrahimli üzləşdiyi problemlə bağlı Daxili İşlər Nazirliyinə etdiyi müraciətə operativ baxıldığını, araşdırma aparılaraq müvafiq tədbirlərin görüldüyünü yazır. O, müraciətinin müsbət həll olunduğunu qeyd edərək DİN rəhbərliyinə və Sabunçu Rayon Polis İdarəsinin əməkdaşlarına minnətdarlığını bildirir.