Göyçay rayon sakini Mələk Bədəlova müraciətinin müsbət həll olunmasına və dəymiş maddi ziyanın ödətdirilməsinə görə, Göyçay RPŞ-nin əməkdaşlarına minnətdarlığını bildirir.

Şəki rayon sakini Rəhman Yusifov xidməti vəzifələrini layiqincə yerinə yetirdiklərinə görə, Şəki ŞRPŞ-nin DYPB-nin əməkdaşlarına minnətdarlığını bildirir.

Balakən rayon sakini Təranə Məmmədova müraciətinə operativ reaksiya verdiklərinə və dəymiş maddi ziyanın ödənilməsində göstərdikləri köməkliyə görə, Balakən RPŞ-nin əməkdaşlarına minnətdarlığını bildirir.

Qobustan rayon sakini Natiq Canatov müraciətinin müsbət həll olunmasına və dəymiş maddi ziyanın ödənilməsində göstərilən köməkliyə görə, DİN rəhbərliyinə minnətdarlığını bildirir.

Vətəndaş Elsəvər Əliyev DİN-in “Instagram” səhifəsinə ünvanladığı mesajında müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə və Səbail Rayon Polis İdarəsinin əməkdaşlarına minnətdarlığını bildirir.

Bakı şəhər sakini Türkel Abdıyeva DİN-in “Instagram” səhifəsinə təşəkkür mesajı yazıb: “23.05.2024-cü il tarixində 168 nömrəli tam orta məktəbdə dövlət yol polisi əməkdaşları tərəfindən yol hərəkət qaydaları haqqında maarifləndirici tədbir keçirilib. Tədbirdə şagirdlərimizə yol hərəkəti qaydaları haqqında məlumatlar verilib. Təşkil olunan tədbirə görə Pirallahı Rayon Polis İdarəsinin rəhbərliyinə və əməkdaşlarına məktəb kollektivi adından təşəkkür edirik”.

Abşeron rayon sakini Arzu Nağıyev məktubunda müraciəti ilə bağlı obyektiv araşdırma aparıldığına və qanunvericiliyə uyğun olaraq qərar verildiyinə görə DİN rəhbərliyinə və Yasamal Rayon Polis İdarəsinin əməkdaşlarına mnnətdarlığını bildirir.

Vətəndaş Ləman Səlimova DİN-in “Instagram” səhifəsinə təşəkkür mesajı yazıb: “Mən Nizami Rayon Polis İdarəsinin 24-cü Polis Bölməsinin əməkdaşlarına təşəkkür edirəm. Çox qısa zamanda mənim dələduzluqla bağlı müraciətimə baxıldı və qanunamüvafiq tədbirlər görüldü”.

Vətəndaş Dilarə Məmmədova üzləşdiyi problemlə bağlı Daxili İşlər Nazirliyinə etdiyi müraciətə operativ baxıldığını, araşdırma aparılaraq müvafiq tədbirlərin görüldüyünü yazır. O, müraciətinin müsbət həll olunduğunu qeyd edərək DİN rəhbərliyinə minnətdarlığını bildirir.