Vətəndaş Vamiq Camalov müraciətinin müsbət həll olunmasına görə, Oğuz RPŞ-nin əməkdaşlarına minnətdarlığını bildirir.

Vətəndaş Mehman Mehmanov Daxili İşlər Nazirliyinə ünvanladığı məktubunda Dünya Azərbaycanlılarının Həmrəyliyi Günü və Yeni il bayramları münasibətilə DİN rəhbərliyini və xidməti vəzifələrini layiqincə yerinə yetirən Azərbaycan polisini təbrik edir, çətin və şərəfli xidmətlərində uğurlar arzulayır.  

Vətəndaş Tural Məmmədov məktubunda üzləşdiyi dələduzluqla bağlı müraciəti üzrə DİN-in Baş İstintaq və Təhqiqat İdarəsində obyektiv araşdırma aparıldığını, müvafiq tədbirlərin görüldüyünü və dəymiş maddi ziyanın ödətdirilməsində də köməklik göstərildiyini bildirir. O, vətəndaş müraciətlərinə həssas yanaşılmasına görə DİN rəhbərliyinə, göstərilmiş köməkliyə görə Baş İstintaq və Təhqiqat İdarəsinin əməkdaşlarına təşəkkür edir.

Vətəndaş Şəfa Hüseynova məktubunda üzləşdiyi problemlə bağlı müraciətinə operativ baxıldığını və obyektiv araşdırıldığını qeyd edərək vətəndaş müraciətlərinə həssas yanaşılmasına və həyata keçirilən tədbirlərə görə DİN rəhbərliyinə minnətdarlığını bildirir. 

Vətəndaş Altay Cəfərov məktubunda Daxili İşlər Nazirliyinə etdiyi müraciətinə operativ baxılaraq müvafiq tədbirlərin görüldüyünü bildirir. O, vətəndaş müraciətlərinə, o cümlədən onun müraciətinə həssas yanaşılmasına və həyata keçirilən tədbirlərə görə DİN rəhbərliyinə təşəkkür edir. 

Vətəndaş Nicat Şıxəlizadə DİN-in “Instagram” səhifəsinə təşəkkür mesajı ünvanlayıb: “Anam paytaxtın Nizami rayonunda çantasını itirmişdi. Bununla əlaqədar olaraq Nizami Rayon Polis İdarəsinin 24-cü Polis Şöbəsinə müraciət etmişdim. Polis əməkdaşları tərəfindən dərhal müdaxilə olundu, çanta tapılaraq bizə təhvil verildi. Buna görə də, DİN-in və Nizami Rayon Polis İdarəsinin rəhbərliyinə, həmçinin bu işdə əməyi olan polis əməkdaşlarına  dərin təşəkkürümü bildirirəm”. 

Vətəndaş Günay Abdullayeva DİN-in “Instagram” səhifəsinə təşəkkür mesajı ünvanlayıb: “Paytaxtın Nərimanov rayonu, Xətai prospektində piyada qismində anamla birlikdə yolu keçərkən avtomobil tərəfindən vurularaq xəsarət aldıq. Hadisə yerinə gələn Nərimanov Rayon Polis İdarəsinin əməkdaşı tərəfindən qanunamüvafiq tədbirlər görüldü. Polis əməkdaşlarının bu cür yanaşmasına görə DİN-in rəhbərliyinə təşəkkür edirəm”. 

Vətəndaş Tural Əhmədov DİN-in “Instagram” səhifəsinə təşəkkür mesajı ünvanlayıb: “Yaşadığım binanın altında yerləşən obyektdən gələn səs-küylə bağlı Xətai Rayon Polis İdarəsinin 36-cı Polis Şöbəsinə müraciət etmişdim. Müraciətimə dərhal baxıldı və müvafiq tədbir görüldü. DİN-in və Xətai Rayon Polis İdarəsinin rəhbərliyinə, həmçinin 36-cı Polis Şöbəsinin əməkdaşlarına təşəkkürümü bildirirəm”.

Vətəndaş Elnaz Əlibəyova DİN-in “Instagram” səhifəsinə təşəkkür mesajı ünvanlayıb: “Tərəfimdən edilmiş müraciətə göstərilən diqqətə, vətəndaş problemlərinə həssas və prinsipial yanaşmaya görə DİN-in rəhbərliyinə dərin minnətdarlığımı bildirirəm. Müraciətim üzrə aparılan araşdırma zamanı Daxili İşlər Nazirliyinin əməkdaşları, xüsusilə Binəqədi Rayon Polis İdarəsinin İstintaq Şöbəsinin əməkdaşları tərəfindən məsələyə obyektiv, qanunauyğun və məsuliyyətli münasibətin göstərilməsi hüquqlarımın bərpa olunmasına və problemin həllinə şərait yaratdı. Sizə möhkəm cansağlığı, məsul və şərəfli fəaliyyətinizdə uğurlar arzulayıram”.