Vətəndaş Nihad Bünyadov DİN-in “Instagram” səhifəsinə mesajında üzləşdiyi problemlə bağlı müraciət etdiyini, operativ tədbirlərin həyata keçirildiyini, müraciətinin müsbət həll olunaraq narahatlığına son qoyulmasına görə Naxçıvan Şəhər Polis İdarəsinin əməkdaşlarına minnətdarlığını bildirir.

Bakı şəhər sakini Elnaz Əlibəyova Daxili İşlər Nazirliyinə ünvanladığı məktubunda üzləşdiyi problemlə bağlı müraciətinə həssas yanaşılmasına, göstərilən diqqətə və görülmüş tədbirlərlə probleminin qısa müddətdə aradan qaldırılmasına görə Binəqədi Rayon Polis İdarəsinin əməkdaşlarına minnətdarlığını bildirir, çətin və şərəfli işlərində uğurlar arzulayır.

Abşeron rayon sakini Nicat Abuşov Daxili İşlər Nazirliyinə ünvanladığı məktubunda Sumqayıt Şəhər Polis İdarəsinin İstintaq Şöbəsində başlanılmış cinayət işi üzrə obyektiv araşdırma aparılaraq ədalətli qərar qəbul edilməsinə görə DİN-in rəhbərliyinə və Sumqayıt ŞPİ-nin əməkdaşlarına minnətdarlığını bildirir.

Vətəndaş Sakin Səfərov Daxili İşlər Nazirliyinə ünvanladığı məktubunda gecə-gündüz yorulmadan xidmət aparan, ictimai asayişi və ictimai təhlükəsizliyi ayıq-sayıq qoruyan, xidməti vəzifələrini layiqincə yerinə yetirən Azərbaycan polisinə minnətdarlığını bildirir, çətin və şərəfli xidmətlərində uğurlar arzulayır.

Vətəndaş Rəvan Həsənli DİN-in “Instagram” səhifəsinə təşəkkür mesajı ünvanlayıb: “Oğlumun DİN-in Polis Akademiyasına qəbul olmaq istəyi ilə bağlı Pirallahı Rayon Polis İdarəsinin əməkdaşları maarifləndirici söhbətlər apardılar. Daha sonra idarə rəisi valideynləri və namizədləri qəbul edərək tövsiyələrini verdi. Bu gün isə Polis Akademiyasına ekskursiya təşkil olunaraq onlar tanış edildi. Valideyn kimi göstərilən diqqət və qayğıya görə minnətdarlığımızı bildiririk”. 

Vətəndaş Leyla Ahıska DİN-in “Instagram” səhifəsinə təşəkkür mesajı ünvanlayıb: “Mən Nərimanov Rayon Polis İdarəsinin 18-ci Polis Şöbəsinə müraciət edərək pulumun bankomatda qalması barədə şikayət etmişdim. Polis əməkdaşları müraciətimə çevik və operativ şəkildə baxaraq mənə köməklik göstərdilər. Buna görə DİN-in rəhbərliyinə və Nərimanov Rayon Polis İdarəsinin əməkdaşlarına təşəkkürümü bildirirəm”.

Vətəndaş Fəxrim Novruzov DİN-in “Instagram” səhifəsinə təşəkkür mesajı ünvanlayıb: Üzləşdiyim çətinliklə bağlı Naxçıvan Şəhər Polis İdarəsinin Dövlət Yol Polisi Şöbəsinin əməkdaşları tərəfindən mənə yardım göstərildi. Vətəndaş məmnuniyyəti yaradıldığı üçün öz təşəkkürümü bildirirəm”. 

Salyan rayon sakini Elşən Həsənov DİN-ə ünvanladığı təşəkkür məktubunda xidməti vəzifələrini və peşə fəaliyyətlərini layiqincə yerinə yetirdiklərinə görə başda DİN rəhbərliyi olmaqla, Binəqədi RPİ-nin rəhbərliyinə və əməkdaşlarına təşəkkür edir.

Naxçıvan şəhər sakini Lalə Əsgərova müraciətinin müsbət həll olunmasına görə, Şahbuz RPŞ-nin əməkdaşlarına minnətdarlığını bildirir.