Bakı şəhər sakini Dəyanət Nəsirov ona məxsus olan avtomobilinin oğurlanması ilə bağlı müraciətinə operativ baxılaraq onun tez bir zamanda tapılıb təhvil verilməsinə görə Nizami RPİ 25-ci PŞ əməkdaşlarına  təşəkkür edir.

Bakı şəhər sakini Sülhiyyə Novruzova DİN-in “Facebook” səhifəsinə təşəkkür mesajı yazıb: “Axtarışla bağlı etdiyim müraciət Sumqayıt Şəhər Polis İdarəsi tərəfindən nəzarətə götürülərək müsbət həll edildi. Göstərilən diqqətə görə DİN rəhbərliyinə və Sumqayıt Şəhər Polis İdarəsinin əməkdaşlarına minnətdarlığımı bildirirəm. Azərbaycan polisinə fəaliyyətində uğurlar arzulayıram”.

Bakı şəhər sakini Aqil Qaraşov Daxili İşlər Nazirliyinə ünvanladığı müraciətinin müsbət həll olunduğuna görə təşəkkür məktubu ünvanlayıb: “Ailəlikcə yaşadığımız ünvanın qarşı tərəfində fəaliyyət göstərən kafelərin qanunsuz əməlləri ilə bağlı etdiyim müraciətə ərazi üzrə Nəsimi Rayon Polis İdarəsinin 19-cu Polis Bölməsinin əməkdaşları tərəfindən operativ reaksiya verildi və qeyd olunan qanunsuz əməllərinin qarşısının alınması istiqamətində lazımi addımlar da atıldı. Etdiyim vətəndaş müraciətimə operativ reaksiya verildiyinə görə şəxsən öz adımdan, ailə üzvlərimizin adından DİN rəhbərliyinə və Azərbaycan polisinə təşəkkürüm edirəm”.

Abşeron rayon sakini Cavid İsgəndərli DİN-ə ünvanlandığı məktubunda təhdid olunması ilə bağlı müraciətinə Abşeron Rayon Polis  İdarəsinin Qobu Polis Bölməsində operativ baxıldığını bildirir.
C.İsgəndərli vətəndaşların müraciətlərinə diqqətlə yanaşılmasına və operativliyə, həmçinin müraciətinin müsbət həll olunaraq narahatlığına son qoyulmasına görə DİN rəhbərliyinə və Abşeron Rayon Polis  İdarəsinin əməkdaşlarına təşəkkürünü bildirir. 

Bakı şəhər sakini İlham Əmənov məktubunda üzləşdiyi dələduzluq faktı ilə bağlı müraciəti ilə əlaqədar Yasamal Rayon Polis İdarəsində obyektiv araşdırma aparılaraq məsələyə hüquqi qiymət verildiyini və dəymiş maddi ziyanın ona ödətdirilməsində köməklik göstərildiyini qeyd edir. O, müraciətinə diqqətlə yanaşıldığına, obyektiv araşdırmalara və operativliyə görə DİN rəhbərliyinə və Yasamal Rayon Polis İdarəsinin əməkdaşlarına təşəkkür edir, çətin və şərəfli xidmətlərində onlara uğurlar arzulayır.

Bakı şəhər sakini Aşiqə Kərimova məktubunda Azərbaycan Respublikasının daxili işlər naziri, general-polkovnik Vilayət Eyvazovun Hacıqabul Rayon Polis Şöbəsində keçirdiyi vətəndaş qəbulunda iştirak etdiyini, müraciətinin dinlənilərək aidiyyəti üzrə tapşırıqlar verildiyini, polis əməkdaşları tərəfindən obyektiv araşdırma aparılaraq müraciətinin qısa müddətdə müsbət həll olunduğunu qeyd edir.   
O, vətəndaş müraciətlərinə, o cümlədən onun müraciətinə həssas yanaşılmasına, göstərilən diqqətə və obyektiv araşdırmalara görə DİN rəhbərliyinə təşəkkürünü bildirir.

Neftçala rayon sakini Qabil Ələkbərov Daxili İşlər Nazirliyinə təşəkkür məktubu ünvanlayıb: “29.04.2024-cü il tarixində Bakı şəhəri ərazisində idarə etdiyim nəqliyyat vasitəsinin iştirakı ilə maddi ziyanla nəticələnən yol-nəqliyyat hadisəsi baş vermişdi. Hadisə ilə bağlı Bakı Şəhər Baş Polis İdarəsi tərəfindən obyektiv, operativ və yüksək peşəkarlıqla araşdırma aparıldığına DİN rəhbərliyinə və polis əməkdaşlarına təşəkkürümü bildirirəm”.

Şəhid atası Mehralı Sultanov üzləşdiyi problemlə bağlı Daxili İşlər Nazirliyinə etdiyi müraciətə operativ baxıldığını, araşdırma aparılaraq müvafiq tədbirlərin görüldüyünü yazır. O, müraciətinin müsbət həll olunduğunu qeyd edərək DİN rəhbərliyinə minnətdarlığını bildirir.

Sosial şəbəkə istifadəçisi Ceyhun Rəhimov müraciəti ilə bağlı müvafiq polis idarəsində yüksək hörmətlə qarşılandığını və müraciətinin müsbət həll olunduğunu qeyd edir. Ona göstərilən diqqət və qayğıya görə DİN rəhbərliyinə və polis əməkdaşlarına təşəkkürünü bildirir.