Vətəndaş və Polis
Azərbaycan polisi gecə-gündüz vicdanla çalışır ki, vətəndaşlarımız əmin-amanlıqda yaşasın. Şübhəsiz ki, polis sıraları da vətəndaşlarımızdan formalaşır və hamımız birlikdə Vətənimizin təhlükəsizliyini təmin etməliyik.
Təşəkkür məktubları
16.04.2026 - Vətəndaş Xədicə Maliyeva
Vətəndaş Xədicə Maliyeva DİN-in “İnstagram” səhifəsinə təşəkkür mesajı ünvanlayıb: Mən Maliyeva Xədicə Cavid qızı, əl çantamın və əşyalarımın oğurlanması ilə bağlı 22-ci Polis Bölməsinə müraciət ettim. Təhqiqat nəticəsində əşyalarım tapıldı və zərərim ödənildi. Bununla bağlı Nəsimi Rayon Polis İdarəsinin rəhbərliyinə və kollektivinə öz təşəkkürümü bildirirəm.
16.04.2026 - Vətəndaş Seymur Əliyev
Vətəndaş Seymur Əliyev DİN-in “İnstagram” səhifəsinə təşəkkür mesajı ünvanlayıb: Mən Əliyev Seymur Bayram oğlu, yaşadığım ünvana yaxın yerləşən zibil tullantısı yeşiklərinin ətrafında yaranmış antisanitar vəziyyətlə bağlı polisə müraciət etdim. Sağ olun, qısa müddət ərzində aidiyyəti qurumlar cəlb edilərək problem həll edildi. Pirallahı Rayon Polis İdarəsinə təşəkkürlərimi bildirirəm.
16.04.2026 - Vətəndaş Asəf Mütəllimov
Vətəndaş Asəf Mütəllimov DİN-in “İnstagram” səhifəsinə təşəkkür mesajı ünvanlayıb: 07.04.2026-cı il tarixində etdiyim müraciətlə əlaqədar Xətai DYPŞ tərəfindən mənimlə əlaqə saxlanılmış və şöbəyə dəvət olunmuşam. Şöbədə müraciətim üzrə narazılığım dinlənilmiş və müvafiq tədbirlər görülmüşdür. Müraciətimə operativ reaksiya verildiyinə görə DİN-in və Xətai RPİ-nin rəhbərliyinə təşəkkürümü bildirirəm.
16.04.2026 - Vətəndaş Gülnar Hüseynova
Vətəndaş Gülnar Hüseynova DİN-in “Facebook” səhifəsinə təşəkkür mesajı ünvanlayıb: Nərimanov RPİ-də oğlumun avtoqəza vaxtı xəsarət alması ilə bağlı sığorta sənədlərini bizə təhqiqatçı təqdim elədi. Bizə maddi dəstək oldu. Buna görə Polisimizə minnətdaram.
16.04.2026 - Vətəndaş Raidə Qəribova
Vətəndaş Raidə Qəribova DİN-ə ünvanladığı məktubunda, aliment öhdəliyinin yerinə yetirilmədiyinə görə axtarışda olan keçmiş həyat yoldaşının saxlanılıb aidiyyəti üzrə quruma təhvil verilməsi ilə əlaqədar DİN-in əməkdaşlarına təşəkkürünü bildirir.
16.04.2026 - Sosial şəbəkə istifadəçisi Ram İbadov
Sosial şəbəkə istifadəçisi Ram İbadov müraciətinin obyektiv şəkildə araşdırılmasına və vətəndaş məmnunluğunun təmin edilməsinə görə DİN rəhbərliyinə təşəkkürünü bildirir.
16.04.2026 - Sosial şəbəkə istifadəçisi Ramil Samullayev
Sosial şəbəkə istifadəçisi Ramil Samullayev xidməti vəzifələrini layiqincə yerinə yetirən Pirallahı Rayon Polis İdarəsinin əməkdaşlarına minnətdarlığını ifadə edir.
16.04.2026 - Vətəndaş Sahib Səfərov
Vətəndaş Sahib Səfərov DİN-in “Instagram” səhifəsinə yazdığı mesajında şikayətinə operativ şəkildə baxıldığına və görülmüş tədbirlərlə probleminin qısa müddətdə aradan qaldırılmasına görə Abşeron Rayon Polis İdarəsinin əməkdaşlarına təşəkkürünü bildirir.
16.04.2026 - Vətəndaş Fərhad Qasımov
Vətəndaş Fərhad Qasımov məktubunda DİN rəhbərliyinə Abşeron rayonunda yerləşən çoxmənzilli yaşayış komplekslərinin sakinləri adından minnətdarlığını bildirir. O, yağıntılı hava şəraitindən sonra elektrik enerjisi və su təchizatı ilə bağlı yaranmış problemin aradan qaldırılmasında polis əməkdaşlarının göstərdiyi operativ köməyi xüsusi qeyd edir. Müraciətdən sonra qısa müddətdə problemin həll olunduğunu vurğulayan vətəndaş Abşeron Rayon Polis İdarəsinin əməkdaşlarının peşəkarlığına, çevikliyinə və vətəndaşlara diqqətli münasibətinə görə təşəkkürünü ifadə edir.
