Vətəndaş Sakit Abdullayev Daxili İşlər Nazirliyinə ünvanladığı məktubunda müraciəti üzrə Bakı Şəhər Baş Polis İdarəsində aparılan istintaq araşdırması nəticəsində ona dəymiş maddi ziyanın ödənilməsinin təmin edildiyini qeyd edərək ədalətin bərqərar olmasına və müraciətinin müsbət həll edilməsinə görə DİN-in rəhbərliyinə və Bakı Şəhər Baş Polis İdarəsinin əməkdaşlarına minnətdarlığını bildirir.

Bakı şəhər sakini Nazilə Məmmədova Daxili İşlər Nazirliyinə ünvanladığı məktubunda üzləşdiyi problemlə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN-in rəhbərliyinə və Suraxanı Rayon Polis İdarəsinin əməkdaşlarına minnətdarlığını bildirir.

Vətəndaş Fəxri Hətəmli DİN-in “Instagram” səhifəsinə təşəkkür mesajı ünvanlayıb: Xətai Rayon Polis İdarəsinin əməkdaşlarına göstərdikləri köməkliyə görə dərin təşəkkürümü bildirirəm. Bir nəfərə verdiyim borc pulun geri qaytarılmaması ilə bağlı müraciət etmişdim və polis əməkdaşlarının köməyi nəticəsində pul vəsaitim tam şəkildə geri qaytarıldı. Başda DİN-in rəhbərliyi olmaqla hər bir polis əməkdaşına təşəkkür edirəm. Var olsun, polisimiz”. 

Vətəndaş Səidə Sadıqova DİN-in “Instagram” səhifəsinə təşəkkür mesajı ünvanlayıb: “26.01.2026-cı il tarixində qol saatımın oğurlanması barədə Nərimanov Rayon Polis İdarəsinin 17-ci Polis Şöbəsinə müraciət etmişdim. Polis əməkdaşları operativ şəkildə mənim saatımı taparaq özümə qaytardılar. Buna görə DİN-in və Nərimanov Rayon Polis İdarəsinin rəhbərliyinə, həmçinin 17-ci Polis Şöbəsinin əməkdaşlarına təşəkkürümü bildirirəm”.

Vətəndaş Bülbül Yusibova DİN-in “Instagram” səhifəsinə təşəkkür mesajı ünvanlayıb: “22.01.2026-cı il tarixində DİN-in “102” Xidməti-Zəng Mərkəzinə müraciət edərək mənə məxsus avtomobilin şüşəsinin sındırılması və çantamın oğurlanması barədə məlumat vermişdim. Polis əməkdaşları tərəfindən aparılan təhqiqat araşdırması nəticəsində hadisəni törədən şəxs müəyyən edildi və bütün əşyalarım tapıldı. Bu səbəbdən DİN-in və Nəsimi Rayon Polis İdarəsinin rəhbərliyinə, həmçinin 19-cu Polis Şöbəsinin rəhbərliyinə və kollektivinə təşəkkürümü bildirirəm. Yaşasın, Azərbaycan polisi!”.

Sosial şəbəkə istifadəçiləri İlkin Şabanov və Səkinə Rüstəmzadə xidməti vəzifələrini və peşə fəaliyyətlərini layiqincə yerinə yetirdiklərinə görə başda DİN rəhbərliyi olmaqla, Xətai RPİ-nin rəhbərliyinə və əməkdaşlarına təşəkkür edirlər.

Sosial şəbəkə istifadəçisi Günay Abdullayeva xidməti vəzifələrini və peşə fəaliyyətlərini layiqincə yerinə yetirdiklərinə görə başda DİN rəhbərliyi olmaqla, Nərimanov RPİ-nin rəhbərliyinə və əməkdaşlarına təşəkkür edir.

Vətəndaş Emin Abdinov DİN-in “Facebook” səhifəsinə yazdığı təşəkkür mesajında üzləşdiyi problemlə bağlı polisə müraciət etdiyini, operativ tədbirlərin həyata keçirildiyini, müraciətinin müsbət həll olunaraq narahatlığına son qoyulmasına, o cümlədən polis əməkdaşları tərəfindən şəhid və qazi ailələrinə diqqət və qayğı göstərildiyini qeyd edir. Probleminin həllində ona göstərilən köməkliyə görə DİN rəhbərliyinə təşəkkürünü bildirir. 

Bakı şəhər sakini İltifat Əliyev DİN-in “Instagram” səhifəsinə yazdığı mesajında iştirak etdiyi yol-nəqliyyat hadisəsi ilə bağlı polisə müraciət etdiyini, məsələnin qısa müddətdə araşdırıldığını, müraciətinə diqqətlə yanaşılmasına və keçirilən operativ tədbirlərə görə DİN rəhbərliyinə və Xətai Rayon Polis İdarəsinə minnətdarlığını ifadə edir.