Vətəndaş Elnur Əhmədov məktubunda üzləşdiyi dələduzluqla bağlı müraciətinə operativ baxılmasına, obyektiv araşdırma aparılaraq qısa müddətdə müsbət həll olunmasında və ona dəymiş maddi ziyanın ödənilməsində göstərilən köməkliyə görə Nəsimi Rayon Polis İdarəsinin əməkdaşlarına təşəkkürünü bildirir.

Tovuz rayon sakini Cəfər Cəfərov vətəndaşların müraciətlərinə diqqətlə yanaşılmasına və operativliyə, həmçinin müraciətinin müsbət həll olunaraq özünün və ailəsinin narahatlığına son qoyulmasına görə DİN rəhbərliyinə və Səbail Rayon Polis İdarəsinin əməkdaşlarına təşəkkürünü bildirir. 

Vətəndaş Emil Bədəlov Daxili İşlər Nazirliyinin “Instagram” səhifəsinə yazdığı mesajında baş vermiş oğurluq hadisəsi ilə bağlı Xəzər Rayon Polis İdarəsinə müraciət etdiyini bildirir. O, polis əməkdaşları tərəfindən keçirilən operativ tədbirlərlə qısa müddətdə bu cinayətin üstünün açıldığını və ona dəymiş maddi ziyanın tam ödətdirildiyini qeyd edir. 

Bakı şəhər sakini Ruslan Surxayzadə polis əməkdaşlarının operativliyi sayəsində qısa müddətdə oğurluq əməlini törədən şəxsin saxlanıldığını, oğurlanmış telefonunun özünə qaytarıldığını qeyd edir.

Vətəndaş Elmar Əliyev avtomobil yollarında təhlükəsizliyin etibarlı təmin olunmasına, polis əməkdaşlarının humanistliyinə, xoş rəftarlarına və nəzakətli davranışlarına görə DİN rəhbərliyinə minnətdarlığını bildirir, polis əməkdaşlarına çətin və şərəfli işlərində uğurlar arzulayır.  

Vətəndaş Emin Məmmədov müraciətinə dərhal reaksiya verildiyinə və həyata keçirilən operativ tədbirlərə görə Səbail RPİ-nin əməkdaşlarına təşəkkürünü bildirir.

Sumqayıt şəhər sakini Pərviz Abdullayev müraciətinə həssas yanaşıldığına və göstərilən köməkliyə görə DİN rəhbərliyinə və Nəsimi RPİ-nin 21-ci Polis Bölməsinin əməkdaşlarına minnətdarlığını bildirir.

Bakı şəhər sakini Fidan Əliyeva DİN-in “Instagram” səhifəsinə təşəkkür mesajı yazıb. O, müraciəti ilə əlaqədar Bakı ŞBPİ-nin Dövlət Yol Polisi İdarəsinə dəvət olunduğunu, qanuni izah verilərək məsələyə aydınlıq gətirildiyini qeyd edir.

Bakı şəhər sakini Cingiz Cəfərov məktubunda üzləşdiyi dələduzluq faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə və Binəqədi Rayon Polis İdarəsinin əməkdaşlarına minnətdarlığını bildirir.