Vətəndaş və Polis
Azərbaycan polisi gecə-gündüz vicdanla çalışır ki, vətəndaşlarımız əmin-amanlıqda yaşasın. Şübhəsiz ki, polis sıraları da vətəndaşlarımızdan formalaşır və hamımız birlikdə Vətənimizin təhlükəsizliyini təmin etməliyik.
Təşəkkür məktubları
08.05.2026 - Vətəndaş Əli Novruzov
Vətəndaş Əli Novruzov DİN-in “İnstagram” səhifəsinə təşəkkür mesajı ünvanlayıb: Mən Novruzov Əli, yaşadığım ünvanda özümə aid sənədlərimi itirmişdim. Bununla bağlı Pirallahı Rayon Polis İdarəsinə məlumat verdim. Qısa zamanda sənədlərimin tapılmasına köməklik göstərdilər. Buna görə də, başda cənab Nazir olmaqla, Pirallahı Rayon Polis İdarəsinin əməkdaşlarına təşəkkürümü bildirirəm.
08.05.2026 - Vətəndaş Ceyhun Adayev
Vətəndaş Ceyhun Adayev DİN-in “İnstagram” səhifəsinə təşəkkür mesajı ünvanlayıb: Mən Adayev Ceyhun Cavid oğlu, 21.04.2026-cı il tarixində Nərimanov RPİ-nin 18-ci Polis Şöbəsinə ərizə ilə müraciət edərək təhqir olunduğumu bildirmişdim. 18-ci Polis Şöbəsinin əməkdaşları müraciətimə operativ şəkildə yanaşaraq məsələni araşdırmışlar. Buna görə başda cənab Nazir olmaqla, Nərimanov RPİ-nin rəhbərliyinə və 18-ci Polis Şöbəsinin əməkdaşlarına öz təşəkkürümü bildirirəm.
08.05.2026 - Vətəndaş Elşən Məmmədvəli
Vətəndaş Elşən Məmmədvəli DİN-in “İnstagram” səhifəsinə təşəkkür mesajı ünvanlayıb: Mən Məmmədvəli Elşən Mübariz oğlu. Dünən Pirallahı rayonuna qonaq getmişdim. Qayıdanda maşınımda nasazlıq yarandı. PPX əməkdaşları nasazlığın aradan qaldırılması üşün əlindən gələni etdi. Gördüyüm münasibət məndə bir daha polislərə qarşı sevgi yaratdı. Yaşasın, Azərbaycan polisi.
08.05.2026 - Vətəndaş Aytac Cabbarova
Vətəndaş Aytac Cabbarova DİN-in “İnstagram” səhifəsinə təşəkkür mesajı ünvanlayıb: Hörmətli cənab Nazir Vilayət Eyvazov, 21.04.2026-cı il tarixdə Nərimanov rayonunda baş vermiş yol-nəqliyyat hadisəsi ilə bağlı Nərimanov RPİ- nin Təhqiqat Şöbəsində aparılan araşdırmada iştirak etdim. Aparılan araşdırmadan çox razı qaldım. Buna görə Sizə öz dərin minnətdarlığımı bildirirəm.
08.05.2026 - Vətəndaş Türkan Nəsirli
Vətəndaş Türkan Nəsirli DİN-ə ünvanlağı məktubunda vətəndaşların müraciətlərinə həssaslıqla yanaşılmasına, göstərilən diqqət və qayğıya, eyni zamanda operativliyə görə DİN rəhbərliyinə minnətdarlığını bildirir.
08.05.2026 - Mingəçevir şəhər sakini Aytən Əliyeva
Mingəçevir şəhər sakini Aytən Əliyeva müraciətinin müsbət həll olunmasına və dəymiş maddi ziyanın ödətdirilməsinə görə, Mingəçevir ŞPŞ-nin DYPB-nin əməkdaşlarına minnətdarlığını bildirir.
08.05.2026 - Bakı şəhər sakini Fatimə Novruzzadə
Bakı şəhər sakini Fatimə Novruzzadə xidməti vəzifələrini layiqincə yerinə yetirdiklərinə görə, BMİ-nin Yasamal rayon Mühafizə İdarəsinin əməkdaşlarına minnətdarlığını bildirir.
08.05.2026 - Ağsu rayon sakini Gülbəy Əmirov
Ağsu rayon sakini Gülbəy Əmirov müraciətinin müsbət həll olunmasına və dəymiş maddi ziyanın ödətdirilməsinə görə, Abşeron RPİ-nin əməkdaşlarına minnətdarlığını bildirir.
08.05.2026 - Balakən rayon sakini Fərid Qəribov
Balakən rayon sakini Fərid Qəribov müraciətinin müsbət həll olunmasına görə, DİN rəhbərliyinə minnətdarlığını bildirir.
