Səbail rayon sakini Çiçək Əsədova məktubunda ictimai asayişi ayıq-sayıq qoruyan, obyektiv və operativ olan, vətəndaş müraciətlərinə həssaslıqla yanaşan və xidməti vəzifələrini layiqincə yerinə yetirən Azərbaycan polisinə minnətdarlığını bildirir, çətin və şərəfli xidmətlərində uğurlar arzulayır.  

Şahbuz rayon sakini Qulu Tağıyev məktubunda üzləşdiyi problemlə bağlı müraciəti ilə əlaqədar Şahbuz Rayon Polis Şöbəsində obyektiv araşdırma aparılaraq müraciətinin qısa müddətdə müsbət həll olunduğunu qeyd edir. Q.Tağıyev ona göstərilən yüksək diqqət və qayğıya görə DİN rəhbərliyinə və Azərbaycan polisinə təşəkkürünü bildirir, çətin və şərəfli xidmətlərində onlara uğurlar arzulayır.

Vətəndaş Şəfiqə Baxşəliyeva DİN-in “Instagram” səhifəsinə təşəkkür mesajı yazıb. O, oğurluqla əlaqədar cinayət işi üzrə aparılan obyektiv araşdırmalara və ona dəyən maddi ziyanın tam olaraq ödətdirilməsində göstərdikləri köməkliyə görə Səbail Rayon Polis İdarəsinin rəhbərliyinə və şəxsi heyətinə təşəkkürünü bildirir.

Bakı şəhər sakini Vəfa İsazadə DİN-in “Instagram” səhifəsinə təşəkkür mesajı yazıb. O, avtomobilində yaranmış nasazlığın aradan qaldırılmasında göstərdikləri köməkliyə görə polis əməkdaşlarına təşəkkürünü bildirir.

Bir qrup Sabunçu rayon sakini Daxili İşlər Nazirliyinə təşəkkür məktubu ünvanlayıblar. Onlar polis əməkdaşlarının gecəli-gündüzlü xidməti, ayıq-sayıqlığı sayəsində rayonda asayişin etibarlı qorunduğunu və təhlükəsizliyin yüksək səviyyədə təmin edildiyini qeyd edərək DİN rəhbərliyinə və Sabunçu Rayon Polis İdarəsinin şəxsi heyətinə minnətdarlıqlarını bildirirlər. 

Abşeron rayon sakini Sitarə Bayramova məktubunda üzləşdiyi dələduzluq faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə və Abşeron Rayon Polis İdarəsinin əməkdaşlarına minnətdarlığını bildirir. 

Vətəndaş Elçin Çobanzadə DİN-in “Instagram” səhifəsinə təşəkkür mesajı yazıb. O, ünvanladığı müraciətinə operativ baxıldığına görə DİN rəhbərliyinə və Azərbaycan Polisinə təşəkkürünü bildirir. 

Vətəndaş Sənubər İmanova avtomobil yollarında təhlükəsizliyin etibarlı təmin olunmasına, polis əməkdaşlarının humanistliyinə, xoş rəftarlarına və nəzakətli davranışlarına görə DİN rəhbərliyinə minnətdarlığını bildirir, polis əməkdaşlarına çətin və şərəfli işlərində uğurlar arzulayır.  

Vətəndaş Rəhim Nəsirli şahidi olduğu yol-nəqliyyat hadisəsi zamanı polis əməkdaşlarının belə nümunəvi xidmətinə, xoş rəftarlarına və nəzakətli davranışılarına görə DİN rəhbərliyinə və Nərimanov Rayon Polis İdarəsinin əməkdaşlarına minnətdarlığını bildirir, çətin və şərəfli işlərində uğurlar arzulayır.