Saatlı rayon sakini Cabir Cahangirov xidməti vəzifələrini və peşə fəaliyyətlərini layiqincə yerinə yetirdiklərinə, eləcə də rayon ərazisində narkotik vasitələrin qanunsuz dövriyyəsinə qarşı aparılan qətiyyətli tədbirlərə görə RPŞ-nin rəhbərliyinə və əməkdaşlarına təşəkkür edir. 

Salyan rayon sakini Elçin Məmmədov etdiyi müraciətinə operativ reaksiya verilməsinə və müsbət həll olunmasında göstərilən köməkliyə görə DİN rəhbərliyinə təşəkkür edir.

Bakı şəhər sakini Ülvi Novruzov məktubunda üzləşdiyi dələduzluq faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə və Yasamal Rayon Polis İdarəsinin əməkdaşlarına minnətdarlığını bildirir. 

Vətəndaş Ömər Rəhimov DİN-in “Instagram” səhifəsinə yazdığı təşəkkür mesajında baş vermiş oğurluq hadisəsi ilə bağlı Səbail Rayon Polis İdarəsinə müraciət etdiyini bildirir. O, polis əməkdaşları tərəfindən keçirilən operativ tədbirlərlə qısa müddətdə bu cinayətin üstünün açıldığını qeyd edir. 

Vətəndaş Təranə Xankişiyeva DİN-in “Instagram” səhifəsinə yazdığı mesajında müraciətinə dərhal reaksiya verildiyinə və həyata keçirilən operativ tədbirlərə görə Daxili İşlər Nazirliyinin rəhbərliyinə təşəkkürünü bildirir. 

Vətəndaş Elşad Məmmədli avtomobil yollarında təhlükəsizliyin etibarlı təmin olunmasına, polis əməkdaşlarının humanistliyinə, xoş rəftarlarına və nəzakətli davranışılarına görə DİN rəhbərliyinə minnətdarlığını bildirir, polis əməkdaşlarına çətin və şərəfli işlərində uğurlar arzulayır.  

Vətəndaş Tural Turabov DİN-in “Instagram” səhifəsinə təşəkkür mesajı yazıb. O, Xətai rayonu ərazisində baş verən yol-nəqliyyat hadisəsi ilə bağlı Dövlət Yol Polisi əməkdaşlarının həmin ünvana gələrək operativ şəkildə müvafiq tədbirləri həyata keçirdiklərini qeyd edib, Azərbaycan polisinə çətin və şərəfli işlərində uğurlar arzulayır.  

Bakı şəhər sakini Nuranə Rzayeva Daxili İşlər Nazirliyinə ünvanladığı məktubunda mənzilində baş vermiş oğurluq hadisəsi ilə bağlı Səbail Rayon Polis İdarəsinə müraciət etdiyini bildirir. O, polis əməkdaşları tərəfindən keçirilən operativ tədbirlərlə qısa müddətdə bu cinayətin üstünün açıldığını və oğurlanmış məişət əşyasının geri qaytarıldığını qeyd edir.

Bakı şəhər sakini Arzu Piriyeva vətəndaşların müraciətlərinə diqqətlə yanaşılmasına və operativliyə, həmçinin müraciətinin müsbət həll olunaraq özünün və ailəsinin narahatlığına son qoyulmasına görə DİN rəhbərliyinə və Xətai Rayon Polis İdarəsinin əməkdaşlarına təşəkkürünü bildirir.