Sosial şəbəkə istifadəçisi Vüsalə Nəcəfova DİN-in “Instagram” səhifəsinə təşəkkür mesajı yazıb. O, etdiyi müraciətinə operativ yanaşılaraq müsbət həll olunmasında və ona dəymiş maddi ziyanın ödənilməsində göstərilən köməkliyə görə Bakı Şəhər Baş Polis İdarəsinin  əməkdaşlarına təşəkkürünü bildirir.

Sosial şəbəkə istifadəçisi Sevinc Şabanova DİN-in “Instagram” səhifəsinə təşəkkür mesajı yazıb. O, vətəndaşların müraciətlərinə həssaslıqla yanaşılmasına, göstərilən diqqət və qayğıya, eyni zamanda operativliyə görə Xətai Rayon Polis İdarəsinin 34-cü Polis Şöbəsinin əməkdaşlarına minnətdarlığını bildirir. 

Sosial şəbəkə istifadəçisi Lətif Əliyev DİN-in “Instagram” səhifəsinə təşəkkür mesajı yazıb. O, tanışının üzləşdiyi dələduzluq hadisəsi ilə bağlı polisə müraciət etdiklərini qeyd edir. Həmçinin dəymiş maddi ziyanın ödətdirilməsində göstərilən köməkliyə görə Nərimanov Rayon Polis İdarəsinin əməkdaşlarına təşəkkürünü bildirir. 

Vətəndaş Həsən Qasımov ona dəyən maddi ziyanın ödənilməsində göstərilən köməkliyə görə Nəsimi Rayon Polis İdarəsinin əməkdaşlarına təşəkkürünü bildirir. 

Bakı şəhər sakini Türkan İsaqızı məktubunda müraciəti üzrə Xəzər Rayon Polis İdarəsində obyektiv araşdırma aparıldığını və müsbət həll olunduğunu qeyd edir. O, müraciətinə diqqətlə yanaşılmasına, obyektivliyə, həmçinin dəymiş maddi ziyanın ödətdirilməsində göstərilən köməkliyə görə Xəzər Rayon Polis İdarəsinin əməkdaşlarına təşəkkürünü bildirir. 

Vətəndaş Əlizamin Əliyev DİN-in “Instagram” səhifəsinə təşəkkür mesajı yazıb. O, səhifə vasitəsilə ünvanladığı müraciətinə operativ baxılmasına, obyektiv araşdırma aparılaraq qısa müddətdə müsbət həll olunmasına görə DİN rəhbərliyinə təşəkkürünü bildirir. 

Vətəndaş Akif Qocayev ünvanladığı müraciətinə operativ baxıldığına görə Sumqayıt Şəhər Polis İdarəsinin əməkdaşlarına minnətdarlığını bildirir.

Vətəndaş Hicran Həmzəyev ünvanladığı məktubda gecə-gündüz yorulmadan xidmət aparan, ictimai asayişi və ictimai təhlükəsizliyi ayıq-sayıq qoruyan, xidməti vəzifələrini layiqincə yerinə yetirən DİN rəhbərliyinə və Azərbaycan polisinə minnətdarlığını bildirir, çətin və şərəfli xidmətlərində uğurlar atrzulayır.   

Vətəndaş Yadigar Məmmədov ünvanladığı məktubda itən əşyası ilə bağlı polisə müraciət etdiyini və keçirilən tədbirlərlə qısa zamanda əşyanın tapıldığını vurğulayır. Buna görə də Sumqayıt Şəhər Polis İdarəsinin 3-cü Polis Bölməsinin əməkdaşlarına təşəkkürünü bildirir.