Mingəçevir şəhər sakini Pərviz İsakov müraciətinin obyektiv araşdırılmasına görə, Mingəçevir ŞPŞ-nin DYPB-nin əməkdaşlarına minnətdarlığını bildirir.

Vətəndaş Nicat Kərimov DİN-in “Instagram” səhifəsinə təşəkkür mesajı ünvanlayıb: “02.02.2026-cı il tarixində paytaxtın Nəsimi rayonu ərazisində yol-nəqliyyat hadisəsi baş vermişdi. Nəsimi Rayon Polis İdarəsinin Təhqiqat Şöbəsində aparılan araşdırma zamanı göstərilən diqqət və səmimi münasibətə, hüquqlarımın müdafiə olunmasına və obyektiv araşdırılma məmnuniyyətimin ön plana çəkilməsinə görə DİN-in və Nəsimi RPİ-nin rəhbərliyinə, həmçinin təhqiqat şöbəsinin əməkdaşlarına öz dərin təşəkkürümü bildirirəm”.

Vətəndaş Sədaqət Əskərova DİN-in “Instagram” səhifəsinə təşəkkür mesajı ünvanlayıb: “Pul vəsaitimin səhv karta köçürülməsi ilə bağlı müraciətimin qısa müddətdə baxılaraq öz həllini tapmasına görə DİN-in rəhbərliyinə dərin təşəkkürümü bildirirəm. Həmçinin məsələnin həlli istiqamətində göstərilən diqqət və köməkliyə görə Nərimanov Rayon Polis İdarəsinin 18-ci Polis Şöbəsinin əməkdaşlarına minnətdarlığımı bildirirəm”.

Vətəndaş Adilə İlyasova DİN-in “Instagram” səhifəsinə təşəkkür mesajı ünvanlayıb: Xətai Rayon Polis İdarəsinin 34-cü Polis Şöbəsinə nəvəmin itkin düşməsi ilə bağlı müraciət etmişdim. Müraciətimə operativ şəkildə reaksiya verildi. Nəvəm Xətai rayonu ərazisində 34-cü Polis Şöbəsinin əməkdaşları tərəfindən tapıldı və yaşadığım ünvana gətirilərək sağ-salamat təhvil verildi. Buna görə DİN-in və  Xətai RPİ-nin rəhbərliyinə dərin təşəkkürümü bildirirəm”.

Vətəndaş Məhyəddin Surxayev DİN-in “Instagram” səhifəsinə təşəkkür mesajı ünvanlayıb: “03.02.2025-ci il tarixində içərisində pul və mənə aid olan vəsiqələrim olan pul kisəmin itməsi barədə Xətai Rayon Polis İdarəsinin 35-ci Polis Şöbəsinə müraciət etmişdim. Pul kisəm içərisindəki əşyalarla birlikdə tapılaraq mənə təhvil verildi. DİN-in rəhbərliyinə və bütün polis əməkdaşlarına minnətdarlığımı bildirirəm”.

Vətəndaş Tural Qasımov DİN-in “Instagram” səhifəsinə təşəkkür mesajı ünvanlayıb: “Mən telefonumun oğurlanması ilə bağlı Nəsimi Rayon Polis İdarəsinin 20-ci Polis Şöbəsinə ərizə ilə müraciət etdim. Təhqiqat araşdırması aparıldı. Telefonum tapılaraq mənə qaytarıldı. DİN-in rəhbərliyinə və Nəsimi Rayon Polis İdarəsinin əməkdaşlarına təşəkkürümü bildirirəm. Mənə kömək etdiyiniz üçün çox sağ olun”.

Vətəndaş Elnarə Ağakişiyeva DİN-in “Instagram” səhifəsinə təşəkkür mesajı ünvanlayıb: “06.02.2026-cı il tarixində itirdiyim mobil telefonumun tapılması ilə bağlı Nərimanov Rayon Polis İdarəsinin 18-ci Polis Şöbəsinin rəhbərliyinə və iş üzrə araşdırma aparan əməkdaşlara səmimi təşəkkürümü bildirirəm. Polis əməkdaşları tərəfindən operativ şəkildə kamera görüntüləri araşdırıldı, sürücü ilə dərhal əlaqə saxlanıldı və nəticədə telefonum qısa müddətdə mənə təhvil verildi. Peşəkar, çevik və diqqətli yanaşmaya görə minnətdarlığımı ifadə edir, Azərbaycan polisinə xidmətlərində uğurlar arzulayıram”.

Vətəndaş Leyli Cəfərova Daxili İşlər Nazirliyinə ünvanladığı məktubunda axtarış işi ilə bağlı Qaradağ Rayon Polis İdarəsinə müraciət etdiyini qeyd edir. O, idarənin Cinayət Axtarışı Şöbəsinin əməkdaşları tərəfindən müraciətinə operativ baxılmasına, qısa müddətdə müvafiq tədbirlərin keçirilməsinə və müraciətinin müsbət həllinə görə Qaradağ Rayon Polis İdarəsinin rəhbərliyinə və əməkdaşlarına minnətdarlığını bildirir.

Quba rayon sakini Bəhruz İsayev DİN rəhbərliyinə ünvanladığı təşəkkür məktubunda xidməti vəzifə borclarını layiqincə yerinə yetirdiklərinə, eləcə də fədakarlıq nümayiş etdirdiklərinə görə Quba RPŞ-nin əməkdaşlarına minnətdarlığını bildirir.