Polis veteranı Valeh Sadıqov məktubunda ona göstərilən diqqət və qayğıya görə DİN rəhbərliyi başda olmaqla Azərbaycan polisinə minnətdarlığını ifadə edir.

Vətəndaş Elvin Məmmədov məktubunda üzləşdiyi dələduzluq faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə Sumqayıt Şəhər Polis İdarəsinin əməkdaşlarına təşəkkürünü bildirir.

Bakı şəhər sakini Müjgan Məmmədova məktubunda daxili işlər naziri tərəfindən keçirilən vətəndaş qəbulunda iştirak etdiyini bildirir. O, müraciəti üzrə müvafiq göstəriş verilməsinə, dəymiş maddi ziyanın ödətdirilməsində göstərilən köməkliyə və müraciətinin müsbət həll olunmasına görə DİN rəhbərliyinə təşəkkürünü bildirir.

Bakı şəhər sakini Leyla Ahiska Daxili İşlər Nazirliyinə ünvanladığı məktubunda üzləşdiyi problem zamanı çevik və operativ reaksiya göstərilməsinə görə ictimai asayişi ayıq-sayıq qoruyan və xidməti vəzifələrini layiqincə yerinə yetirən Azərbaycan polisinə minnətdarlığını bildirir, çətin və şərəfli xidmətlərində uğurlar arzulayır.  

Vətəndaş Jalə Qarayeva DİN-in “Instagram” səhifəsinə təşəkkür mesajı yazıb. O, DİN-in “Instagram” səhifəsi vasitəsilə ünvanladığı müraciətinə operativ baxıldığına, həmçinin müraciətinin müsbət həll olunaraq narahatlığına son qoyulmasına görə polis əməkdaşlarına təşəkkürünü bildirir. 

Şirvan şəhər sakini Ələmdar Dəmirov Daxili İşlər Nazirliyinə ünvanladığı təşəkkür məktubunda Hacıqabul rayonunda keçirilən vətəndaş qəbulu zamanı üzləşdiyi problem ilə bağlı etdiyi müraciətinə həssaslıqla yanaşılmasına və göstərilən köməkliklərə görə DİN rəhbərliyinə minnətdarlığını bildirir.

Vətəndaş Ruslan Mirzəzadə müraciəti ilə əlaqədar Lənkəran Şəhər Rayon Polis Şöbəsinin rəhbərliyi tərəfindən qəbul edilərək ona lazımi hüquqi izahatın verilməsinə və vətəndaş məmnunluğunun təmin olunmasına görə öz təşəkkürünü bildirir.

Sosial şəbəkə istifadəçisi Nail Əliyev DİN-in “Facebook” səhifəsinə təşəkkür mesajı yazıb. O, vətəndaş müraciətlərinə göstərilən operativliyə və diqqətə görə DİN rəhbərliyinə minnətdarlığını ifadə edir.

Sosial şəbəkə istifadəçisi Südabə Ramazanzadə DİN-in “Instagram” səhifəsinə təşəkkür mesajı yazıb. O, müraciətinə operativ baxılaraq qısa müddətdə müsbət həll olunmasına göstərdikləri köməkliyə görə Nəsimi Rayon Polis İdarəsinin əməkdaşlarına təşəkkürünü bildirir.