Vətəndaş Aygün Baxşiyeva DİN-ə yazdığı məktubda özünə məxsus video-kamerasının itməsi ilə bağlı polisə müraciət etdiyini yazır. O, müraciətinə dərhal çevik reaksiya verilərək oğurlanmış əşyanın qısa müddətdə tapılıb geri qaytarılmasına görə Metropolitendə Polis İdarəsinin əməkdaşlarına minnətdarlığını ifadə edir.

Vətındaş Əflan Əhmədxanlı məktubunda qarşılaşdığı problemlə bağlı  etdiyi müraciətə Xəzər Rayon Polis İdarəsinin əməkdaşları tərəfindən çevik reaksiya verildiyini və məsələnin həlli istiqamətində zəruri tədbirlərin görülməsinin diqqət mərkəzində saxladığını qeyd edir. O göstərilən köməkliyə görə DİN rəhbərliyinə təşəkkür edir.

Vətəndaş Lalə Rəhimovanın ünvanlandığı məktubunda rayon ərazisində ictimai asayişin və ictimai təhlükəsizliyin etibarlı qorunmasına və vətəndaş müraciətlərinə həssaslıqla yanaşılmasına görə DİN rəhbərliyinə və Pirallahı Rayon Polis İdarəsinin əməkdaşlarına təşəkkürünü bildirir.   

Bakı şəhər sakini Ağa Mirzəyev DİN-in “Instagram” səhifəsinə təşəkkür mesajı yazıb. O, qarşılaşdığı yol-nəqliyyat hadisəsilə əlaqəli ünvanladığı müraciətinə dərhal reaksiya verildiyini, Nərimanov Rayon Polis İdarəsinin əməkdaşları tərəfindən qeyd etdiyi məsələ ilə bağlı müvafiq tədbirlərin həyata keçirildiyini yazır.

Bakı şəhər sakini Sübhan Cəfərov məktubunda cinayətkarlığa qarşı aparılan qətiyyətli mübarizə tədbirlərinə görə DİN rəhbərliyinə təşəkkürünü bildirir, ictimai asayişi ayıq-sayıq qoruyan və xidməti vəzifələrini layiqincə yerinə yetirən Azərbaycan polisinə çətin və şərəfli xidmətlərində uğurlar arzulayır.

Bakı şəhər sakini Elnarə Balayeva vətəndaşların müraciətlərinə diqqətlə yanaşılmasına və operativliyə, həmçinin müraciətinin müsbət həll olunaraq özünün narahatlığına son qoyulmasına görə DİN rəhbərliyinə və Suraxanı Rayon Polis İdarəsinin əməkdaşlarına təşəkkürünü bildirir.

Vətəndaş Sevda Əliyeva Daxili İşlər Nazirliyinə ünvanladığı məktubunda pozulmuş hüquqlarının bərpası ilə bağlı Suraxanı Rayon Polis İdarəsinə müraciət etdiyini qeyd edir. O, müraciətinə operativ baxıldığına, qısa müddətdə araşdırılaraq müvafiq tədbirlərin keçiridiyinə və pozulmuş hüquqlarının bərpa edildiyinə görə Suraxanı Rayon Polis İdarəsinin əməkdaşlarına minnətdarlığını bildirir.     

Vətəndaş İlqar Qaraxanov DİN-in sosial şəbəkə səhifəsinə yazdığı mesajında müraciəti üzrə müvafiq göstəriş verilməsinə, dəymiş maddi ziyanın ödətdirilməsində göstərilən köməkliyə və müraciətinin müsbət həll olunmasına görə DİN rəhbərliyinə və Xətai Rayon Polis İdarəsinin əməkdaşlarına təşəkkürünü bildirir.

Bakı şəhər sakini Bella Rzayeva baş vermiş yol-nəqliyyat hadisəsi ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə görə DİN rəhbərliyinə və Bakı Şəhər Baş Polis İdarəsinin əməkdaşlarına minnətdarlığını bildirir.