Astara rayon sakini Kəlam Quliyev və Qadir Məmmədov Astara RPŞ-nin rəhbərliyindən və əməkdaşlarından razılıqlarını ifadə edirlər.

Şirvan şəhər sakini Mehman Quliyev Şirvan şəhərində qısa zaman kəsiyində bəzi cinayətkar qrup və dəstələrin ifşa edilib zərərsizləşdirilməsində, narkotiklərin qanunsuz dövriyyəsinə qarşı mübarizənin gücləndirilməsində, əllərdəki qanunusz silahların yığılmasında və bu sahədə profilaktik, həmçinin əməliyyat-axtarış tədbirlərinin geniş vüsət almasında bir polis zabiti kimi qətiyyətini əsirgəməyən ŞPŞ-nin rəisi, polis polkovniki Hikmət Quliyevə təşəkkürünü bildirir.

Nəsimi rayonundakı 9 nömrəli məktəbin direktor əvəziMirvari Fərəcova rəhbərlik etdiyi tədris ocağında narkomaniya, erkən nikah və dini radikalizm mövzusunda mütəmadi olaraq maarifləndirici tədbirlər keçirdiklərinə görə RPİ-nin rəhbərliyinə təşəkkürünü bildirir və polisin fəaliyyətini yüksək qiymətləndirir.

Bakı şəhər sakini Alim Mahmudlu etdiyi müraciətə Baş Mütəşəkkil Cinayətkarlıqla Mübartizə İdarəsində baxıldığına, aparılan araşdırmalardan sonra hər şeyin qanun çərçivəsində öz həllini tapdığına görə DİN rəhbərliyinə təşəkkürünü bildirir.

Sumqayıtda məskunlaşan məcburi köçkün Hüseyn Həsənov Sumqayıt şəhər Mühafizə İdarəsində polis nəfəri kimi xidmət edən övladına zabit rütbəsi verildiyinə və xidmətdə fərlənən gənclərə göstərilən diqqət və qayğıya görə DİN rəhbərliyinə minnətdarlığını bildirir.

Sulutəpə qəsəbə sakini İsgəndər İsrafilov Binəqədi RPİ-nin fəaliyyətindən razılığını bildirir.

Şəki şəhər 1 nömrəli tam orta məktəbin müəllimi, şəhid anası Dursun Cavadova şəhid ailələrinə göstərdiyi maddi və mənəvi dəstəyə görə ŞRPŞ-nin rəisi, polis polkovniki Əbülfət Rzayevə minnətdarlığını bildirir.

Masallı rayon sakini Kəmaləddin Şükürov pulunu dələduzluq yolu ilə alan şəxsin qısa zaman kəsiyində qanuna təslim edilməsində, dəymiş ziyanın tam ödətdirilməsində göstərdikləri köməyə görə Masallı Rayon Polis Şöbəsinin rəisi, polis polkovniki Habil Əmiraslanova minnətdarlığını ifadə edir.

Zəngilan Rayon Polis Şöbəsinin Veteranlar Şurasının üzvləri veteranlara göstərdiyi diqqət və qayğıya, üzləşdikləri problemlərə həssaslıqla yanaşdığına görə DİN rəhbərliyinə təşəkkür edirlər.