Quba rayonu Qırmızı qəsəbə sakini Boris İsakov DİN-ə ünvanladığı təşəkkür məktubunda köməksiz vəziyyətdə olarkən onu ölümün pəncəsindən qurtaran Quba RPŞ-nin əməkdaşları, polis serjantları İlham Məmmədova və Seyfəl Nəsirova, eləcə də ictimai təhlükəsizliyin təmin edilməsində göstərilən xidmətə görə DİN və Quba RPŞ-in rəhbərliyinə minnətdarlığını bildirir.

Lənkəran rayonunun Tükəvilə kənd sakini Güloğlan Əliyev DİN rəhbərliyinə ünvanladığı təşəkkür məktubunda xidməti fəaliyyətini layiqincə yerinə yetirdiyinə görə Lənkəran ŞRPŞ-nin Dövlət Yol Polisi Bölməsinin Yol Patrul Xidmətinin baş inspektoru Mirxəyal Hüseynovdan razılığını ifadə edir.

Cəlilabad rayonunun Dələli kənd sakini Rahim Bayramov DİN rəhbəliyinə ünvanladığı təşəkkür məktubunda ictimai qaydanın və ictimai təhlükəsizliyin qorunmasına, ümumtəhsil məktəblərində narkomaniyaya qarşı mübarizə çərçivəsində keçirilən maarifləndirici görüşlərə görə Cəlilabad RPŞ-nin rəisi, polis polkovniki Mübariz Quliyevə minnətdarlığını bildirir.

Ağcabədi rayon sakini Şəmsi Qəhrəmanov və Beyləqan rayon sakini Şamil Nüfərov DİN rəhbərliyinə ünvanladıqları təşəkkür məktubunda sürücülük imtahanının tam aydın və şəffaf şəkildə keçirildiyinə görə Ağcabədi rayonunda regional qeydiyyat-imtahan və texniki baxış şöbəsinin əməkdaşlarına təşəkkürlərini bildirirlər.

Bir qrup Ağcabədi rayon sakini cinayətkar qrup və dəstələrin ifşa edilib zərərsizləşdirilməsində, narkotiklərin qanunsuz dövriyyəsinə qarşı mübarizənin gücləndirilməsində, rayonda yaradılmış sabitliyə, əmin-amanlığa görə DİN rəhbərliyinə və vəzifə borclarının öhdəsindən layiqincə gələn Rayon Polis Şöbəsinin əməkdaşlarına xidmətlərində uğurlar arzu edirlər.

Yevlax rayon sakini Şahin Abdullayev DİN rəhbərliyinə ünvanladığı təşəkkür məktubunda ictimai asayişin və sabitliyin qorunmasındaki xidmətlərinə görə polisin fəaliyyətindən məmnunluğunu bildirir.

Saatlı rayonunun Dədə Qorqud kənd sakini Əbilağa Hüseynov DİN-ə ünvanladığı təşəkkür məktubunda oğlu Yusif Hüseynovun Şirvan şəhərində keçirilən sıra baxışında iştirak edərək işlə təmin olunması ilə bağlı DİN rəhbərliyinə minnətdarlığını bildirir.

Sabirabad rayon sakini Ziyad Salmanov DİN rəhbərliyinə ünvanladığı təşəkkür məktubunda müraciətinə BMCMİ-də obyektiv baxıldığı üçün təşəkkür edir.

Şirvan şəhər sakini Gülşən Allahverdiyeva DİN rəhbərliyinə ünvanladığı təşəkkür məktubunda axtarışda olan Bəhrəm İsayevin tapılmasında göstərilən köməkliyə görə ŞPŞ-nin rəisi Hikmət Quliyevə və İB-nin müstəntiqi Əhməd Baloğlanova minnətdarlığını bildirir.